rje btsun kun dga' snying po

rje btsun kun dga' snying po

mtshan gzhan jo nang tA ra nA tha mchog ni yul dbus gtsang gnyis kyi mtshams jo mo kha rag dang nya nye bar 'phrang zhes pa'i gnas su yab rwa lo'i gdung rgyud rnam rgyal phun tshogs dang yum rdo rje bu dga' gnyis kyi sras su rab byung bcu pa'i shing phag (1575)lor chos 'khor sdings su sku bltams/mes pos pad ma sri gcod rdo rje zhes mtshan gsol/dgung lo bzhi par jo nang mkhan po lung rigs g+r+yamatshos jo nang bla ma kun dga' grol mchog gi sprul skur ngos 'dzin mdzad de jo nang dgon du byon/dgung lo drug pa nas klog slob pa'i dbu tshugs/dgung lo brgyad par jo dgon chos lung du phebs nas mkhas dbang byams pa lhun grub slob dpon du bsten/stag lung ba kun dgal bkra shis rgyal mtshan las rab byung dge tshul gyi sdom pa yang dag par mnos/mtshan kun dga' snying po zhes gsol/rgyal gar gyi bshes gnyen ba dza la nA tha mchog gis tA ra nA tha zhes bya ba'i mtshan gsol ba'i gzigs snang byung ba nas bzung ste tA ra nA tha zhes pa'i mtshan yongs su grags/de nas lo ngo bdun lhag gi ring la mkhan po lung rigs rgya mtsho dang/slob dpon byams pa lhun grub/jo nang rje drung rje btsun sa pa'i sangs rgyas/bad+d+ha gu b+ha nA tha sogs mkhas grub mang po las mdo sngags kyi gzhung lugs mang po gsan/dgung lo bcu bdun pa lcags yos (1591)lor 'jam dbyangs kun dga' rgyal mtshan gyis mkhan po dang slob dpon byams pa lhun grub kyis las slob mdzad de dge 'dun grangs tshang ba'i dbus su bsnyen rdzogs kyi sdom pa yang dag par bzhes/rgya gar grub chen sangs rgyas sbas pa'i mgon po las rgyud sde'i dbang dang bskyed rdzogs mtha' yas pa gnas te sngags bla med kyi gzhung la bod 'dir sngon med kyi blo skyed lnga brgya tsam byung bar rje rang nyid nas gsungs/rgya gar gyi slob dpon su ni rba Da shrI dang purna badzra sogs las zab chos mang po dang/sgra sogs phyi nang gi rig gnas mtha' yas pa gsan bsam mdzad de mkhas pa'i rtser son zhing/mdo sngags zung gi nyams len gdan du sbyangs pas sa lam gyi yon tan la mnga' brnyes te grub pa'i dbang phyug tu gyur/dgung lo nyer gcig skabs jo nang dus khrid chen mo btsugs te chos khrid rgyas par gnang nas ris med kyi bu slob mang po la mdo sngags kyi 'chad nyan rgya cher spel/dgung lo zhe gcig pa shing yos (1615)lor gtsang pa sde srid kyis sbyin bdag mdzad cing ngo nang dgon pa nye 'dabs su rtag brtan dam chos gling phyag btab nas gdan sa mdzad de mdo sngags bshad sgrub kyi 'khor lo rgya cher bskor/rgyal dbang bzhi pa chen pos me tri bya ba'i mtshan gsol/de rjes sog po khal kha'i yul du gdan drangs te bstan pa spel zhing dgon pa du ma btab/sog yul du rje btsun dam pa zhes snyan grags che/rje 'di nyid kyi 'phrin las skyong ba'i slob ma'i tshogs gtso bo sprul sku sangs rgyas rgya mtsho dang/mkhas dang ye shes rgya mtsho/mkhan chen rin chen rgya mtsho/mkhas grub blo gros rnam rgyal sogs jo nang pa'i bstan 'dzin gyi skyes bu du ma dang/gtsang pa sde srid phun sogs rnam rgyal yab sras dang/byang bdag bkra shis stobs rgyal sogs sa skyong sbyin bdag mang du byung/rje btsun mchog gis ljags rtsom gnang ba'i skor la/(ston pa'i mdzad brgya)dang/(rgya gar chos 'byung )sogs paN grub mang po'i rnam thar skor dang/sher snying/bzang spyod/dus 'khor/bde mchog /gsang 'dus bskyed rdzogs kyi rnam bshad sogs mdo sngags kyi gzhung 'grel skor dang/theg mchog rgyal ba'i dbu ma sogs gzhan stong gi lta grub skor dang/rgyu sde'i cho ga du ma/bstod tshogs dang smon lam sogs jo nang ba'i lugs kyi bstan bcos po ti bzhi bcas khyon glegs bam bzhi bcu lhag mdzad de jo nang pa'i ring lugs tshang la ma nor bar bstan/sbyor drug nyams len gyi rgyun spel te sgrub brgyud bstan pa'i rgyal mtshan bsgrengs par mdzad/dgung lo drug cu pa rab byung bcu gcig pa'i shing khyi (1634)lor rtag brtan dam chos gling du sku gshegs

{{#arraymap:rje btsun kun dga' snying po

|; |@@@ | | }}