stag phu sprul sku blo bzang chos kyi dbang phyug gam gar gyi dbang po

stag phu sprul sku blo bzang chos kyi dbang phyug gam gar gyi dbang po

yul nyang long kong gsum du grags pa'i bye brag nyang po'i gying phu g.yu lung zhes par yab phun tshogs bstan 'dzin dang/yum bde chen bu khrid gnyis kyi sras su rab byung bcu gsum pa'i shing bya (1765)lor 'khrungs/dgung lo lnga pa paN chen dpal ldan ye shes kyis stag phu blo bzang bstan pa'i rgyal mtshan gyi sprul skur ngos 'dzin mdzad nas mtshan blo bzang chos kyi dbang phyug ces gsol te khri 'don mdzad/dgung lo bdun par bka' bcu blo bzang thabs mkhas slob dpon du bsten nas klog bslabs/dgung lo bcu gcig par dbus su phebs te rgyal dbang 'jam dpal rgya mtsho'i drung du gtsug phud phul te mtshan blo bzang bstan 'dzin dbang phyug ces gsol/lo der de mo ngag dbang 'jam dpal bde legs rgya mtsho'i drung du dge tshul gyi sdom pa bzhes/mes po kun dga' bstan 'dzin zhes pa las dkar nag rtsis dang gso rig sman dpyad la yang thugs gnyer mdzad/de nas dka' bcu bstan 'dzin shes rab dge rgan du bsten te bsdus grwa sogs sbyangs pa mdzad/dgung lo bcu bdun skabs dga' ldan brgyud dbus su phebs te dpal ldan 'bras spungs blo gsal gling gi chos grwar zhugs te mkhan po mu li blo bzang sbyin pa dang tre hor blo bzang bsam gtan rnam gnyis dge rgan du bsten nas gzhung chen la gsan sbyong mdzad/dgung lo bcu dgu la rgyal dbang 'jam dpal rgya mtsho mchog gi sku drung nas bsnyen rdzogs kyi sdom pa bzhes/rje drung blo bzang rab rgyas las lany+tsa dang wartu sogs kyi yig sna sbyangs brtson mdzad/sku tshe ring po ma bzhugs rung blo gros kyi mkhyen gter yangs pas gsung rtsom du ma mdzad yod pa ste/(dben gnas b+ho d+hi di pa'i gnas kya yon tan brjod pa'i gtam) (dga' ldan phyag rgya chen po'i man ngag las brtsams pa'i dris lan zab don/) (bstan srung dam can rgya mtsho'i ni bcol gter gtad mnga' gsol rten 'dzugs/) (rje btsun rdo rje rnal 'byor ma nA ro mkha' spyod pa'i sgo nas gshin po rjes su 'dzin pa'i cho ga /) (kun rig rnam par snang mdzad kyi cho ga shin tu bsdus pa/) (dpyod ldan mgu ba bskyed pa'i 'phrin yig gi rim pa/) (dpal ldan sa skya pa'i gser chos bcu gsum gyi byin rlabs dang rjes gnang gi rim pa'i chos bsgrigs bklag chog tu bkod pa rgyan ldan drang srong bla ma'i zhal chab 'khrul pa'i rnyog pa bral ba'i gang+gA'i chu rgyun )sogs pod brgyad tsam bzhugs/dgung lo nyer brgyad la phebs pa rab byung bcu gsum pa'i chu byi (1792)lor dgongs pa gzhan don du gshegs

{{#arraymap:stag phu sprul sku blo bzang chos kyi dbang phyug gam gar gyi dbang po

|; |@@@ | | }}