zhwa dmar chos dpal ye shes

zhwa dmar chos dpal ye shes

rje 'di nyid yab bsam grub dar yum bar bza' gnyis kyi sras su rab byung bdun pa'i me khyi (1406)lor yum myang po khre brag mdor sku 'khrungs/sku chung ngu nas bla ma chos bzang ba dang dge slong dbon grags pa la zab chos mang du gsan/dgung lo brgyad zhes pa la kong dbus kyi sa mtshams bar mdor chos rje de bzhin gshegs pa dang mjal nas dge bsnyen gyi sdom pa bzhes/de nas stag rtse chos rjes mkhan po dang/blo gros rgyal mtshan dpal bzang pos slob dpon mdzad nas rab tu byung/chos rje'i drung du khrid dang dbang dang lung la sogs pa dpag tu med pa gsan/dgung lo bcu gsum la snye bor byon/de nas kong po'i dgon gnas rnams kyi dar rgyas spel zhing/ba yo la sogs par bzhugs/tsa ri bkra shis rdzongs su che dpag med kyi sgrub pa mdzad pas zhal mngon sum du gzigs/de nas 'ol kha bkra shis thang du phebs nas mtshal min rin po che bsod nams bzang po dang mjal te bsnyen par rdzogs/brag gsum dang/'jam ne/dmar tsha thung/rngon a rigs rnams su phebs nas chos mang du gsungs/de nas byang lam brgyud de mtshur phur phebs/bla ma gangs pa dbang phyug rgyal mtshan la ni gu'i chos skor/'tshal pa'i chos skor/do ha la sogs pa gsan/de nas dbur stong nas myang po brgyud kong por phebs/mtshur ston chos kyi rin chen dang/chos rje mthong ba don ldan/mkhan chen shAkya grags pa sogs las zab chos mang du gsan/sum mkhar gyi sa char sku mtshams shin tu dam par mdzad de bzhugs/de nas kong po brgyud lho rong dang/ri bo che rnams su byon/yor mda' dang lha stengs rnams su rab byung bsnyen rdzogs kyi mkhan po zhu ba mang du byung/mthar dgung lo bzhi bcu zhe bdun la phebs par rab byung brgyad pa'i chu sprel (1452)lor dga' ma mor zhi bar gshegs

{{#arraymap:zhwa dmar chos dpal ye shes

|; |@@@ | | }}