rgyal ba bsod nams rgya mtsho

rgyal ba bsod nams rgya mtsho

(tA la'i bla ma sku phreng gsum pa )lha sa skyid shong smad stod lung mda' skyar po rtse khang gsar gong du yab sde pa rnam rgyal grags pa dang/yum dpal 'dzoms bu khrid gnyis kyi sras su rab byung dgu pa'i chu yos (1543)lo'i bod zla dang po'i tshes bco lnga nyin sku bltams/'khrungs ma thag ra ma dkar mo'i 'o ma zhal la gsol ba dang mtshan yang ra nu sri chod dpal bzang zhes gsol/dgung lo gsum nas rgyal ba dge 'dun rgyal mtsho'i dus kyi mdzad pa rnam thar rjes su dran te de dang de'i ngang tshul kho na mdzad cing/zhal nas kyang de bzhin du gsung ba zhig byung bas rgyal ba dge 'dun rgya mtshor snyan grags khyab pa bzhin zhabs drung gdung rgyud rin po che mi dbang bsod nams grags pa rgyal mtshan sogs nas rgyal ba dge 'dun rgya mtsho'i sprul skur ngos 'dzin zhus/dgung lo bzhi la phebs skabs phyag bris 'bri klog sogs la brtson par mdzad/de'i lo 'bras spungs dga' ldan pho brang gi gser khrir phebs/paN chen bod nams grags pa'i drung nas dge bsnyen gyi sdom pa bzhes/mtshan bsod nams rgya mtsho dpal bzang po bstan pa'i nyi ma phyogs las rnam rgyal du gsol/dgung lo lnga la chos 'khor rgyal du phebs/dgung lo bdun thog paN chen bsod nams grags pa mchog gi sku drung nas dge tshul gyi sdom pa bzhes/de nas paN chen mchog las tshe dbang grub g+r+yal ma dang/rnam sras ser chen/'dod khams dbang mo sogs kyi rjes gnang dang dbang/chos rje legs pa'i don grub kyi drung nas 'jigs byed kyi sngags btu/shar rtse legs pa don grub nas 'jam dpal sogs mdo dang sngags kyi zab chos mang po gsan pa dang/chos sde rnams su gsung chos kyang bstsal/dgung lo bdun yan la tshe dmag med kyi sngags 'bum phrag bcu gsum/dbyangs ngan ma'i bsnyen pa sa ya lnga/skyabs 'gro 'bum phrag bzhi/dgung lo bcu pa chu byi (1552)lor 'bras spungs kyi khrir phebs/de'i phyi lor lha ldan smon lam chen mo'i tshogs dbur phebs/dgung lo bcug cig yan la gur grags kyi sngags 'bum phrag nyis brgya/dgung lo bcu gsum la chos 'khor rgyal du phebs/ye shes khyung nag gi sngags 'bum gcig /de lo yang 'bras spungs su dmigs brtse ma 'bum phrag bzhi bcas mdzad/me 'brug (1556)lor yar klung sde gdong pa dang/'phyongs rgyas nang so ma mthun par sde gzar che ba langs pas rab 'dum du phebs te zhi 'jags byung ba sogs kun gyis spyi mos che/sa lug (1559)lor sne gdong gong ma chen mo ngag gi dpal phyug bkra shis grags pa rgyal mtshan nas kwan ting ta'i gu shrir hong hang gi mtshan gnas dang/phyag dam dmar po gnang chog pa'i bka' shog phul/chu khyi (1562)lor char gas rgyas cher lha sar chu nyen chen po byung rkyen de'i phyi lo lha ldan smon lam chen mo'i rjes 'brel dge 'dun rnams nas jo bo'i rags rdo skyel ba'i srol bzang 'dzugs par mdzad/dgung lo nyi shu rtsi gcig la mkhas grub dge legs dpal bzang pos mthun po dang/bstan pa dar rgyas kyis las slob/dge 'phel chos rje phyogs las rnam rgyal bas gsang ston/rje btsun bsod nams dpal bzang gis dus bsgo ba mdzad de dge slong gi sdom pa bzhes/de nas dge ba'i bshes gnyen kun bzang rtse pa dang/dpal ldan sa skya pa'i bstan 'dzin chen po tshar chen blo gsal rgya mtsho/rje bde ba can pa sogs mkhas grub du ma las chos bka' mang po dang gzhung chen la gsan mas mdzad/dgung lo nyer lnga lor gtsang du phebs