kun mkhyen klong chen pa

kun mkhyen klong chen pa

snga 'gyur bstan pa'i sgron me chen po 'gran zla bral ba zhig ste/mtshan gzhan dri med 'od zer dang tshul khrims blo gros te kun mkhyen tshul blo yang zhu/g.yo ru grwa'i cha stod grong du yab sngags 'chang bstan pa srung dang/yum 'brom bza' bsod nams rgyan gnyis kyi sras su rab byung lnga pa'i sa sprel (1308)lor sku 'khrungs/dgung lo lnga la phebs tshe yi ge 'bri klog rnams brda sprod zhus pa tsam gyis dkar tshegs med par mkhyen/dgung lo bdun la yab sngags 'a chang gi drung nas bka' brgyad bde 'dus/rta mgrin/phur pa/gu ru zhi drug rnams dbang lung man ngag phyag bzhes/sman dang rtsi la sogs pa gsan nas thugs su chud par mdzad/dgung lo bcu gnyis pa la babs yas su mkhan po bsam 'grub rin chen dang slob dpon kun dga' 'od zer gnyis las rab byung gi sdom pa bzhes te mtshan tshul khrims blo gros zhes gsol/gzhan yang slob dpon btsan dgon pa dang gzhon nur rin chen gnyis kyi drung nas phar phyin dang tshad ma/slob dpon gzhon nu rgyal po las dbu ma/dpang lo chen po las mngon pa dang zab mo mdo lnga'i bshad pa bcas gsan nas grwa sa chen po'i sde phar che bar grwa p+sakor mdzad pas mkhas pa'i snyan grags kyis khyab/slob dpon gzhon nu don grub las mdo sgyu sems gsum gyi gdams pa/slob dpon bkra shis rin chen las lam 'bras skor dang/zhi byed/rdzogs chen gyi man ngag sogs gsan cing/gzhan yang karma pa rang byung rdo rje dang/sa skya'i bla ma bdag nyid chen po/bla na 'jam dbyangs pa sogs bcu phrag lhag tsam la bsten nas gangs ljongs su dar ba'i mdo sngags kyi chos brgyud yongs su gsan bzhes gnas/lhag par du rig 'dzin ku mA rA dza'i drung nas gsang sngags snga 'gyur gyi gdams pa mtha' dag nyams khrid du gsan nas dben gnas mang por sgrub pa nyams bzhes mdzad pa las gas pa chen po rang snang rim med kyi nyams rtog mthar phyin te grub pa'i go 'phang mthon por gshegs/gangs ri thod dkar du bzhugs nas skal ldan gyi slob ma mang po la snying thig gi chos rgya cher gsungs shing/yang tig skor gsum/rang grol skor gsum/ngal gso skor gsum/mdzod mun gyi phal che ba sogs gnas 'di nyid du brtsams par mdzad cing/dgon gnas btab pa'i ming la o rgyan rdzong gnas zhes 'dogs par mdzad/de ltar bstan 'gro'i don rgya cher mdzad nas dgu ko lnga bcu nga drug bzhes pa rab byung drug pa'i chu yos (1363)lor bsam/mchims phur dgongs pa mya ngan las 'das/sku gdung zhugs la phul phas thugs ljags spyan gsum mes ma tshig pa dang ril bsrel grangs med byon pa rnams nang rten 'dra sku rin po che dang phyi rten byang chub chen po'i mchod rten kyang gnas de nyid du bzhengs pa sogs rnam thar gyi zhib pa chag ri nyi grags mchog sprul sku phreng drug pa thun bstan 'od gsal bstan pa'i nyi mas mdzad pa'i (gsang chen snga 'gyur nges don zab mo'i byung ba gsal bar byed pa'i legs bshad )shog grangs 214nas 222bar gsal ba der gzigs/gzhan yang/khams pa chos grags bzang pos mdzad pa'i (kun mkhyen dri med 'od zer gyi rnam thar mthong ba don ldan )bris ma shog grangs 31yod pa zhig yang mjal/de'i nang du gsungs pa ltar na/kun man mchog gi gsung rtsom gras/phyi'i gnas thun mong gi skor bstan bcos dgu bcu go lnga/nang gi gnas rgya cher bshad pa'i bstan bcos brgya dang nyer brgyad/gsang ba'i gnas de kho na nyid ston pa'i bstan bcos sum cu sde khyon chos tshan nyis brgya lnga bcu nga gsum yod par gsungs/sde dge dpar khang chen mor bzhugs pa'i gras su (mdzod bdun/(ngal gso skor gsum/) (rang grol skor gsum/) (mun sel skor gsum/) (snying thig skor gsum/) (yang tig skor gsum )sogs bsdoms pod bdun bzhugs/rnam thar skor (chos rje rin po che dri med 'od zer gyi rnam thar mthong ba don ldan/) de nyid kyi dngos slob ldan sgom chos grags bzang pos mdzad pa bris ma la shog grangs 31yod pa dang mdor bsdus tsam (gu bkra chos 'byung )krung go'i bod rig pa dpe skrun khang gi dpar ma shog grangs 214224bar gsal ba der gzigs/kun mkhyen 'di'i mtshan gyi rnam grangs kyang/mdzod bdun sogs las/klong chen rab 'byams dang/klong gsal dri med/rdo rje gzi brjid/rdo rje sems dpa'/med 'od zer/blo gros mchog ldan/tshul khrims blo gros /ngag gi dbang po/pad+ma las grol/sna tshogs rang grol/bsam yas pa sogs dang gzhan yang kun mkhyen 'jigs med dbang po'i gsol 'debs las mdo khams pa 'jigs med 'phrin las 'od zer/rgyal ba'i myu gu/mkhyen brtse'i lha bcas gsal bas mtshan de rnams gsal ba'i gsung rtsom rnams kun mkhyen 'di'i gsung yin no/

{{#arraymap:kun mkhyen klong chen pa

|; |@@@ | | }}