rong po skal ldan blo bzang bstan pa'i rgyal mtshan

rong po skal ldan blo bzang bstan pa'i rgyal mtshan

chu bzang rwa lo thang du rab byung bcu bzhi pa'i sa lug (1859)laur sku 'khrungs/dgung lo lnga pa la shar bla brang du rje gong ma blo bzang 'phrin las rgya mtsho'i chos khri la phebs/rje btsun a rol blo bzang lung rigs rgya mtsho dpal bzang po las dge bsnye gyi sdom pa bzhes te mtshan blo bzang bstan pa'i rgyal mtshan zhes gsol/nags rgya'i yongs 'dzin dar rgyas rgya mtsho las chos spyod kyi rigs dang/a rol rje 'chang las rab byung dge tshul 'jigs mdzad rgyal po'i dbang dngos sta sogs bzhes te gsang mtshan la mi bskyod rdo rje zhu/dgung lo bdun brgyad skabs 'jam dbyangs dkar po dang dbyangs can ma dkar mo gnyis la bstod pa mdzad pas snyan ngag pa rnams kyis ngo mtshar du 'dzin/rwa stod mkhan chen dang/spyi ya'i rab 'byams pa blo bzang bstan 'dzin/gtsos khri sprul blo bzang 'jam dpal bstan 'dzin seng ge sogs las bsdus grwa dang/sum rtags/dag yig sgra'i sa ris/rtsis dkar nag sogs mthar thug par sbyangs/de nas sog yul du gdan drangs te khrom chen la spyan ras gzigs kyi dbang sogs gnang/dgung nyi nyi shu par blo bzang rung rigs rgya mtsho las thugs rdzogs bzhes/dgung lo nyer bzhi par rgya nag ri bo rtse lngar gnas mjal dang/cang he dgon par 'jam dbyangs zhi khro sbrags sgrub kyi bsnyen mtshams gnang/de dag pe cin dang khrin 'du sogs la phebs nas gnas gzigs mdzad/dgung lor nyer brgya par dbus su phebs nas rgyal dbang thub bstan rgya mtsho mchog la stong 'bul dang chos 'brel zhus/gdan sa gsum la mang 'gyed btabs/gzhung sa chen mos 'ja' sa thag ga gru sgor/mkhan chas cha tshang/gdugs rta dar bcas dang bstan pa'i gsal byed er te ni ho thog thu man po zhes pa'i cho lo sngar srol ltar gnang ba spyi bor bzhes te phyir rang dgon du phebs/dgung lo so gcig par grub dbang 'jigs med (858) bsam gtan rin po che las phreng kr-i'i dbang sogs bka' chos mang du gsan dgung lo zhe lnga par gser khri zhabs sor bkod de lo bzhi ring bka' chos mang du gsungs nas spyi sger gyi dga' ldan brjod las 'das pa bskyangs te dgung lo zhe brgyad par khri khur bzhag tshoms chen phun tshogs 'du khang dang mi pham mdun sa gar bzhengs mdzad cing gdan sa'i gos sku chen mo bzhengs dgung grangs nga bdun bzhes par byung bco lnga pa'i shing yos (1915)lor bsam bzhin mya ngan las 'das pa'i tshul bstan

{{#arraymap:rong po skal ldan blo bzang bstan pa'i rgyal mtshan

|; |@@@ | | }}