kun mkhyen rong po

kun mkhyen rong po

sa skya'i bstan 'dzin kun mkhyen g.yag rong gnyis zhes grags pa'i nang tshan rong ston shAkya rgyal mtshan zhu ba de yin/rgyal rong gi yul du bon po'i rigs rgyud cig tu rab byung drug pa'i me log (1367)lor sku 'khrungs/dgung lo bco brgyad yan chad du bon kyi gzhung la thos bsam rgya cher mdzad/dgung lo bco brgyad pa la gsang pu ne'u thog gi chos grwar sgrigs zhugs mdzad de gling stod pa rin chen rnam rgyal dang/kong ston blo gros dbang phyug gi drang nas bsdus grwa dang/tshad ma/phar phyin bcas gsan/'phan yul gro sa'i mkhas pa chen po dmar ston pa'i drung du 'dul ba smad lugs dang/'dul 'dzin thag ma pa'i bshad srol gyi 'dul ba dang/mngon pa mchim lugs kyi bshad/thang sag pa gzhon no rgyal mtshan gyi drung nas pa tshab so tsA ba'i dbu ma thal 'gyur ba'i bshad srol/lo pa shAkya rin chen gyi drung nas mngon pa kun btus kyi bshad pa bcas gsan/dgung lo nyer gnyis pa la gro sa'i mkhan po dmar ston pa kun dga' rgyal mtshan dang dpal ldan rin chen rnam gnyis kyi drung nas rab byung dang bsnyen rdzogs bzhes/dgung lo nyer gnyis nas tshad ma rnam nges kyi Tik+ka brtsams par mdzad cing/de nas dgung lo gya gsum yi bar sku tshe gcig ring 'chad rtsod rtsom gsum gyi mdzad pa rgya cher bskyangs shing/gzhan la 'chad spel mdzad pa'i gzhung lugs drug cu rtsa bzhi dang/'grel bshad mdzad pa'i gzhu bzhi bcu lhag tsam yod par gsungs/gzhan yang yar lung pa seng ge rgyal mtshan dang/lo chen skyabs mchog dpal bzang/lo chen grags pa rgyal mtshan/kun mkhyen shes rab 'od zer/'jam dbyangs kha che/mun chen nam mkha'i rnal 'byor sogs bla ma mang po'i drung nas mdo sngags kyi lung khrid dbang bka' man ngag gi rgyun mtha' yas pa gsan/zhi byed kyi chos skor dang/phar phyin/dbu ma rang rgyu pa'i lta ba bcas 'chad spel dar rgyas su gtor bar mdzad par brten gsung skyes slob ma yang snga tshar gyi bu chen bzhi/bar tshar gyi bu chen bcu/phyi tshar gyi bu chen bcu drug /yang tshar gyi bu chen grags pa can bzhi/mdzad spyod rang dang mtshungs pa gsum/gsung sgros rgyun 'dzin gyi mkhas pa bcu gnyis bcas byung ba rnams bstan 'dzin gyi skyes chen mtshan don mtshungs shing mdzad 'phrin che ba sha stag yin/dgung lo bdun cur phebs pa rang byung bdun pa'i me 'brug (1436)lor 'phan po na len+d+ra'i chos sde btab cing/de nas lo bcu bzhir gdan sa de nyid rang du bzhugs nas gzhan phan gyi mdzad pa bskyangs/mdzad pa gzhan dag skor la rang rang gi grub mtha'i phyogs 'dzin gyis gleng phyogs mi mthun stabs 'dir ma bkod cing/gzigs par 'dod na dus thog mnyam pa'i skyes chen dam pa gzhan gyi rnam thar la gzigs pa zhu/gsung rtsom skor/(bshes springs 'grel pa/) (mdo sdud pa'i 'grel pa/) (brgyud stong don bsdus kyi 'grel pa/) (phar phyin mngon rtogs rgyan kyi 'grel pa/) (mdo sde rgyan)dang (rgyud bla ma dbus mtha' rnam 'byed//) (chos nyid rnam 'byed bcas kyi 'grel pa/) (dbu ma 'jug pa'i 'grel pa/) (dbu ma rgyan gyi 'grel pa/) (sgom rim rnam pa gsum gyi 'grel pa/) (mngon pa mdzod kyi 'grel pa/) ('dul ba me tog phreng rgyud kyi rnam bshad/) (tshad ma kun btus kyi 'grel pa/) (tshad ma rnam nges kyi 'grel pa/) (tshad ma'i spyi don che chung gnyis/) (tshad ma rigs gter gyi 'grel pa/) (gsang ba 'dus pa'i rtsa rgyud 'grel pa sgrol gsal gyi rnam bshad )sogs mang po zhig 'dug kyang 'dir yig tshogs kyis 'jigs nas bri ma nus so/_/rnam thar ni/paN chen shAkya mchog ldan gyis mdzad pa (kun mkhyen chen po rong po'i rnam thar )zhes kha byang du 'khod pa dpar ma dpe 'bring shog grangs 45can zhig yod/de las bsdus pa mang thos klu sgrub rgya mtshos mdzad pa'i (bstan rtsis gsal ba'i nyid byed )lcags dpar ma'i shog grangs 201nas 204bar dang/(deb sngon )lcags dmar ma'i smad cha shog grangs 1258nas 1260bar gsal

{{#arraymap:kun mkhyen rong po

|; |@@@ | | }}