2074

Tibetan	རྒྱལ་པོ་ཀྲི་ཀྲིའི་རྨི་ལམ་བཅོ་བརྒྱད།
Tibetan Alternate
Tibetan Definition	སྙན་ངག་དཔག་བསམ་ལྗོན་ཤིང་དང་། མཛོད་ཀྱི་འགྲེལ་བཤད་ལས་བཅུར་བཤད་ཅིང་བསྟན་པ་སྔ་དར་གྱི་དུས་སུ་བྱུང་བའི་ཆོས་བརྗེད་བྱང་ཞེས་བྱ་བ་ལ་བརྒྱད་དེ་བཅོ་བརྒྱད་འབྱུང་བ་རིམ་པ་བཞིན་བསྡུས་ན། 1. གླང་ཆེན་མཇུག་མ་སྐར་ཁུང་འཐོག་པ་དང༌། 2. ཁྲོན་པས་མི་བསྙེགས། 3. ཕྱེ་དང་མུ་ཏིག་བརྗེ། 4. ངན་པའི་ཤིང་དང་ཙན་དན་མཉམ་དུ་བྱེད། 5. གླང་གི་ཕྲུ་གུས་གླང་ཆེན་གནས་ནས་སྐྲོད། 6. མི་གཙང་སྤྲེའུས་མི་གཙང་གཞན་ལ་བྱུག 7. སྤྲེའུ་མང་པོས་སྤྲེའུ་ངན་རྒྱལ་པོར་བསྐུར། 8. བཅོ་བརྒྱད་མི་ཡིས་རས་ཡུག་སོ་སོར་དྲས། 9. ར་བའི་མེ་ཏོག་འབྲས་བུ་རྐུན་པོས་ཁྱེར(ཆོས་བྱེད་ཀྱི་ནོར་མི་ཐུབ།）10. འཐབ་པར་མི་འོས(བརྗེད་བྱང་ལས། སྒྲ་བཤད་སིལ་བུར་འགྲོ་བར་བྱས་པའི）སྡེ་རིགས་ཕན་ཚུན་འཐབ། 11. མེ་ཏོག་དག་ནི་ཆོད་ཅིག་སེམས་ནི་བསྐུལ། (སྐྱེས་པས་བུད་མེད་གཉེར་བར་རིགས་མིན་པར་བུད་མེད་ཀྱིས་ཚུད་གཉེར་བ།） 12. རྫིང་བུ་གསུམ་ནི་བར་མ་སྟོང་བར་མཐོང་། 13. རྒན་པོ་སྤྱི་ཐེར་དུ་ནི་གནས་པ་དང༌། (ཆོས་དང་པོ་དར་བ་ནས་ནུབ་དུས་ཡང་དེར་ནུབ།） 14. རྟ་ཡི་ཁ་འཕགས་གཉིས་ཀས་ཟ་བ་དང་། (རྒྱལ་བློན་གཉིས་ཀ་ལ་བརྟེན་དགོས་པ་ལྟ་བུ།） 15. ཆེ་བའི་ཁྱི་བས་ཆུང་བ་ཁ་ནི་དྲག (སྐྱེས་པ་བས་བུད་མེད་ཁ་དྲག་པོ་ལྟ་བུ།） 16. བེའུ་སྐྱེ་མ་ཐག་ཏུ་བ་ལ་ནུ། (ནོར་རྫས་བུ་ལ་གཏད་ཅིང་བདག་ཀྱང་དེ་ལ་རེ་བ་ལྟ་བུའོ།） 17. སྔ་དྲོ་གཞོན་ནུ་ཕྱི་དྲོ་རྒས། (འདུས་བྱས་མི་རྟག) 18. སེང་གེའི་རོ་ནི་རང་གི་སྲིན་བུས་ཟོས་(ཆོས་འཇིག་ན་ཕྱི་རོལ་པས་འཇིག་ནང་པ་རང་མི་མཐུན་ནས་འཇིག་པའི་རྟགས།）བཅོ་བརྒྱད་རྨིས་པས་འོད་སྲུང་ལ་ཞུས་པས། བྲམ་ཟེའི་ཁྱིའུ་བླ་མ་འོང་བར་འབྱུང་བའི་ལྟས་ཞེས་གསུངས་སོ། ཡང་སྔོན་ཚེ་ལོ་སུམ་ཁྲིའི་དུས་སངས་རྒྱས་འོད་སྲུང་བྱོན་པའི་ཚེ་རྒྱལ་པོ་ཀྲི་ཀྲི་ལ་རྨིས་ལྟས་བཅུ་བྱུང་། རྒྱལ་པོ་དེ་ཉིད་ལ་ནང་པ་སངས་རྒྱས་དང་། ཕྱི་པའི་མཆོད་གནས་གཉིས་ཡོད་པ་ལས། རྨིས་ལྟས་རྣམས་ཕྱི་རོལ་པའི་སྟོན་པ་ལ་ཞུས་པས། ། འདི་ནི་རྒྱལ་པོ་འགྲོངས་པའམ། གྲོངས་པ་ལ་ཐུག་པར་གྱུར་པ་ཡིན་པས། སྙིང་དང་འདྲ་བ་ཞིག་ཀླུང་ལ་གཏོང་དགོས་སོ། ཞེས་ཟེར་རོ། དེ་ཡང་རྒྱལ་པོའི་བུ་མོ་གསེར་ཕྲེང་ཅན་བྱ་བ་སངས་རྒྱས་ལ་ཤིན་ཏུ་དད་པ་ཅིག་ཡོད་པ་དེ་ལ་སྙིང་ནད་བྱ་བར་བསམ་ནས་སྨྲས་སོ། དེ་ནས་རྒྱལ་པོ་ཐུགས་མི་བདེ་བར་འདུག་པ་ལ། བུ་མོས་དྲིས་པས་སྔར་གྱི་རྒྱུ་མཚན་རྣམས་གསུངས་པས། ཡབ་རྒྱལ་པོའི་སྐུ་སྲོག་ལ་ཕན་ན་བདག་འགུམ་པ་བླ་མོད་ཀྱི། ཕྱི་རོལ་པ་འདི་དག་མ་རིག་པའི་ལིང་ཏོག་གིས་སེམས་རྒྱུད་ལྡོངས་པས་མ་འོངས་པ་ལུང་སྟོན་པའི་མཐུ་མེད། ཡང་དག་པར་རྫོགས་པའི་སངས་རྒྱས་ནི་ཤེས་བྱ་ཐམས་ཅད་ལ་མངོན་སུམ་གྱི་སྤྱན་དང་ལྡན་པ་ཡིན་པས། དེ་ཉིད་ལ་ཞུ་བར་རིགས་སོ་ཟེར། རྒྱལ་པོ་དེ་ཉིད་འཐད་གསུངས་ནས་སངས་རྒྱས་འོད་སྲུང་ལ་ཞུས་པས། འདི་ནི་རྒྱལ་པོ་འཁོར་བཅས་ལ་ངན་པ་ཅུང་ཟད་ཀྱང་མེད་ཀྱི། མ་འོངས་པ་ནི་ཤཱཀྱ་ཐུབ་པའི་བསྟན་པ་ལ་ཉན་ཐོས་རྣམས་ལ་སྤྱོད་ཚུལ་ངན་པ་སྣ་ཚོགས་འབྱུང་བའི་རྨི་ལྟས་ཡིན་ནོ། ཞེས་ལུང་བསྟན་ཏོ།
Tibetan Source
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)	（宗）訖栗积王十八梦：出自《如意宝树》和《俱舍注释》中者有十梦，出自前宏期之《佛法笔记》中者另有八梦兆，共为十八梦兆。即1.初梦大象身出天窗而其尾被阻；2.二梦井追口渴人；3.三梦一斗面粉换取一斗珍珠；4.四梦劣等树木与蛇心栴檀并生；5.五梦幼象驱母象；6.六梦污秽猴向净身猴涂污；7.七梦众猴尊劣猴为王；8.八梦十八凡夫分裁一匹布；9.九梦贼偷园中花；10.十梦诸众生分群净辩；11.十一梦鼓励采花；12.十二梦三水池之中间一池干涸；13.十三梦老叟顶秃；14.十四梦马驮自跳同吃草；15.十五梦小狗蠻横于老狗；16.十六梦初生之犊反哺老牛；17.十七梦朝为儿童暮衰老；18.十八梦狮子身子被自身小虫吃掉。訖栗积王遂请教于迦叶佛，佛说此乃婆罗门上师出世之兆。佛书说人寿三万岁时，迦叶佛出世，訖栗积王曾有十梦。该王既信仰释迦佛又信仰外道上师。王以此十梦先求问于外道上师，外道仇恨国王最虔信佛法之女金鬘女故，曰：“王崩之矣，宜将最心爱之物抛于河中。”王心中十分不安，女儿问知详情后对父王说：“外道患無明之盲，無予言之能，而佛具全知之慧眼，应另求问于佛。”王改问于迦叶佛，佛予言道：“十梦与王无干，此乃释迦佛法中将有恶行声闻出现之征。”并将十梦一一解释于王。參 རྒྱལ་པོ་ཀྲི་ཀྲིའི་རྨི་ལྟས་བཅུ།
Chinese (Traditional)	（宗）訖栗積王十八夢：出自《如意寶樹》和《俱舍註釋》中者有十夢，出自前宏期之《佛法筆記》中者另有八夢兆，共為十八夢兆。即1.初夢大象身出天窗而其尾被阻；2.二夢井追口渴人；3.三夢一斗麵粉換取一斗珍珠；4.四夢劣等樹木與蛇心栴檀並生；5.五夢幼象驅母象；6.六夢汙穢猴向淨身猴塗污；7.七夢眾猴尊劣猴為王；8.八夢十八凡夫分裁一匹布；9.九夢賊偷園中花；10.十夢諸眾生分群淨辯；11.十一夢鼓勵採花；12.十二夢三水池之中間一池乾涸；13.十三夢老叟頂禿；14.十四夢馬馱自跳同吃草；15.十五夢小狗蠻橫於老狗；16.十六夢初生之犢反哺老牛；17.十七夢朝為兒童暮衰老；18.十八夢獅子身子被自身小蟲吃掉。訖栗積王遂請教於迦葉佛，佛說此乃婆羅門上師出世之兆。佛書說人壽三萬歲時，迦葉佛出世，訖栗積王曾有十夢。該王既信仰釋迦佛又信仰外道上師。王以此十夢先求問於外道上師，外道仇恨國王最虔信佛法之女金鬘女故，曰：“王崩之矣，宜將最心愛之物拋於河中。”王心中十分不安，女兒問知詳情後對父王說：“外道患無明之盲，無予言之能，而佛具全知之慧眼，應另求問於佛。”王改問於迦葉佛，佛予言道：“十夢與王無干，此乃釋迦佛法中將有惡行聲聞出現之徵。”並將十夢一一解釋於王。參 རྒྱལ་པོ་ཀྲི་ཀྲིའི་རྨི་ལྟས་བཅུ།
Chinese Definition
Page Number