rje 'bum sgang lha khang dang man thang ring po

rje 'bum sgang lha khang dang man thang ring po

lha sa'i rje 'bum sgang lha khang ni de snga dus rabs bco brgyad pa'i stod char wang 'gyur med rnam rgyal gyi mgron gnyer blo bzang bkra shis sogs kyis bon sdod am ban sogs rgya rigs khyon che bsad pa tsho'i sgrib sbyongs su tA la'i bla ma sku phreng bdun pas rje tsong kha pa'i sku brnyan sor lnga byas pa 'bum gcig phyag bstar ma'i par 'debs gnang ste nang bzhugs byas pa'i byang chub ma chod rten thog rtsegs lnga tsam zhig gsar bzhengs gnang/mchod rten de'i dbu rtog 'og nas phyogs bzhir lcags thag la dril bu btags yod pas rlung bu rgyag skabs dril bu'i sgra grong khul kun tu khyab kyi yod pa dang/mchod rten gyi nang du yod pa'i lha khang brgyud chos 'khor bcu gsum gyi nang nas skas 'dzeg ste dbu rtog 'og don sa yod pas/rgya 'bum mtho ba'i sgang la/mtho ring skas 'dzeg btsugs shag /phyogs bzhi gang nas bltas kyang/_/snyan pa'i dril bu'i skad red/_/ces pa'i dmangs gzhas kyang yod 'dug /dus rabs bcu dgu pa'i mjug tu srid skyong de mo 'phrin las rab rgyas kyi dus mchod rten der nyams gog che tsam byung ba'i skabs de dang bstun nas phyi rgyal pho brang gi shar du mchod rten yod pa mi legs tshul dang/don du bstan rgyas gling (bstan rgyas gling ni de mo'i bzhugs gnas yin )gi shar du mchod rten yod na nub kyi grong stongs zhes pa mi legs pa yin tshul la dgongs te mchod rten de bshig thog mchod rten gyi nang bzhugs rje sku rnams lam dkyil du gsar du skrun pa'i tsha (sAts+tsha )khang rim po'i nang bzhugs su bcug nas mchod rten gyi shul du bsam yas gtsug lag khang la dpe byas nas lha khang gsum thog gsar bzhengs kyis nag tshor byams pa'i 'jim sku nyis thog sogs dang/'khor yug tu rje tsong kha pa'i 'jim sku dpar ma thog gang lhag tsam byams pa 'bum gcig bzhengs/'dzin bdag rtse rnam rgyal grwa tshang nas byed/de'i byang yod pa'i zhi khro lha khang ni dus rabs bcu dgu pa'i nang bod sa gnas srid gsum nas bzhengs shing/rten gtso gser zangs kyi ngo bo dang/rdo rje sems dpa'/slob dpon rin po che bcas kyi sku mi tshad dang/zhi khro dam pa rigs brgya'i 'jim sku sogs yod/lha sa ba'i zhi khro'i skyid sdug gis bdag po byed

{{#arraymap:rje 'bum sgang lha khang dang man thang ring po

|; |@@@ | | }}