mkhas grub sangs rgyas ye shes

mkhas grub sangs rgyas ye shes

gtsang rong gi lhan drug brgyar yab dge bsnyen bla ma rin chen dang yum chos bstan zhes bya ba'i sras su rab byung dgu pa'i shing bya (1525)lor 'khrungs/yab yum de gnyis la sras bzhi yod pa'i chung ba yin/byis pa'i dus nas mdzad spyod ngo mtshar ba yod cing mtshan la chos skyabs rje zhes btags/ba gso lhun grub bde chen dgon du dge bshes yon tan bzang po las dge tshal gyi sdom bzhes te mtshan la sangs rgyas ye shes zhes gsol zhing/dge bshes de'i drung nas mdo sngags kyi chos mi nyung ba zhig gsan/dung lo bco lnga pa sa phag (1539)lor bkra shis lhun por chos zhugs mdzad de re zhig bzhugs/de nas rje btsun chos kyi rgyal mtshan gyi dngos slob rta nag dge 'dun blo bzang gi zhabs la gtugs te gzhung chen po lnga'i slob mthar phyin par mdzad/dgung lo nyer drug pa lcags kyi (155)lor mkhan chen dge 'dun blo bzang gis bskor gzhag gnang ba ltar bkra shis lhun po'i dge bskos kyi khur bzhes te/dge 'dun rnams chos khrims dang zang zing gnyis ka'i sgo nas skyong bar mdzad/de nas mkhan chen de nyid kyis bka' slob gnang ba ltar dben dgon du phebs nas grub dbang dben sa blo bzang don grub kyi zhabs la gtugs te gdams pa 'ga' zhig gnas nas dbu phyogs su phabs te rgyud smad gra tshang du zhugs nas lo ngo gnyis tsam ring rgyud 'grel gyi bshad pa dang/cho ga phyag bzhes phra rags thams cad thugs su chud pa dang/byang chub par mdzad de gtsang phyogs su phyir phebs/dben dgon du byon nas grub dang bden pa sa chen po'i drung nas lam rim dang blo sbyong gi khrid gsan te nyams bzhes dang myong ba thon par mdzad/rje de nyid kyis lung bstan pa ltar shangs mdo ri bo dge 'phel nu byon nas mkhan chen phyogs las rnam rgyal bas mkhan po dang/slob dpon dge legs pas las kyi slob dpon mdzad de dge slong gi sdom pa bzhes shing/gzhan yang chos bka' 'ga' zhig gsan te slar yang dben dgon rang du rub pa nyams bzhes gtso bor mdzad pas nyams rtogs kyi mthar song/dben sa pa chen po'i drung nas dam pa de nyid la bzhugs pa'i mdo sngags kyi chos rgyun yongs su rdzogs pa gsan cing/de nas dben sa pa chen pos bka' nan phebs pa ltar re zhig shangs mdo ri bo dge 'phel gyi mkhan po'i khrir 'khod nas mdo sngags kyi chos rgyun mang du bstsal/dgung lo zhe gcig pa rab byung dgu pa'i shing glang (1565)lor grub dbang dben sa pa chen po sku gshegs rjes sgrub khang de la gzhi byas te dben sa dgon pa gtsug lag khang dang/gtsang khang/mgon khang/bla brang dang bcas pa gsar bzhengs mdzad de gtsang khang gi nang grub dbang dben pa sa chen po'i sku dmar gdung gi 'dra sku bzhengs te bzhugs su gsol/tA la'i bla ma sku phreng gsum pa bsod nams rgya mtsho gtsang phyogs su phebs pa dang stabs 'grigs nas rab gnas la gdan drangs/de nas sman thang lha bris pa blo bzang rgya mtsho la bka' gnang nas khong dpon slob rnams kyis 'dul khang gi ldebs bris 'gran zla bral ba bzhengs/de nas lo mang ring dben dgon du bzhugs te slob brgyud rnams chos dang zang zing gnyis kyi sgo nas skyong bar mdzad/dgung lo nga brgyad pa chu rta (1582)lo'i gzhir ka bsam 'grub rtse nas re bskul zhus pa ltar slar yang shangs mdo ri bo dge 'phel gyi mkhan po'i khrir phebs te lo lnga'i bar bskyangs/de nas dben dgon du phyir phebs mdzad de sku tshe tha ma'i bar rgyun bzhugs mdzad/dad 'dus slob ma rnams la rang rang gi re 'dod dang 'tshams pa'i mdo sngags kyi chos rnams sku mtshams kyi bar gseng dang bstun nas bstsal/gsung rtsom yang (bla ma'i rnal 'byor skor )dang/(lam rim/) (gcod )kyi skor sogs phyogs bsgrigs pod chen po gcig yod/dgung lo'i bdun pa rab byung bcu pa'i lcags yos (1591)lor rong byams chen du phebs nas der sku gshegs/sku gdung dben dgon du gdan drangs nas zhugs 'bul zhus par rten ngo mtshar can mang du byon pa rnams gdung rten rnam rgyal mchod rten zhig bzhengs pa'i nang du bzhugs/rnam thar lo rgyus skor paN chen rin po che blo bzang chos kyi rgyal mtshan gyis mdzad pa'i (mkhas grub chen po gsum gyi rtogs brjod )kyi shog grangs 34nas 51bar yod pa dam pa de'i gsung 'bum pod ka pa'i nang bzhugs

{{#arraymap:mkhas grub sangs rgyas ye shes

|; |@@@ | | }}