snying po'i bstan pa

snying po'i bstan pa

(rnying ma'i chos lugs )'di rnying ma'i chos lugs kyi zhe sa'i ming ste/dper na/dge lugs par mnyam med ri bo dge ldan pa zhes brjod pa lta bu yin/rnying ma'i chos lugs ni bod du nang pa'i gsang sngags kyi chos byung ba'i thog ma yin/yang chos lugs shig la cha mtshon na dang po byung bi mtshams gang nas 'dzin dgos pa'i skor la bshad tshul mi 'dra ba gnyis yod de/1 chos lugs dang po srong gtod mkhan bla ma des slob ma la chos bshad nas chos brgyud 'dzin pa'i slob ma dang por byung ba nas ngos 'dzin pa gcig dang/2 bla ma de'ang de'i chos brgyud 'dzin pa'i slob mas dgon pa sogs kyi gnas gzhi dang por bzung ba nas chos lugs de byung bar 'dod pa'i bshad tshul gnyis yod pas/skabs re dang po'i dbang du byas nas bshad dgos pa dang/skabs re gnyis pa'i dbang du byas pa nas bshad dgos pa yang 'dug /de yang nag po rnying ma'i chos byung ste rgyal po srong btsan sgam po'i dus rgya bar gyi slob dpon ku sa ra dang/bram ze sham ka ra/bal po'i slob dpon shi la many+dzu sogs spyan drangs nas gsang sngags kyi rgyud mang po bsgyur/de nas mi rabs lnga song ba chos rgyal khri srong lde btsan gyi dus slob dpon pad+ma sam b+ha ba bod du spyan drangs/rje dang 'bangs nyer lnga sogs slob ma mang por g.yo ga rnams gsum (1 lung a nutsa yo ga /2 bskyed pa ma hA yo ga /3 rdzogs pa chen po a ti yo ga ) gyi dbang dang man ngag mang po gsungs shing/gzhan yang sngags 'a chang d+harma kirti dang/bi ma la mi tra/sangs rgyas gsang ba/shin+ti ma ga sogs rgya gar gyi paN+Di ta mang po byon nas gsang sngags kyi chos mang du gsungs shing bsgyur/slob dpon chen pos rang dang brag dang mtsho sogs lag ter du sbas pa bcas gong gsal rgyal po srong btsan sgam po'i dus nas rnying ma'i 'chos lugs 'di byung zhing/khri srong lde btsan gyi dus nas dar rgyas byung (de rjes rab byung dang po'i ljags 'brug (1040)lor jo bo a ti sha bal yul no mnga' ris su phebs te lo shas bzhugs/rab byung dang po'i me phag (1047)ralor dbus gdang du phebs/de nas dbus gtsang khams gsum nas slob ma mang du byung ba nas bka' gdams kyi chos lugs thog mar byung/(yang jo bo sku gshegs rjes rab byung dang po'i me bya (1057)lor 'brom ston pas byang rwa sgreng gi gdan sa zhes bka' gdams kyi dgon pa thog ma de btab/de nas bka' gdams pa zhes pa'i tha byung ba nas ngos 'dzin kyang rung )de nas lo bcu drug song ba rab byung dang po'i chu glang (1073)lor sa skya ba 'khon dkon mchog rgyal pos sa skya'i gnas gzhir bzung nas dgon pa btab/de nas dpal ldan sa skya ba zhes pa'i tha snyad byung ba dang/de nas lo zhe brgyad song ba rab byung gnyis pa'i lcags glang (1121)lor rje mi la ras pa'i slob ma mnyam med dwags po rje rjes dwags lha sgam po'i gnas gzhi bzung ste dgon pa gsar du 'debs pa nas dwags po bka' brgyud pa zhes pa'i tha snyad byung zhing/shangs pa bka' brgyud ma gtogs/bka' brgyud pa'i chos lugs gzhan/karma bka' brgyud dang/phag gru/tshal pa/'bri gung/'brug pa/stag lung/'bab rom/g.ya' bza'/khro bu bcas tshang ma dwags po'i bka' brgyud las byung ba yin/de nas rab byung bdun pa'i sa glang (1469)lor rje tsong kha pas 'brog ri po che dge ldan rnam par rgyal ba'i gling (dga' ldan )btab nas/ri bo dge lugs pa'am ri bo dge ldan pa zhes pa'i tha snyad thog mar byung ba yin/) rnying ma zhes pa'i don mdo phyogs la gsar rnying gi dbye ma byung bas/gsang sngags kyi sgo nas bzhag pa yin/de la yang bshad p+sarol mi 'dra ba yod kyang mkhas pa mang che ba'i gsung rgyun la paN+Di ta smri te dz+nya na byon pa yan chad du bsgyur ba'i gsang sngags kyi rgyud rnams la rnying ma dang/mnga' ris lo tsA ba rin chen bzang po