skyes mchog don grub rin chen

skyes mchog don grub rin chen

mdo smad bstan pa'i mes po 'di nyid rab byung lnga pa'i sa bya (1300)lor sku 'khrungs/sku 'khrungs pa'i yul rma chu'i lho ngos reb gong dang snang ra sogs ngos 'dzin tshul sna tshogs pa yod/sku chung dus nas rab tu byung ste dbus gtsang du byon/snye thang pa bkra shis seng ge dang ldong ston rigs pa'i seng ge bla ma ye shes dpal/mchims blo bzang gras pa sogs mkhas grub mang po bsten nas mdo sngags kyi gzhung mang du gsan/phar phyin dang byams chos thams cad mkhas par gyur/de nas gtsang gi snar thang chos grwar byon te bcom ldan rigs ral gyi bu chen/bcom ldan pa rang gi gdan sa ba ldong ston rigs pa'i seng ge las tshad ma rnam nges gsan/rig pa'i gnas la thogs pa med par gyur nas rtsod pa bzang po'i mchog tu grags pa byung/zha lur grwa skor la byon pa na bu ston rin po che dang tshogs su bgro gling mdzad pas legs par zin te shar phyogs pa rig pa'i dpa' bo zhes snyan pa'i grags pa ches cher rgyas/de nas rong du byon te rong gi bla ma ye shes dpal ba'i drung nas gshed skor spyi dang/khyad par 'jigs byed kyi dbang dang/rgyud 'grel gyi bshad pa/man ngag thams cad legs par gsan nas thugs su chud/de nas a mdor phebs nas shing kun p+sade gsar gyi mkhan po mdzad de mdo sngags kyi chos mang du gsungs/'chad nyan gyi bstan pa spel/de rjes gdan drangs pa ltar dbus su phebs/chos rje bsam gtan dpal gyi drung du byon te sgrub pa la rtse gcig tu gzhol bas zhi gnas kyi myong ba khyad par can 'khrungs/mkhas grub chen po mchims blo bzang grags pa'i drung du chos gsan pa'i skabs shig bla mas khyod kyi gnang dang gdul bya mdo smad du yod/brag bya khyung du 'bod par sgrub pa nyams bzhes la 'bad pa gyi/de dus khyod la slob ma mang du 'dug kyang 'gran zla dang bral ba gcig byung bas de rab tu byung dus nga'i ming 'di thogs zhes lung bstan byung bas/bla ma'i bka' bzhin du a mdo la byon/thog mar sha sbrang dgon phyag btab/se gu bya khyung du ri khrod bzung/snang ra'i gser khang bzhengs/rab byung drug pa'i sa glang (1349)lor bya khyung dgos pa phyag btab/grwa tshogs brgya phrag brgal ba 'dus te bshad grwa rgya chen mdzad/rje tsong kha pa chen po sku bltams pa'i tshe nye gnas tshul khrims dang ldan zha zhig mngags nas byin rlabs kyi drod ma yal ba'i rten gsum gyi chun po dang/bu chung do dam byed lugs kyi phyag bris bcas yab yum la bskur gnang mdzad/chu stag (1362)lor rje tsong kha pa la bde mchog dang/kyai rdor/'khor chen/rtse mo sogs rgyud sde gong 'og du ma'i dbang bskur te gsang mtshan don yod rdo rjer gsol/chu yos (1363)lor rje tsong kha pa la dge tshul bsgrubs te blo bzang grags par mtshan gsol/chu glang (1373)lor rje tsong kha pa dbus su phebs pa'i rdzong brda gnang/dgu lo don bdun la phebs pa rab byung drug pa'i shing glang (1385)lor sku mya ngan las 'das

{{#arraymap:skyes mchog don grub rin chen

|; |@@@ | | }}