phyi rol pa'i grub mtha'i dbye ba

phyi rol pa'i grub mtha'i dbye ba

mu stegs pa'i lugs mtha' yas pa zhig mchis pa de dag thams cad kyi rtsa ba ni (286) grangs can pa dang gzhan rnams de las gyes pa yin te (dbu ma 'jug pa )las de dbye cung zad cung zad la brten nas/_/mu stegs can rnams lugs ni tha dad 'gyur/_/zhes gsungs pa ltar grangs can pas btags pa'i bdag de'i khyad par las cung zad cung zad bsnon 'bri'i tshul mi 'dra ba la brten nas mu stegs can rnams kyi lugs phan tshul tha dad par 'gyur ro/_/zhes gsungs de la dbye na mdo tshangs pa'i 4dra ba las lta ngan drug cu re gnyis dad pa cher 'byung gi mdo las dam pa min pa'i lta ba nyer brgyad dang gzhan yang lung ma bstan gyi lta ba bcu bzhi ya mtshan can gyi lta ba dgu bcu rtsa drug lta ngan nyi shu sogs lta ba ngan pa grangs kyis mi langs pa yod pas dpal ldan chos kyi grags pas log pa'i lam la mu med phyir zhes gsungs pa ltar spyi log rtog gi lta ba ngan pa la 'di 'byung dang 'di mi 'byung zhes kha tshon gcod dkar bas gzhan sde la mtha' gcig tu grangs nges bzung bya ba mi rigs kyang bod kyi mkhas pa snga ma phal che ba'i gzhung las grangs can pa bye brag pa rig pa can pa dpyod pa ba gcer bu pa rgyang 'phen pa rnams la rtsa ba'i drug ces gsungs la mu stegs pa kun de'i nang du 'dus shing de yang bsdus na rtag chad kyi sde gnyis su ma 'dus pa med do zhes gsungs de dag las dang po lnga ni rtag par lta ba dang phyi ma ni chad pa lta ba yin no/_

{{#arraymap:phyi rol pa'i grub mtha'i dbye ba

|; |@@@ | | }}