zhogs don yod mkhas grub

zhogs don yod mkhas grub

'phan yul smad cung pa chu skor zhes pa'i khyim du yab tshe ring lha srung dang yum a sang gnyis kyi sras su rab byung bcu gcig pa'i lcags phag (1671)lor 'khrungs/mtshan tshe dbang ldan zhes gsol/dgung lo bdun la dga' ldan khri chen blo bzang don yod kyi drung du dge bsnyen dang bar ma rab byung sngon du 'gro ba'i dge tshul gyi sdom pa bzhes/mtshan la don yod mkhas grub ces gsol/dge slong chos grub bsten nas klog slob la sbyangs pa mdzad/dgung lo brgyad nas bco brgyad bar la zhogs gur smon dgon du sgrigs zhugs gnang/dgung lo bcu dgu la dga' ldan byang rtser bzhugs te mkhas dbang blo bzang dge lugs bsten nas gzhung chen bka' pod lngar gsan sbyong mdzad/dgung lo nyer lnga la phebs skabs zhogs dgon pa'i dge bskos gnang/dgung lo nyer drug skabs 'khor ba'i snang tshul la thugs skyo shas 'khrungs te grub dbang byams pa chos ldan dang/rje btsun bsod nams don grub sogs bsten nas lo mang ring dben sar dka' thub drag po spyad de sgrub pa la brtson/dgung lo zhe gnyis thog sog po jun gar ba'i dmag dpung skyid shod du slebs/dgung lo zhe drug nas lo gsum ring zhogs gur smon gyi chos grwar lo ltar zla ba gsum ring lam rim gyi khrid dang/'jigs byed kyi dbang chen sogs bstsal/dgung lo nga gsum pa mi dbang bsod nams stobs rgyas kyis srid 'gan blangs nas rje nyid khong gi rtsa ba'i bla mar gyur/sku tshe gang por 'chad rtsod rtsom gsum gyi sgo nas bstan 'gro'i don mtha' yas pa mdzad/bka' rtsom la mtshon na/(bla ma mchod pa'i zab khrid thun mong ma yin pa brgyud ldan bla ma'i zhal gdams/) (lam gyi gtso bo rnam gsum gyi khrid yag rgyas pa/) (dpal gsang ba 'dus pa'i bskyed rim dngos grub rgya mtsho'i snying po/) (bra ti dge bshes rin chen don grub kyi lta ba'i skor gyi dri ba dang de'i drin lan )sogs pod gcig tsam phyag rtsom mdzad/dgung lo ri bdun bzhes pa rab byung bcu gnyis pa'i me sbrul (1737)lor sku gshegs

{{#arraymap:zhogs don yod mkhas grub

|; |@@@ | | }}