rje dkon mchog bstan 'dzin 'gro 'dul

rje dkon mchog bstan 'dzin 'gro 'dul

'bri gung gdan rabs nyer drug pa 'di nyid kong yul o rong zhes par yab sde ba tshe ring dbang rgyal dang yum bu khrid gnyis kyi sras su rab byung bcu gnyis pa'i shing 'brug (1724)lor sku bltams/dgung lo bzhi pa la jo shAka yid bzhin nor bu'i drung du rtag dril phul bar rje 'phrin las bzang po'i yang srid 'phrul med du chung srid 'di nyid phebs shing/chos rje rin po che'i drung du gtsug phud phul/btsan dkon mchog bstan 'dzin 'gro 'dul du gsol/dgung lo bdun pa la rje gong ma chos kyi rgyal po'i drung du rab tu byung ba'i mtshan sngon ma'i mjug tu dpal ldan chos kyi nyi ma 'phrin las phyogs las rnam par rgyal ba bzang po'i sde zhes sbyor ba gnang/dgung lo dgu pa nas chos kyi rgyal po'i drung du phyag chen chos drug sogs 'bri gung gi chos ma lus pa dang/rngog dkyil bdun/rdo rje phreng ba dkyil 'khor zhe brgyad pa/myang lugs bka' brgyad bde 'dus/sangs gling dgongs 'dus/pad+ma gling pa'i skor sogs gsang sngags gsar rnying gi chos bsam gyis mi khyab pa dang/lho dkon mchog chos kyi rgyal mtsho las kyang rje skyob pa chen po che'i zab chos thugs kyi nying khu sems bskyed chen mo sogs mang du gsan/dgung lo bcu gsum par rgyal dbang bskal bzang rgya mtsho mgar thang du bod ljongs su chibs bsgyur gnang skabs rwa sgreng du phebs bsur bcar te der rgyal dbang mchog la gtsug phud phul bar mtshan kun bzang dkon mchog nyi ma zhes gnang/de nas yi ge 'bri klo gnas brtsams rang lugs kyi 'dod chos skyor gar thig dbyangs gsum dang byed grub kyi rtsis dkar nag /snyan ngag /gso dpyad rgyud bzhi/lha bris sogs la sbyangs pa mthar phyin pa gnang/phyis si tu chos kyi 'byung gnas las sgra ka lA pa sogs mdo rgyud rig gnas mtha' dag la mkhyen rab phul du phyin/dgung lo bcu drug la nang chen sde thog te phebs/lho mgar gyis dbus bla grwa mang tsam gyis zhabs btegs te bka' brgyad bed 'dus kyi sgrub dbang chen mo 'dzugs par gnang/skal ldan gyi 'dus pa khri phrag lhag la dam chos bstsal/wang 'gyur med rnam rgyal dang rje 'di sku nyer gyur pa ma zad/rje nyid la gus 'dud shin tu che ba bcas 'dam dang/bye ri stag rtse sogs su gdan zhus byung ba ltar lan mang du phebs/rab byung bcu gsum pa'i me yos (1747)lor gdan sa byang chub gling gi theg chen chos kyi khrir mnga' gsol/de nas spro lung du yang khril zhabs bkod/der 'jam dbyangs chos kyi rgyal pos mkhan po gnang ste bsnyen par rdzogs/lcags lug (1751)lor rdzong gsar gyi yig drug 'khor chen gsar bzhengs/ston pa'i 'khrungs rabs bag+r+ya pa'i grwa thang bco lnga che legs gsar bzhengs/gu ru pad+ma'i sku za hor ma yum gnyis mtshan brgyad/rtsa gsum rdo rje gzhon nu khro bo bcu yab yum bcas gsar bzhengs/rtse ba'i mgon khang gsar skrun thog mgon po phyag bzhi sogs sku rten du ma gsar bzhengs/gzhan yang spro lang gi ma chod khar rtser gu ru pad+ma' sam+b+ha'i dngul sku gang blugs ma/gnas bcu bka' thang chos srung rdzogs sogs bris sku mang rab/rje skyob pa rin po che nas rje don grub chon rgyal bar gyi gong ma rnams kyi bka' 'bum ji yod dang/gsar rnying gi chos skor sogs po ti mang ba gsar bzhengs/gnas chen tsA ri tra'i yul smad zhig gsos dang sbrags lta khang thog gnyis pa/gdan rabs bla brgyud rnams kyi sku gsar bzhengs gnang ba sogs brjod las 'das/sku tshe ril por dam 'i chos kyi 'khor lo 'bar zhig bskor bar mdzad de/thugs kyi sras kyang lho rin chen po chos kyi rgyal mtshan/dge slong ngag dbang sogs sbas pa'i rnal 'byor mang du byung/mthar dgung lo zhe gsum la phebs pa rab byung bcu gsum pa'i me khyi (1766)lor gzugs sku'i dkyil 'khor chos dbyings su bsdu ba'i tshul bstan

{{#arraymap:rje dkon mchog bstan 'dzin 'gro 'dul

|; |@@@ | | }}