theg dman gyi grub mtha' smra ba

theg dman gyi grub mtha' smra ba

bye brag smra ba dang/mdo sde pa/sems tsam pa/dbu ma ste nang ba'i grub mtha' smra ba bzhi po de dag theg pa che chung gi grub mtha' smra ba gnyis su bsdu ba yin te/bye brag smra ba'i grub mtha' dang mdo sde pa'i grub mtha' gnyis theg dman grub mtha' smra ba dang/sems tsam pa'i grub mtha' dang dbu ma pa'i grub mtha' gnyis theg pa chen po'i grum mtha' smra ba yin/de yang theg pa che chung gi khyad par la/theg pa che chung sems bskyed khyad/ces gzhan don du byang chub sems bskyed yod med kyis dbye ba dang/chen pa bdun dang ldan mi ldan gyis khyad par 'byed pa sogs yod pa las/chen po bdun ni/mdo sde rgyan las/dmigs pa che ba nyid dang ni/_/de bzhin sgrub pa gnyis dag dang/_/ye shes brtson 'grus rtsom pa dang/_/thabs la mkhas par 'gyur ba dang/_/yang dag sgrub pa chen po dang/_/sangs rgyas 'phrin las chen po ste/_/chen po nyid dang ldan pa'i phyir/_/theg chen zhes ni nges par brjod/_/ces gsungs pa ltar/dmigs pa chen po nyid ni theg pa chen po'i chos sde da rgya chen po la dmigs pa/sgrub pa chen po nyid ni/rang don dang gzhan don gnyis ka bsgrub pa/ye shes chen po nyid ni gang zag gi bdag med dang chos kyi bdag med gnyis ka gtogs pa/brtson 'grus rtsom pa chen po nyid ni/bskal pa grangs med gsum du rtog tu gus sbyor brtson 'gros rtsom pa/thabs la mkhas pa chen po nyid ni 'khor ba yongs su mi gtong zhing kun nas nyon mongs pa med pa/yang dag par sgrub pa chen po nyin ni stobs dang/mi 'jigs dang/sangs rgyas kyi chos ma 'dres par yang dag par sgrub pa/sangs rgyas kyi 'phrin las chen po nyid ni lhun gyis grub cing rgyun mi chad pa'i 'phrin las rnams so/_/de bdun dang ldan pa ni theg chen dang/mi ldan pa ni theg dman no/_/des na de du bya ba bdag gcig pu'i phyir du thob byar dman pa 'khor ba'i sdug bsngal tsam zhi ba'i go 'phang don du gnyer ba'i gang zig gis/thar pa thob pa'i phyir dug zhi las 'bras gsum gyi rnam gzhag khas blangs pa la theg dman grub mtha' smra ba dang/ched du bya ba sems can thams cad kyi phyir du thob bya mchog sangs rgyas kyi go 'phang don du gter ba'i gang zag gis bla na med pa'i byang chub thob pa'i phyir du gzhi lam 'bras gsum gyi rnam gzhag khas blang pa la theg chen grub mtha' smra ba zer ro/_

{{#arraymap:theg dman gyi grub mtha' smra ba

|; |@@@ | | }}