spyi khyab bka' shag

spyi khyab bka' shag

de snga bon sa gnas srid gzhung gi bka' shag las khungs te/lha sa gtsug lag khang gi yogs bzhir zhi rgyas dbang drag bzhi'i las khungs khag bzhi yod pa las 'di ni lho yi rgyas pa'i las khungs bka' shag zer ba de yin zhing/las khungs tshugs yul gtsug lag khang gi lho sgo'i yang steng du yin/de yang bod rab byung bcu gnyis pa'i lcags glang (1721)lor gong ma khas shis kyis da'i ching ba dur dang pa'i si nga phod rdo rje rgyal po/gung lung pa bkra shis rgyal po/sbyar ra ba/pho lha bsod nams stobs rgyas bcas la thog mar bka' sgyur byas kyang bka' shag zer ba dngos su med la/mthar nang khul ma mthun pas nga lum sbyar gsum nyams nyes byung ste pho lha tha'i ji pha bus srid dbang bzung ba'i ring bka' blon zer ba yang ma byung zhing/de rjes bod rab byung bcu gsum pa'i lcags lug (1751)lor ching gong ma chan lung gis bod ka chos srid gnyis kyi 'gan dbang tA la'i bla mas 'dzin dgos pa dang/zhabs kyi pad mo 'degs mkhan lta bur bka' blon bzhi bsko dgos pa'i gser yig phebs pa ltar tA la'i bla ma sku phreng bdun pa skal bzang rgya mtshor da dbang 'pho ba'i skabs der bka' shag lus khungs zer pa gsar du btsugs pa yin/de tshun gyi bka' blon gyi thog ma ni rdo ring no yon paN+Di ta mgon po dngos grub rab brtan dang/thon pa sri chod tshe brten/mdo mkhar zhabs drung tshe ring dbang rgyal/rtse mgron dar han nyi ma rgyal mtshan bcas la bsko bzhag gnang zhing/bka' shag gsar tshugs kyi nyen der tA la'i bla ma ched phebs kyis thugs smon dung 'brel bka' shag tu bka' shag gi tham ka srid zhi bde skyid ces pa bod yongs la dbang sgyur chog pa'i gzengs bstod mdzad/rjes su bka' shag gi tham ka 'dra gcig bzos pa der bde skyid sku gzhon zer te/de mdo spyi sogs bka' blon rnams phyogs mthar (241) don gcod du skyod skabs khyer te zhi drag yongs la tham ka de gas bkod lung bsgyur ba yin bka' shag gi 'gal dbang ni tA la'i bla ma dang srid skyong gi bkod don 'og zhi drag las khungs yongs rdzogs kyi las don la bkod 'doms chag gcod byed pa dang rgya khyab rdzong gzhis khag nas srid gzhung la 'bab pa'i gser dngul 'bru mar sogs kyi 'bab deb khag dang gzhung sger chos gsum gyi sa khang mi gsum bdag thob kyi 'byed khra sogs rtsa 'dzin gal che'i yig cha tshang mar bka' shag gi dam phrug phab dgos pa ma zad las khungs khag gis bed spyod bya rgyu'i 'bru dngul dgos rigs kyang bka' shag brgyud zhu dgos pa dang bka' tham 'khod pa'i 'dzin la brten sa len dgos de bzhin rgya khyab la gtong rgyu'i bka' rgya dang lam yig bcas la'ang bka' tham phab dgos pa dang las don che rigs dang 'bring kha'i rigs 'char gzhi bzos te tA la'i bla ma ngar chog mchan zhu dgos da dung rgya khyab rdzong gzhis khag nas gzhung sger don gdan snyan zhu 'bul mkhan la lan 'doms dang sger gyi gyod don snyan zhu 'bul mkhan la zhib gcod bskos thog thag gcod dpyad mtshams khra ma 'gan dbang yang spyod pa yin gzhan yang sa mtshams dang dmag don sogs gal che'i rigs dang rtse shod las tshan che khag bsko gzhag sogs skabs de snga ltar sdod am ban la go bsdus thog tA la'i bla mar dgongs p+sakor dang 'brel gong mar gser snyan sgron te bka' 'khrol dogs pa bcas kyi srol yod cing sa mtshams dang dmag don sogs gal che'i rigs dang de min byed dka' che ba'i (dper na lung shar dang rwa sgreng gi don rkyen lta bu )las don byung skabs spyi khyab mkhan po dang drung rtsis brgyad sogs skong tshogs gros bsdur gyis thag gcod thub na rab dang des kyang thag gcod ma thub pa'i rigs bod ljongs tshogs 'du g.yas 'bris bsdus gsum skong tshogs kyis bsam 'char rnams tA la'i bla mal chog mchan zhus te thag gcod byed pa rtse rnam gan bka' 'jug dang ja khral bka' 'jug sogs kyi skabs su yang bka' blon gyis gtso bo byas te 'jug 'don gyi snyan shog ched 'god kyis 'a la'i bla ma gong 'bul zhu dgos pa sogs 'gan dbang yang yod pas bka' shag 'di ni dbang cha che zhing 'gangs che ba'i spyi khyab las khungs shig yin pa 'di'i go gsal 'gan dbang ni ba'i blon bzhi mnyam gros kyis spyod pa yin bka' blon bzhi'i 'og tu bka' thag steng shog gnyid las steng la mgron drung khang zhes pa bka' drung gnyis dang bka' mgron gsum las grub pa dang shod la drung 'khor gsum las grub pa'i bka' shag thos pa zhes pa'i don gcod las khungs gnyis yod cing gzhan yang rgyal rogs yi rigs phal sgyur byed mkhas yig sgyur gcig dang 'bras spungs spyi sos 'dzugs gtong bya dgos pa'i bka' thags khang gnyer zer ba zhig bcas kyang bka' shag gi las don mi sna'i khongs su gtogs pa yin de min bka' blon bzhi so sor shod drug re g.yog por 'khrid rgyu yod par 'gag pa zer

{{#arraymap:spyi khyab bka' shag

|; |@@@ | | }}