lcags thang rab 'byams pa byams pa bsod nams

lcags thang rab 'byams pa byams pa bsod nams

rje 'di nyid rang byung brgyad pa'i shing rta (1474)lor gtsang lcags thang du sku 'khrungs/dgung lo bcu gcig par sangs rgyas gling du bsod nams legs pa dang 'chad dka' bcu pas mkhan slob mdzad de rab tu byung/de nas lo brgyud ring mdog chos 'khor sgang du bshes gnyen shAkya rgyal mtshan dang blo gros rgyal mtshan gnyis las rigs pa'i shes bya legs par sbyangs/dgung lo bcu dgu par mnyan yod bya grod gshongs chos grwar 'jam dbyangs 'phags mchog klu sgrub las grangs chen bco brgyad gyi legs bshad dang/gsung ngag sogs sngags kyi zab gnad lo brgyad ring gsan sbyong dang/paN chen 'bum phrag gsum pa la gsung ngag shangs pa bka' brgyud/ras chung snyan bag+r+yud sogs kyi zab khrid gsan/dgung lo nyer lnga dang nyer drug pa la dbang 'khor bde chen dang rtsed thang du gzhung lugs bcu drug la legs bshad kyi skyes phul/dgung lo nyer dgu pa mdog ya ga chos sdings su byams pa dkon mchog dpal sogs las bsnyen par rdzogs/dgung lo so drug nas lo gsum ring gsang phu ba chos grags kyis mkhan po dang rje 'dis slob dpon mdzad/dgung lo so dgu pa chu sprel (1512)lor dpal 'bum phrag gsum pa'i rgyal tshab tu mnga' gsol/dgung lo re bzhi bar gdan sa bskyangs/de bar mdo phyogs kyi 'chad nyan kho nas bstan pa rin po che gsal bar mdzad/dgung lo re bzhi pa me bya (1537)lor paN chen bzang po bkra shis la gdan sa gtan de bzang brag phug tu bzhugs/re lnga pa sa khyi (1538)lor chos rgyal tshe dbang rdo rjes dpal ngam rings kyi mkhan por mnga' gsol/mdor na 'chad pa kho nas bstan pa spel ba la ro ston gyi rjes su kun mkhyen 'di nyid bka' drin che bar grags/gsung las skyes pa'i slob ma yang/paN chen bzang po bkra shis/'jam dbyangs phyogs las rnam rgyal/skyid gshongs pa chen po blo gros rnam rgyal/'jam dbyangs sangs rgyas rgyal mtshan/'dzam gling bar 'byams pa sangs rgyas lhun grub/lnga rig bkra shis chos 'phel/gdan gcig pa shAkya mtsho/_/mkhas mchog grags pa bzang po/'jam mgon dpal ldan bkra shis kyis gtsos shin tu mang po byung ngo/_/mthar dgung grangs re bdun la phabs pa rab byung dgu pa'i lcags byi (1540)lor dgongs pa chos dbyings su thim

{{#arraymap:lcags thang rab 'byams pa byams pa bsod nams

|; |@@@ | | }}