zhang ston bstan pa rgya mtsho

zhang ston bstan pa rgya mtsho

mdo khams smad kyi sa'i char gtogs pa rtse gzhung du grags pa kheb thi zhes bya ba'i yum du yab snying dkar 'bum dang yum a rig bza' tshe ring sgrol ma gnyis kyi sras su rab byung bcu bzhi pa'i shing bya (1825)lor sku 'khrungs/mtshan pad+ma 'bum du btags/dgung lo lnga tsam gyi steng nas yige 'bri klog bslabs pas tshegs mer par mkhyen/dgung grangs bdun pa lcags yos lor rje dkon mchog rgya mtsho'i drung du khyim nas khyim med par rab tu byung ste mtshan dkon mchog thabs mkhas zhes gsol/dgu ngalo bcu gcig pa shing lug lor gdan sa chen po bkra shis 'khyil du phebs/dgung lo bcu gsum la bkra shis 'khyil du chos zhugs mdzad nas gzhung chen bka' pod lngar gsan bzhes mdzad/dgung lo bco lnga pa sa phag lor dbal mang dkon mchog rgyal mtshan gyi drung du bka' chos gang mang gsan/bsdus grwa'i tshogs rgyugs phul/blo rtags/grub mtha'/don bdun bcu sogs rim par thugs 'dzin mdzad/dgung lo nyer gcig pa shing sbrul (1845)lor rje btsun blo bzang thub bstan 'jigs med rgya mtsho'i drung du dge bsnyen nas ba zung bskyar sgrub kyi thog tshigs snga ma dge tshul dang bsnyen rdzogs kyi sdom pa yang dag par mnos/ (691) mtshan bstan pa rgya mtsho zhes gsol dgung lo nyer gnyis la dka' bcu gling bsre'i mtshan bzhes de nas bzung 'dul ba lung sde bzhi dang de'i dgongs 'grel gyi gzhung che phra mtha' dag gsan sbyong mdzad de bstan pa'i mdzes rgyan du gyur lo de'i dgung chos la tshogs bsags rab 'byams pa'i mtshan btags gnang de nas skyabs mchog 'jigs med rgya mtsho dang sde khri rdo rje 'chang 'jam dbyangs thub bstan nyi ma rje btsun dkon mchod bstan pa'i rgya mtsho rje dbal mang ba'i zhabs grub dbang dkon mchog rgya mtsho brag dkon pa dkon mchog bstan pa rab rgyas rje shes rab rgya mtsho rje btsun ngag dbang thub bstan rgya mtsho sogs yab sras nyis zla lta bu rnams las snga phyir zab rgyas chos kyi bdud rtsi tshim par gsol dgung lo sum cu par thu'u bkwan mchog sprul rin po che'i yongs 'dzin du pe cin la phebs me 'brug lor phyir gdan sar chibs kha bsgyur so gsum pa me p+sapa rul lor dgon lung du phebs naso gnyis ring nas lo ngo bdun tsam ring skyabs mgon mchog sprul rin po cher mtshan nyid gsan sbyong gi zhabs 'debs bsgrubs lcags rta lor zhwa dmar sprul pa'i sku dge 'dun bstan 'dzin rgya mtsho ched gnyer gyis phebs pa'i thugs 'dun ltar bka' chos mtha' yas pa gnang rje 'di thas bsam sgom gsum zung du 'brel ba'i nyams bzhes kyi sgo nas spangs rtogs kyi yon tan rgya mtsho lta bu'i gter du gyur cing gdul bya rjes su 'dzin pa'i yon tan la dbang sbyor ba'i snyan pa mtha' dbus kyi yul gru kun tu khyab par gyur dgung lo re brgyad par gdan sar phebs nas gzhan dring mi 'jog pa'i mkhyen rab gyi rtsal las (bka' drin mtshungs med zhang ston rdo rje 'chang bstan pa rgya mtsho dpal bzang pa'i zhal snga nas kyi rnam par thar pa gzur gnas mkhas pa'i gtsug nor/) (byang chub lam gyi rim pa'i gdams pa rang rgyud glang smyon 'dul ba'i lcags kyu (bla ma'i rnal 'byor brgyud 'debs/) (rdo rje 'chang zhang ston chos kyi rgyal po'i bka' bum las chab shog gi skor/) (rje btsun nA ro mkha' spyod kyi sgrub thabs bsdus pa/) (rje btsun sgron ma'i lha chos kyi lo rgyus g.yu lo bkod pa'i dga' tshal )sogs phyag rtsom pod 'bring bzhi tsam mdzad pa thams cad brjod bya zab cing go bde ba rjod byed snyan zhing 'jebs pa kha gsal zhing don gyi gnad 'du ba zhig yin pas mdo sngags kyi bstan pa mi nub pa'i rgyal mtshan srid rtse bar du bsgrengs pa'i bka' drin gyis khyab par gyur dgung lo don gsum la phebs pa rab byung bco lnga pa'i me bya (1897)lor sku gshegs

{{#arraymap:zhang ston bstan pa rgya mtsho

|; |@@@ | | }}