rgyal mkhan po grags pa rgyal mtshan

rgyal mkhan po grags pa rgyal mtshan

mdo smad lho rgyud 'bo ra'i rgya sgar thang zhes par yab yum skyabs dang yum lha mo mtsho gnyis kyi sras su rab byung bcu gsum pa'i chu rta (1762)lor sku 'khrungs/dgung lo bdun pa nas bzung mang nge dge slong tshul khrims rgya mtsho las yig klog dag 'don chos bslabs/dgung lo bcu gcig par se ra dpon slob blo bzang chos 'phel las rab tu byung/mtshan blo bzang don grub ces gsol/chu sbrul lor bkra shis 'khyil gyi chos grwar dpon slob ngag dbang 'phrin las pa las brtsi bzhag gsan/phun tshogs lha bris pa'i dbon po blo bzang dpal ldan dge rgan du bsten/grub mtha' rin chen phreng ba sogs thugs 'dzin dang tshogs zhugs phul/lo der sgo mang bla ma sangs rgyas rje'i yang srid du ngos 'dzin mdzad de khrir bkod/de nas lha zhes dka' bcu ba dang kha gya dar rgyas rnam gnyis slob dpon du bsten nas gzhung pod lnga sogs la go rim bzhin du gsan sbyong mdzad/dgung lo nyer gcig par skyabs mgon mchog gi drung nas bsnyen par rdzogs/mtshan grags pa rgyal mtshan du gsol/rigs grwa blo bzang 'jigs med dang ku shrI skal bzang rnam gnyis las snyan ngag sogs rig gnas sbyangs/bsod grags dpon slob dang khri chen blo bzang snyan grags sogs las chos mang du gsan/chu yos (1782)lor dbus su phebs/rgyal dbang 'jam dpal rgya mtsho'i gser zhal mjal/'bras sgo mang chos grwar zhugs/hor skal bzang dngos grub dang gung thang 'jam dpal dbyangs gnyis dge rgan du bsten/nyer lnga pa me rta (1786)lor sde pa gzhung nas chos 'khor rgyal gyi mkhan por bskos/skabs der bka' pod lnga'i slob gnyer mthar phyin mdzad/sa smon lam chen mor dam bca' ang dang po byung/dge bshes lha rabs pa'i mtshan rtags thob/lcags khyi (1790)lor mdo smad bkra shis 'khyil du phebs/'jam dbyangs bzhad pas rje 'di bla brang mgon por bskos/'chad rtsod rtsom gsum gyis bstan 'gror phan pa'i bya ba mdzad/rten gsar mang du bzhengs/dgung lo sum cu par bkra shis 'khyil gyi chos dang 'jig rten gyi bya ba yongs kyi 'gan 'khur bzhes/dgung lo bzhi bcu par bla brang tshogs chen gyi gdan khrir phebs/lo gsum gyi ring gtong sgo phal cher bla brang chen po nas khur blangs pas sngar srol gong 'phel du bskyangs/dgung lo zhe gsum par khri 'dzin gdongs pa zhus te 'jam bzhad yang srid tshogs dbus su gdan drangs/shing bya lo nas bzung dben gnas bkra shis dge 'phel du sku mtshams lo lnga drug tsam bzhugs te sku mjug tu sgrub pa nyams len kho nar 'bad de dus 'da' bar mdzad/dbal shul gyi sa'i rma 'gram gser lung du sgrub sde btsugs/gsung rtsom (mnyam med shAkya'i rgyal po dang 'dzam gling mdzes byed rgyan drug mchog gnyis kyi rtogs brjod lha'i dpag bsam ljon shing/) (mdo sde rgyan gyi mchan 'grel/) (byang chub sems dpa'i spyod pa la 'jug pa'i TIk+ka rin po che'i phreng ba/) (bstod tshogs dngos grub 'gugs pa'i lcags kyu/) (dge ba rdzogs byang du bsngo ba'i smon tshig) (dran pa shes rab bkra shis kyi rnam thar du mu thi li'i phreng ba/) (spyod 'jug) (lam gtso/) ('dul ba rgya mtsho'i snying po/) (rgyal sras lag len/) (gung thang rin po che'i lta mgur sogs kyi TIk+ka/) ('jigs byed bskyed rim )sogs po ti drug tsam mdzad/gsung gi bdud rtsis bskyangs pa'i bu slob khri ched ngag dbang chos 'phel/rdo khri rin po che 'jam dbyangs thub bstan nyi ma/lcang lung paN+Di ta ngag dbang blo bzang bstan pa'i rgyal mtshan/theg chen smyung gnas pa/cha har bka' 'gyur ba sogs mkhas grum dang pa mang du byung/dgung lo don drug la phebs pa rab byung bcu bzhi pa'i me bya (1837)lor dgongs pa gzhan don du gshegs

{{#arraymap:rgyal mkhan po grags pa rgyal mtshan

|; |@@@ | | }}