thar gyis zhag pa

thar gyis zhag pa

ngos 'jam shing 'jur mdud med pa/skyes ba'i rgyu las dang nyon mongs spangs rjes phyin chad sdug bsngal myong mi dgos par thar zin pas na thar pa zer zhing/nyan thos dang rang rgyal gyi lam du zhugs nas dgra bcom pa'i go 'phang thob nas thar pa thob pa yin pa dang/sdug bsngal las thar ba'i thabs kyi gtso bo ni lhag pa'i bslab pa gsum ste thog mar tshul khrims kyi bslab pa dang ting nges 'dzin gyi bslab pas nyon mongs mgo gnon par byed cing/de rjes shes rab kyi bslab pas nyon mongs rtsa ba nas spangs te thar pa thob pa yin/sngar rgya gar gyi phyi rol pa'i grub mtha' bye brag pa dang rig pa can pa gnyis kyis bcings thar gyi gzhir gyur pa ni bdag yin par 'dod cing/ji srid yon tan dgu po de bdag la 'phrod pa 'du ba de srid du yon tan de dag gis bdag bde ba sogs kyi don du chos dang chos min pa'i las bsags nas/chos byas pa las bde ba 'byung bas 'dod chags 'phel ba dang/chos ma yin pa las sdug bsngal 'byung bas zhe sdang 'phel te/mtho rim dang ngan song du 'gro ba ni 'khor bar bcings pa dang/nam zhig bla ma'i man ngag las/bdag lus dbang blo gsum las don gzhan du shes te/bdag gi ba rnams sdug bsngal nu bsgoms nas yon tan rnams ma lus par spangs pas/chos dang chos ma yin pa'i las gang yang g.yog par mi byed cing/las gsar pa ma bshags shing rnying pa zad pas slar blangs pa'i lus dbang blo bde sdug 'don sdang sogs bdag dang bral zhing/gsar pa'i lus dbang blo sogs ma blang pas bud shing zad pa'i me bzhin du skye ba'i rgyun chad de bdag rtag pa 'ba' zig tu gnas pa de'i tshe 'khor ba las thar pa yin zer/phyi rol gyi grub mtha' smra ba gcer bu pas ni lus gcer bur sdod pa dang/ngag mi smra ba me lnga la brten pa sogs pa'i lus kyi dkar thub drug po spyad pa dang/mi 'tshe ba dang/bden smra/tshangs par spyod pa sogs kyi sdom pa brtson dam pos tshes lnga ma la byas pa'i las rnams zad par byas la/'dir yang sngon med pa'i las gsar pa nye bar mi bsags pas/lus kyi rgyud la yod pa'i las zad pas skye ba zad la/skye ba zad pas sdug bsngal zad de zad pas thar pa thob pa yin zer te/khyad par 'phags bstod las/lus kyi dka' thub bgyis pa yis/_/mdun pa 'jig par gcer bus 'tshal/_/zhes gsungs pa ltar ro/_/rang ljongs kyi gsangs ti si dang mtsho ma pham ni gcer bu pa'i ston pa rjes 'brangs rnams kyis thar pa thob pa'i gnas su brtsi ba ste/gcer bu ba'i ston pa nyi shu rtsa lnga las thog mar ston pa khyu mchog ces pa de yang ti si la dka' thub drag po spyad pas sngon gyi las rnams zad de thar pa thob par grags so/_

{{#arraymap:thar gyis zhag pa

|; |@@@ | | }}