rong ston shAkya rgyal mtshan

rong ston shAkya rgyal mtshan

rje 'di nyid shar rgyal mo rung du yab bon po ge god rgyal po dang/yum rgya gar sman zhes bya ba'i sras su rab byung drug pa'i me lug (1367)lor sku bltams/thog mar yab kyi drung du bod chos la sbyangs shing lugs de la brten pa'i 'phrin las kyang du ma mdzad/dgung lo bcu brgyad pa la dbus gtsang du byon te gsang phu ne'u thogs kyi chos grwar phebs/gling stod pa rin chen rnam rgyal la byang sems kyi sdom pa bzhes/rje 'di dang kong ston blo gros dbang phyug gi drung du rngog lo nas brgyud pa'i phar tshad bsdus gsum dang/dbu ma rang brgyud pa'i bshad srol/skyor mo lung gi mkhan chen dka' bzhi pa dang/'phan yul gro ba'i mkhas pa dmar ston la 'dul ba sman lugs bya 'dul dang thog dka' chen gyi bshad srol/mngon pa mdzod mchims lugs kyi bshad srol/thang zag pa sprul sku gzhon nu rgyal mtshan la dbu ma thal 'gyur ba tshab gyi bshad srol/lo pa shAkya rin chen gyi drung du mngon pa gong ma sogs la sbyangs/dgung lo nyer gnyis pa la gro sa mkhan chen kun dga' rgyal mtshan dang dmar ston pa'i drung du bsnyen par rdzogs/mtshan shAkya rgyal mtshan dpal bzang por gsol/rnam nges kyi TIka brtsams shing 'chad pa'i 'khur bzung/dgung lo nyer bdun pa la mkhas chen g.yag sde pa dang mjal te sa lugs kyi mdo'i bshad srol dang/theg chen chos rje las gsung ngag sogs kyi zab don bzhes nas sa rngog rnam gnyis kyi bshad srol rgyun bsrings te/phya pa chos seng da nga/bcom ldan rig ral/kun mkhyen 'di gsum las 'chad pa'i rgyun dang/dngos slob bstan 'dzin gyi thon che ba ma byung zhes grags/dgung lo lnga bcu tsam la stod ding ri dang mus sogs su sngags kyi zab don bzhes pa dang/mdo phyogs kyi 'phrin las spel ba kho na mdzad/dgung lo drug cu re gcig pa la sde dpon so so'i bsod nams kyi mgron dang/mdo sngags kyi chos 'khor rgya che bar bskor/dgung lo re dgu pa shing yos (1435)lor 'phan po nA len+d+ra'i chos grwa btab nas gzhan don mdzad/phar phyin bstan pa dang/dbu ma rang brgyud pa'i bstan pa la kun mkhyen 'di bka' drin che/dgung lo nyer gnyis pa la tshad ma rnam nges 'chad pa nas brtsams te ya ngan las 'das pa'i bar nyin re la tha na slob ma gcig tsam la yang gtsug lag gi tshigs su bcad pa gcig yan chad kyi chos kyi sbyin pa mdzad par dam bcas/gzhan la gnod pa dang/tho 'tsham pa/phrag dog gi rnam pa cung zad kyang mi mnga'/dgung lo brgyad cu gya gsum bzhes pa'i tshe yang gzhung chen po dag kyang thugs nas thogs pa med par gsung thub/ (854) dbus gtsang gi grwa sa chen po rnams su gzhung po ti bcu la grwa skor mdzad pas rtsod pa'i khyu mchog du grags shing rong ston smra ba'i seng+ge zhes pa'i mtshan snyan gsol mkhan chen sangs rgyas dpal ba'i mdzad srol gtso bor bzung nas mngon par rtogs pa'i rgyan 'grel pa dang bcas pa rgyun mi chad par gsungs shing de'i man ngag zhi byed brgyud pa phyi ma la gtso bor mdzad gsum rtsom la (tshad ma rnam nges kyi 'grel pa rtog ge'i snang ba )dang ('bum gyi 'grel pa rgyas bsdus )gnyis la sogs pa gzhung chen bzhi bcu zhe gcig gi rnam bshad kyis gsos tshos tshan sum brgya lnga bcu'i grangs su brtsams par mdzad gsum las skyes pa'i slob ma'i gtso bo ni snga tshar gyi bu chen bstan pa 'degs pa'i ka chen bzhi bar tshar gyi bu chen gangs can mdzes pa'i rgyan brgyad dang mchog gnyis gsung thugs kyi mdzad spyod mtshungs pa'i bu chen gsum phyi tshar gyi bu chen bstan pa'i gsal byed bcu drug yang tshar gyi bu chen grags pa can bzhi la sogs pas gtsos sde snod 'dzin pa stong phrag 'ga' bskyangs dgung lo brgyad cu gya gsum la phebs pa rab byung brgyad pa'i sa sbrul (1449)lor zhi bar gshegs so/_

{{#arraymap:rong ston shAkya rgyal mtshan

|; |@@@ | | }}