mtshams bcad pa grags pa bsod nams

mtshams bcad pa grags pa bsod nams

'bri gung gdan rabs drug pa 'di nyid rab byung bzhi pa'i lcags byi (1240)lor yab rdo rje seng ge'i sras su yul 'dan stod kyi grong khyer tsong ngu na sku bltams/sku skyed bsrings pa na yi ge slob pa'i grwar bzhugs/rim por ma thogs par yig rigs mi gcig pa ji snyed la 'bri klog mkhas par gyur/dgung lo bco gsum pa la gcen chos rje thog kha ba rin po che'i spyan sngar rab tu byung/mtshan grags pa bsod nams zhes gsol/de nas rim gyis gcen thog kha ba'i drung las chos mdzad ma lus pa gsan cing byang chub par gyur/dgung lo bcu bdun bzhes tshe bsam gtan gyi khang bur lo gsum bar sgrub pa la rtse gcig tu bzhugs/de nas gcen thog kha ba las bsnyen par rdzogs shing gdan gcig dang rdor dkar gyis dus 'da' bar mdzad/slar lo bcu gsum bar zam mo'i rnal 'byol las mi g.yo bar bzhugs/yon tan gyi rnam par dpag med shar te 'phags pa 'jig rten dbang phyug 'od 'phro ba dus rtag par gzigs shing/thig le 'od lnga'i nang bka' brgyud kyi bla ma rnams dang rgyal ba'i zhing khams kyang du ma gzigs/gnas lugs kyi rtogs pa mngon du gyur te mchog gi dngos grub brnyes/bar byung lnga pa'i shing bya (1285)lor 'bri gung gi gdan khrir phebs/lo de nyid la rin po che sna bdun las bkra shis sgo mang bzhengs nas rab gnas mdzad/gling 'dir dge 'dun kyi tshogs bsam gyis mi khyab pa gtams te phal cher smra bcad 'dag sbyar gyi brtul zhugs la gnas pa 'ba' zhig dang/rje nyid kyang dus rtag tu sgrub pa la rtsis gcig tu bzhugs shing/zab chos gsung dgos rnams sbug sgor zhal yol bshams te mdzad par brten mtshan yang mtshams bcad pa rin po che zhes grags/de ltar lo gsum gyi bar du tshogs pa bskyangs te/dgung lo zhe dgu la phebs pa rab byung lnga pa'i sa byi (1288)lor mya ngan las 'das so/_

{{#arraymap:mtshams bcad pa grags pa bsod nams

|; |@@@ | | }}