phur lcog ngag dbang byams pa

phur lcog ngag dbang byams pa

mdo stod zal mo sgang gi char gtogs pa'i tham kha grong sno rol zhes par yab a nu 'phags dang yum bkra shis mtsho gnyis kyi sras su rab byung bcu gcig pa'i chu khyi (1682)lor sku 'khrungs/sku bltams rjes bka' brgyud bla ma grags pa phun tshogs la mtshan zhus par bde mchog bsrung zhes bstsal/dgung lo bdun la phebs skabs khu bo dbang phyug chos skyong sar yi ge klog pa'i sbyor ba la zhugs/dgung lo bcu gnyis thog chab mdo sku zhabs grwa tshang du chos zhugs mdzad/dgung lo bcu gsum thog chab mdo pa lha rgyal ba rgya mtsho'i drung du rab tu byung ste mtshan ngag dbang byams pa zhes gsol/dgung lo bcu bzhi'i thog 'phags pa lha'i drung nas 'jigs byed lha bcu gsum ma'i dbang bzhi yongs rdzogs bzhes pas rdo rje'i rigs su gyur te gsang mtshan ser rna rdo rje zhes gsol/dgung lo bco lnga par dbus phyogs su slob gnyer la phebs nas/thog mar dga' ldan dgon du chos zhugs gnang rgyu mdzad kyang ser byes grwa tshang du gnas gzigs mdzad skabs zhal ras la rlung bsil phog pa dang dus mnyam par bde mchog gi ldebs bris gzigs pa'i rkyen byas ser byes grwa tshang rang du chos zhugs mdzad/mkhas chen ngag dbang rgya mtsho dang bya bral dge bshes blo bzang chos 'phel sogs brten nas gzhung chen por gsan sbyong gnang/dgung lo bcu bdun la rigs chung tshogs langs mdzad/de'i skabs sgrub khang dge legs rgya mtsho dang mjal/dgung lo nyer gcig la gling bsre'i grwa skor mdzad/dgung lo nyer gsum par gtsang bkra shis lhun por phebs nas paN chen blo bzang ye shes kyi drung du bsnyen par rdzogs/dbus su phebs te thos bsam la brtson par mdzad nas lha sa smon lam chen mor grwa skor gnang dgung lo nyer lnga pa la sgrub khang dge legs rgya mtsho'i drug du chos bkang mang du gsan das dben gnas su sgrub par gzhol/dgung lo so dgu la rgyal dbang sku phreng bdun pa bskal bzang rgya mtsho gser khri mnga' gsol gyi mdzad sgor zhugs/dgung lo zhe dgu la phebs skabs 'phags pa lha yi yongs 'dzin gnang ste chab mdor phebs/dgung lo nga lnga lor gtsang du paN chen blo bzang ye shes la brtan bzhugs 'bul bar phebs/tshogs yongs la lam rim gyi gsung chos bstsal/dgung lo nga brgyad lor rje 'di nyid mi dbang bsod nams stobs rgyal gyi bka' (263) mngags ltar lha sa gtsug lag khang gi dkyil 'khor mthil du gser zangs kyi rgyal ba byams pa chen po gsar bzhengs legs grub mdzad sgor phebs de'i lor mi dbang gis bsam yas nyams gso legs grub zin pa'i rab gnas la phebs pa dang sbrags lho gnas su byon te 'phyongs rgyas su gong sa lnga pa chen po'i bla mtshor yang mtsho rdzas dang klu sman sogs 'bul ba gnang dgung lo re lnga la phebs skabs mang dbang bsod nams stobs rgyas dus chos su gyur pa'i mchod 'bul dang lha sa'i dur khrod rags khar sreg khang brtsigs te sreg byang gi gnang sgor zhugs de nas rgyal ba 'jam dpal rgya mtsho'i yongs 'dzin mdzad rgyud du thar 'dod skyes bu mang por dam pa'i chos kyi 'khor lo bskor bar gnang bka' rtsom la mtshon na (rten 'brel bstod pa'i Tik+ka 'od dkar phreng ba/) (gsung mgur bslab bya'i rim pa/) (byang chub lam rim la blo sbyong tshul gyi gdams pa thor bu zin bris su bkod pa/) (gsang 'dus bskyed ring dngos grub rgya mtsho'i snying po/) ('jam lugs tshe dbang rigs lnga'i zur 'debs 'chi med srog gi dpal sbyin/) (rigs gsum spyi sgrub kyi bla ma'i rnal 'byor/) (sku gsung thugs rten bzhengs pa'i dkar chag gi rim pa dang smon tshig gi rim )sogs pod gsum tsam bzhugs dgung lo brgyad cu gya gcig la phebs pa rab byung bcu gsum pa'i chu rta (1762)lor sku gshegs

{{#arraymap:phur lcog ngag dbang byams pa

|; |@@@ | | }}