byon pa yan chad du bsgyur ba'i rgyud rnams la gsang sngags gsar ma zer ba yin zhes gsungs shing/de yang gtso che ba'i dbang du byas pa las nges bzung ni min te/lo tsA ba rin chen bzang po'i gong du bsgyur ba'i 'jam dpal rtsa rgyud sogs rnying rgyud ma yin pa yang yod la/de bzhin du lo tsA ba rin chen bzang po nas gsang sngags gsar ma'i 'gyur mgo tshugs zhes pa yang dpe mtshon tsam yin gyi nges bzung min te/skabs der dus thog mal cher mnyam pa'i 'brog mi dang/rta nag dang 'gos lo tsA ba/lho brag mar pa lo tsA ba rnams nas bsgyur cing bshad pa'i chos brgyud rnams kyang gsang sngags gsar mi yin no/_/snying ma'i chos la brgyud pa mi 'dra ba'i sgo nas gsum/ring brgyud bka' ma/nya brgyud gter ma/zab mo dag snang gi rgyud pa bcas yod pa las/dang po ring brgyud bka' mi'i yung tshul ni/paN chen bi ma la mi tras rmi rin chen mchog dang/gnyags dz+nya na ku ma ra gnyis la (sgyur 'phrul gsang snying po'i )skor bshad cing bsgyur bas/slob ma de gnyis las yang slob mang po byung nas/gtsang stod mang mgar dang/la stod lho byang/'bri chu'i brgyud spom 'bor sgang gi sa cha rnams su dar/yang slob dpon d+ha na ra k+Shi ras bal po d+harma b+ho d+hi la rtsa rgyud dang/bshad rgyud sogs bshad/bru sha'i yul du khrom rum tshe btsan skyes sha bsad cing bsgyur/de nas rim par 'phel ba yin/gnyags dz+nya na ka ma ras bai ro tsa na dang g.yu sgra snying po la (rdzogs pa chen po )sems phyogs su grags pa zhus/de nas rim par 'phel bas (sems phyogs )kyi sgor byung/yang bai ro tsa nas dbang mi phab mgon po la (dpal nam mkha' dang mnyam pa'i rgyud )la sogs pa (rdo rje zam pa'i man ngag )dpon bi ma la mi tra (snga mas )mnga' bdag rgyal po dang/myang ting 'dzin bzang po gnyis la/(rdzogs pa chen po snying tig )gi skor bshad pa las rim gyis (klong chen snying tig tu grags pa )byung/yang slob dpon dga' rab rdo rjes/rig 'dzin shri sing ha la ) mkha' 'gro snying tig )gi skor bshad pa las kyang ga thig rigs mi 'dra ba zhig byung bar bshad/nye brgyud gter ma ni slob dpon pad+ma 'byung gnas la sogs pa'i tshad ldan gyi skyes bu 'ga' zhig gis ma 'ongs pa'i gdul bya'i don du mchog dang thun mong gi dngos grub 'grub pa'i man ngag mang po ri dang brag sogs la gter du sbas/gter de dus nam gyi 'dod dgos pa dang/'don ran 'i dus rtags gter 'don pa po'i gter stod de'i ming rus skye yul lo rtags/lus kyi rtags mtshan sogs gsal bar 'khod pa'i gter gyi kha byang btab/rjes su gnang dus gang zag thams cad 'dzoms pa na gter de thos nas slob ma mang por spel ba la gter chos zhes grags/(spyir gter ma mang che ba nyang ma'i chos la yod cing/grub mtha' gzhan la yang yod pa 'od rabs gter chos tshang ma rnying ma'i chos min no )gter ston pa po la yang dgos dang brdzus mi ming po zhag yod kyang/slob dpon pad+ma'i lung gis dngos su zin pa dang ma zin pa bsdoms gter ston tshad ldan brgya lhag tsam (tA la'i lnga pa'i gsung 'bum nya pa'i mjug gi (byang bdag rig 'dzin gang gi dbang po'i rnam thar )las gter stong brgya dang bcu bdun gyi mtshan tsam gsal zhing/gter ston so so'i rnam thar zhib pa (rin chen gter mdzod )gyi nang yod 'dra snyam yang kho bos ma mthong )zab mo dag snang gi skor/bla ma 'ga' zhig la yi dam gyi lhas zhal gzigs nas dngos su gsungs pa'i man ngag gi skor la zer te/'di yang sa dge sogs grub mtha' thams cad la yod/rnying ma'i chos byung tshul gyi skor zhib cha (deb ther sngon po )le tshan gsum pa'i nang dang/de las bsdus pa thu'u bkwan d+harma badzra'i gsung 'bum kha pa (grub mtha' shel dkar me long )gi le tshan gnyis pa'i grangs 61nas 'jug ma rdzogs par bcas su gsal

{{#arraymap:snying po'i bstan pa

|; |@@@ | | }}