mched pa'i rang bzhin bzhi bcu

mched pa'i rang bzhin bzhi bcu

'thob bya'i yul la yid chags pa dang/thub zin gyi yul la chags pa'i zhen pa dang/yul yid du 'ong bar snang tsam la sems la 'phrod pa ni dga' ba che chung gi dbye bas gsum dang/'dud don 'grub pa la dga' ba rangs pa dang/de nyid rnam pa yang yang ro myong ba ni shin tu mgu ba dang/gsar thob re la brten nas sems mtho ye re bar bteg pa ni mo mtshar ba dang/yid 'ong gi phyogs la sems pa ni ngo mtshar ba dang/yid 'ong gi phyogs la sems snyegs pa ni rgod pa dang/bde bas ngoms pa ni tshim pa'o/_/'khyud par 'dod pa'i sems ni mtshon byed de yul la chags pa'i dbang gis lus ngag gi bya ba rtsom 'dod do/_/'o byed par 'dod pa ni mtshon byed de chags pa'i byed pa yang yang rtsom 'dod da/de bzhin du 'dzin par 'dod pa'ang mtshon byed de byed pa de'i rgyun mi 'dor bar 'dod pa'o/_/'du shes brtan po gzhan dub sgyur mi thub pa ni brtan pa dang/dge ba la spro ba ni brtson 'grub dang/rigs pa la sogs pa'i rgyu mtshan lab rten nas mtho bar sems pa ni nga rgyal te nga rgyal bdun la sogs pa'o/_/las su bya ba rnams rdzogs par byed pa'i rtsom ba mi 'dor ba'i 'du byed ni bya ba dang/brnab sems ni 'phrog pa dang/gzhan 'joms par 'dod pa'i stobs dang/las phal pa la yid 'jug pa'i spro ba dang/lhan skyes zhes pa dpe la dag pa las bsgyur ba'i skyon te/sa ha sa zhes pa la sa ha dza zhes pa nor ro/_/des na tsham tshom du bsgyur ba dang/chag gis nus par bsgyur te de gnyis kyang chag gis bsgyur ba ltar legs so/_/de ni bya dkar pa la sbyor dgos kyang/mi zhum pa'i snying stobs te che chung gi dbye bas gsum mo/_/de bzhin du drug po ni khro ba ste rtsod 'dod la sogs pa'o/_/gzhan yang mdzes chos su sems pa'i sgeg pa dang/'khon du 'dzin pa'i zhe 'gras nyid dang/dge ba la yi rang ba'i dge ba dang/gzhan gyis go bar 'dod pa'i tshig gsal dang/bden par smra bar 'dud pa dang/mi bden pa ste rdzun smra par 'dod pa dang/dam bca' brtan por 'cha' ba'i nges pa dang/yul gyi skyo ba'i rgyu las yul yongs su 'dzin par mi 'dod pa nye bar mi len pa dang/sbyin par 'dod pa po'i blo dang/gzhan bslu bar sems pa'i rgyu dang/gdug pa can gyi lta ba ngan pa la zhes pa ste lta ngan lnga dang/gzhan gyi gnas lus longs spyod chud gson kyang ji mi snyam pa'i tho brtsams pa ni mi bsrun pa dang/rang gi nyes pa sbed pa'i g.yo ni gya gyu nyid de bcas pa'o/_

{{#arraymap:mched pa'i rang bzhin bzhi bcu

|; |@@@ | | }}