tshig don drug

tshig don drug

bye brag pa dang rig pa can pa gnyis kyi shes bya thams cad tshig don drug tu bsdu bar 'dod cing/tshig don drug gi byung tshul ni/bye brag pa'i ston pa 'ug pa zhes bya bas rang gi bsti gnas su bsam gtan bsgrubs pas bya 'ug pa zhig mthong ste/de la tshig gi don drug dris pas drug pa tshun chad brda byas la/de phyin chad ma byung bas tshig don drug tu rgya chod par 'dod pa dang/'og pa lhar 'khrul nas tshig don drug rnyed par rlom pa yin no/_/des na ston pa de'i ming la'ang 'ug pa zer zhing/de'i rjes 'brangs rnams la 'ug phrug pa zhes zer ro/_/tshig don drug ni/rdzas dang yon tan las dang spyi/_/bye brag 'du ba rnam pa drug /ces gsungs pa ltar/rdzas dang/yon tan dang/las dang/spyi dang/bye brag dang/'du ba dang drug go /1 rdzas ni dgu ste/sa chu me rlung nam mkha' dus phyogs bdag yid rnams so/_/de dag las 'byung ba bzhi dang yid lnga ni thams cad du song ba ma yin pa'i rdzas dang/bdag dus phyogs nam mkha' bzhi ni thams cad du song ba'i rdzas zhes bya'o/_/ci'i phyir rdzas zhes bya zhe na/rang nyid chos gzhan la brtan mi dgos par rang rkya bar grub cing yon tan sogs chos gzhan gyi rten rang nyid kyis byed pas na rdzas zhes bya ba yin no/_/2 yon tan la dbye na nyi shu rtsa bzhi ste/gzugs dang/ro/dri/reg bya/grangs/tshad/so so ba/ldan pa/rnam par dbye ba/gzhan dang gzhan ma yin pa/blo rnams/bde ba/sdug bsngal/'dod pa/sdang ba/'bad pa/lci ba/snum pa/'dus byas/chos/chos min pa/sgra/dro ba/gsher ba dang nyi shu rtsa bzhi'o/_/yon tan gyi mtshan nyid ni/rdzas la brten pa/yon la la yon tan gnyis pa mi brten pa/'du ba'i rgyu mi byed pa/tshad ma dang rtags la mi ltos pa'o/_/3 las ni/'degs pa dang/'jog pa/brkyangs pa/bskums pa/'gro ba dang lnga'o/_/4 spyi ni/bye brag la khyab par byed pa ste gang la rang nyid rjes su 'gro ba'i chos de la thun mong gi sgra blo 'jug pa'i rgyur gyur pa zhig go de la dbye na/khyab pa'i spyi dang/ (636) nya tshe ba'i spyi gnyis so/_/dang po ni yid pa nyid ta bu dang gnyis pa ni ba lang nyid lta bu'o/_/5 bye brag ni spyi'i don so sor ma 'dres pa'i gsal ba rnams te rang nyid chos gzhan las khyad par du go bar byed po zhig go dper na dkar po nag po dang tha dad pa'i khyad par bye brag gis 'byed par 'dod do/_/6 'du ba ni 'brel ba ste 'di la 'di yod do snyam pa'i shes pa'i bzung yul du gyur pa zhig go de la dbye na rten dang brten pa go sa tha dad pa'i ldan 'brel dang go sa tha mi dad pa'i 'du 'brel gnyis so/_

{{#arraymap:tshig don drug

|; |@@@ | | }}