mngon par rdzogs par sangs rgyas

mngon par rdzogs par sangs rgyas

spang bya phra zhing phra ba'am bcom nas spangs pa mthar phyin pa dang/shes bya ji lta ba dang ji snyed pa'i don ma lus par mngon sum du rdzogs par mkhyen pa'i ye shes brnyes pa'i rdzogs pa mthar phyin pa ste sangs rgyas pa'o/_/bdag cag gi ston mchog shAkya thub pa mngon par rdzogs par 'tshang rgya ba'i tshul la'ang theg dman theg chen gyi gsungs tshul mi 'dra ba ste/theg dman ltar na/bskal chen grags med gsum du tshogs bsags/de nas bskal chen brgyar mtshan dpe'i rgyu bsgrubs nas dga' ldan kyi gnas su lha'i bu dam pa tog dkar por sku 'khrungs shing dga' ldan gnas nas 'pho ba la sogs pa'i mdzad pa bcu gnyis bstan pa'i dug pa bdud sde bcom pa tshun chad so skye'i gnas skabs yin la/de nas byang chub sems dpa' so so skye ba srid pa tha ma pa'i tshe rdo rje gdan du stan gcig gi steng du bden bzhi mi rtag sogs bcu drug rtogs pa'i lam gyis sbyor mthong sgom pa mi slob ma lam gyi bar lam bzhi mthar phyin par mdzad de/gsar du mngon par rdzogs par sangs rgyas par bzhed do/_/theg chen ltar na/ston pa 'di nyid sngon bskal par grangs las 'das pa'i snga rol tu mngon par rdzogs par sangs rgyas zin pa yin te/bskal chen grags med gsum la tshogs bsags pa'i gnas skabs kyi grangs med dang po tshogs lam dang sbyor lam nges 'byed cha mthun bzhi bgrod cing/gnyis par sa dang po nas bdun pa'i bar dang/gsum pa'i skabs su sa brgyad pa mi g.yo ba nas sa gsum bgrod nas srid pa tha ma ba'i tshe 'og min stug po bkod par phyogs bcu'i sangs rgyas thams cad kyis 'od zer chen po'i dbang bskur nas sa bcu pa rdzogs mtshams su rdo rje lta bu'i ting nge 'dzin rgyud la skyes pa'i skad cig gnyis par longs spyod rdzogs pa'i skur sangs rgyas so/_/longs sku de 'og min du bzhugs nas mchog gi sprul pa'i sku las 'dod pa'i khams su mdzad pa bcu gis kyi tshul ston par bzhed do/_/de min gsang sngags kyis 'tshang rgya ba'i gsung tshul mi 'dra ba yod pas gzhung gzhan las shes par bya'o/_

{{#arraymap:mngon par rdzogs par sangs rgyas

|; |@@@ | | }}