nas se skya rnams la chos 'khor rgya cher bskor/dgung lo nyer drug thog 'bras spungs su phan bde legs bshad lang gsar 'dzugs gnang/dgung lo nyer brgyad thog chos 'khor rgyal gyi gdan sa'i chos srung phyi nang gsum gsum gyi rten rnams gsar du bzhengs/dgung lo so gsum la yar lung du dus zing skabs rje nyid kyis chings mdzad de zhi bar gyur/dgung lo so gcig la rnam rgyal grwa tshang phyag btab/dgung lo so lnga la phebs pa rab yung bcu pa'i me glang (1577)lor sog pa al than chos kyi rgyal pos spyan 'dren snga phyir zhus pa bzhin byang phyogs sog yul du ris med rgyal bstan spyi dang/bye brag zhwa ser cod pan 'chang ba'i ring lugs spel bar chibs kha bsgyur/rwa sgreng nas chibs thog tu 'khyol khar/sa skyong bkra shis rab brtan pas chibs yol la 'jus nas/bstan pa'i dpal gyur bla ma'i zhabs pad brtan/_/bstan 'dzin skyes bu sa steng yongs la khyab/_/ces tshig rkang gnyis 'phral rtsom mdzad thog /mchi mas brnangs te gsung rgyu ma byung bas/bstan pa'i sbyin bdag mnga' thang 'byor pa rgyas/_/bstan pa yun ring gnas pa'i bkra shis shog /ces chibs thog nas gnang bas tshig don zab cing byin rlabs che bar grags/al than dang mjal nas dbu lhar gyur te rje mchog la mi rigs mi gcig pa ma'i dbus su gser las grub pa'i dbu rgyan/bum pa/rigs lnga'i phyag mtshan/gser srang brgya las grub pa'i tham ka kha ris la/ 0 rdo rje 'chang tA la'i bla ma'i tham ka rgyal zhes zhes pa zhig dang/tA la'i bla ma'i badzra d+ha ra zhes bdag rdo rje 'chang gi mtshan bstod phul/de nas bzung rgyal dbang sku phreng rim byon la tA la'i bla ma ste rgya mtsho'i bla ma zhes pa'i mtshan snyan grags/rgyal dbang mchog nas al than la chos kyi rgyal po lha'i tshangs pa zhes pa'i mtshan gnang/sog yul la dam pa'i chos rgya cher bskor/sog po brgya phrag mang po rab tu byung/phyugs zog bsad nas mchod pa'i lam srol bcos par mdzad/al than dam chos la mos nas byang chab chos 'khor gling btab/rab byung bcu pa'i lcags 'brug (1580)lashor rgyal dbang mchog chab mdo byams pa gling dgon gyi byang sems chos rje'i khrir phabs te ser skya yongs la chos kyi 'khor lo rgya cher bskor bar mdzad/sku 'bum byams pa gling rgyas 'debs phyogs su phebs nas bka' chos du ma gnang/chu lug (1583)lor rgyal ba tsong kha pa sku bltams pa'i gnas chen sku 'bum du phebs/der bshad sgra 'dzugs pa'i zhal bkod mdzad/shing sprel (1584)lor sog yul du bskyar phebs gnang ste sog po nang 'khrug 'dum 'grig mdzad pas kun bde la 'khod/shing bya (1585)lor se chen ta'i ching gi sde thog tu phebs te phun tshogs dar rgyal gling gi dgon pa phyag btab/gsum rtsom la/(dpal rdo rje 'jigs byed kyi drug po'i sbyin sreg gi las mtha' srid gsum za ba'i sreg khang 'bar ba )zhes bya ba dang/(byang chub lam gyi rim pa'i 'khrid gser gyi yang zhun/) (dpal mgon zhal bzhi pa gdong brnyan 'khor dang bcas pa'i sgrub mtha' rgyas pa dgra bgags kyi sde 'joms pa'i gnam lcags kyi spu gri me lce'i phreng ba )sogs pod 'bring gcig lhag mdzad/mthar dgu lo zhe drug la phebs pa rab byung bcu pa'i sa byi (1588)lo'i bod zla gsum pa'i tshes nyer bdun nyin sog yul kha ra chin du sku mya ngan las 'da' ba'i tshul bstan/sku'i gdung thal dpal ldan 'bras spungs su gdan drangs te dngul sdong rin po cher bzhugs

{{#arraymap:rgyal ba bsod nams rgya mtsho

|; |@@@ | | }}