rin po che rdo rje rin chen

rin po che rdo rje rin chen

'bri gung gdan rabs brgyad pa 'di nyid 'bri gung gzhung smad kyi sa'i cha las 'dzom zhes pa'i yul du yab rdo rje rgyal mtshan gyi sras su rab byung lnga pa'i sa stag (1278)lor sku bltams/dgung lo drug pa la rje mtshams bcad pa las rab tu byung/mtshan rdo rje rin chen zhes gnang/lo gnyis kyi bar zab chos mang du gsan/dgung lo bcu gsum la phebs pa lcags stag (1290)lor 'bri gung gi gling log byung ste rje nyid sku mched dang bcas pa chos sgo ba rdo rje ye shes kyi kong por gdan drangs/lo gsum bar bzhugs/dgung lo bcu drug pa la kong pa nas spyan drangs/mtshe'u kha thang du bde ldan zhes pa'i pho brang chen po bzhugs shing re zhig bar slob gnyer gyis thos bsam gyi sgro 'dogs thams cad bcad cing/rgyal ba'i gsung rab gyi dgongs don la blo gros kyi snang ba phyogs med du rgyas par gyur/dgung lo bcu dgu pa me sprel (1296)lor gdan sar mnga' gsol nas lo der byang chub kyi gling rin po che gso bar mdzad/de nas gling log skabs nyams chag gtor brlag tu song ba'i sku gsung thugs rten nyams gso dang gsar bzhengs kyis lha sku dang mchod rten rnams la gser gyi lde gus byugs/rje 'jig na gsum gyi mgon po'i sku brnyan gser khang chos rjes grags pa de sngon gyi gshongs su sbas pa yang spyan drangs/dgung lo nye shu par tshogs pa bskyangs/dge 'dun gyi tshogs khri phrag bcu gsum tsam 'dus/zab rgyas chos kyi 'khor lo dus rnam pa kun tu bskor bar mdzad pa dbyar chos dgun tshogs su grags/dbyar chos ni mdun thang sogs thang yangs sar sgar btab ste phyag rgya chen po lnga ldan gyi khrid gsungs nas/dge 'du rnams lcog pu'i brtul zhugs lar gnas te phyag rgya chen po bsgoms nas rtogs don mngon du 'gyur ba mdzad pa dang/dgun chos la bla g.yel du nA ro'i chos drug gi khrid kyis smin par mdzad de/dge 'dun rnams ras rkyang kyi brtul zhugs kyis gtum mo'i bde drod kyi lang tsho ngom par mdzad/de dag gi chos snga phyir rgyal chob su gong ma rnams kyi bka' 'bum/bcom ldan 'das 'khor lo sdom pa/rje btsun rdo rje rnal 'byor ma'i dbang sogs smin grol chos kyi bdud rtsis tshim par mdzad/dgung lo nyer gcig pa la thog kha gser khang du lo bdun gyi bar 'dag sbyar mdzad cing zab mo'i rnal 'byor lhur len mdzad/dgung lo nyer brgyad pa la sngon gyi dus ltar/gangs ti se/sa phyi/tsa ri tra sogs la sgom chen stong las mi nyung ba brdzangs shing/dge 'dun rnams kyang thos bsam sgom gsum gyi bya la brtson pa sha stag gis khyab par mdzad pa sogs bka' brgyad kyi spyi bre brag la bka' drin bsam brjod las 'das/de ltar lo bco brgyad bar tshogs pa bskyangs nas dgung lo so bdun la phebs pa rab byung lnga pa'i shing stag (1314)lor sku'i dkyil 'khor dag pa'i dbyings su thim

{{#arraymap:rin po che rdo rje rin chen

|; |@@@ | | }}