2118

Tibetan	གནས་ཉེར་བཞི།
Tibetan Alternate
Tibetan Definition	དེ་ལ་ཡུལ་ཉེར་བཞི་ཡང་ཟེར། 1. པཱུ་ལི་ར་མ་ལ་ཡ (རྒྱ་གར་ཤར་ཕྱོགས་བྷང་གྷ་ལ་ཡི་ལྷོ་ངོས་མ་ལ་ཡའི་ཆུ་ཀླུང་འབབ་པའི་གནས་）།2. ཛ་ལནྡྷ་ར(ཆུ་བོ་གང་ག་མཚོ་མ་ཕམ་ནས་མངའ་རིས་ཀྱི་ཡུལ་བརྒྱུད་དེ་ཉིན་འགའ་ཞིག་ལྷོ་ནུབ་ཕྱོགས་སུ་ཁ་གཏད་ནས་འབབ་ཅིང་། ཌི་ལིའམ་ངྷི་ལིའི་བྱང་ཕྱོགས་ཧ་རི་དཱ་ཝར་ནས་ཤར་ཕྱོགས་སུ་འཁྱོགས་ནས་འབབ་པའི་བྱང་ངོ་། ཛ་ལ་མུག་གམ། ཛ་ལ་མུ་ཁི་སྟེ་རྡོ་ལ་མེ་འབར་པིའི་གནས)། 3.ˌཨཽ་ཊི་ཡ་ན (འདི་ཨོ་རྒྱན་གྱི་ཡུལ) 4. ཨ་རྦུ་ཏ (རྒྱ་གར་ལྷོ་ཕྱོགས་ཀྱི་རི་དབུས་མཐོ་ལ་མཐའ་དམའ་བ་འབྲང་རྒྱས་སམ་སྙིང་གི་གཟུགས་ཅན་ཞིག་གི་མིང་།）5. གོོ་ད་ཝ་རི་(བལ་པོའི་ཡུལ་གྱི་བྱང་ངོས་རང་རྒྱལ་གྱི་གཉའ་ནང་ཤན་གྱི་ཉེ་འདབས་ལ་ཕྱི་གངས་ར་ཞེས་གངས་རི་ཆེན་པོ་ཞིག་ཡོད་པར་བཤད་པ་ལྟར་ན། དེང་སང་གི་ས་བཀྲའི་ཐོག་ཏུ་སྒོ་ས་ཡིན་ཐན་རི་བོ་ཞེས་སམ། ཡོངས་གྲངས་སུ་ཤི་ཤ་སྦང་མའི་རི་བོ་ཞེས་པ་དེ་ཡིན་ནམ་སྙམ་བརྟག འདི་རྗེ་བཙུན་མི་ལའི་རྣམ་ཐར་དུ། སྟོད་གཉའ་ནང་དུ་ཡོད་པའི་ལ་ཕྱི་གངས་ར་ཞེས་གསལ་ཞིང་། ལ་ཕྱི་གངས་ར་ཞེས་པ་ཧི་མ་ལ་ཡའི་རི་ཡི་རྒྱུད་གཅིག་ཡིན་པས། ས་བཀྲའི་ནང་སྒོ་ས་ཡིན་ཐན་ཞེས་གསལ་ཞིང་། དེང་སང་ཡོངས་གྲགས་རྒྱ་སྐད་དུ་ཤི་ཤ་སྦང་མ་ཞེས་པ་དེ་ཡིན་ནམ། དེ་མིན་ལ་ཕྱི་གངས་ར་ཞེས་པ་ལོགས་སུ་ཡོད་མེད་བརྟག་དགོས། 6. རྭ་མེ་ཤ་རི་(རྒྱ་གར་གྱི་ས་དབྱིབས་གྲུ་གསུམ་དུ་ཆགས་པའི་རྩེ་མོ་རྣོ་ཤོས་ལྷོ་ཕྱོགས་སུ་གཏད་པའི་རྒྱ་མཚོའི་འགྲམ་གྱི་སྣེ་དེར་ཡོད། འདི་ནས་ཤར་ལྷོ་ཕྱོགས་སུ་གྲུ་བཏང་ནས་སོང་ན་ལང་ཀའི་གྲོང་ཁྱེར་རམ་ལམ་ཀའི་གླིང་ཕྲན་ཞེས་རྒྱལ་པོ་ར་མཱ་ནས་སྲིན་ཡུལ་དུ་དམག་དྲངས་པར་བཤད་པའི་ཡུལ་དེ་ཡིན་པས། དེང་སང་སིང་ག་ལའང་ཤྲི་ལངྐའམ་སི་ལི་ལངྐ་ཟེར། ）7. དེ་ཝི་ཀོ་ཏྲི། འདི་བོད་སྐད་དུ་ལྷ་མོའི་མཁར་ཞེས་ཟེར་ཞིང་འདི་ལ་ངོས་འཛིན་ཚུལ་མི་འདྲ་བ་གཉིས་ཏེ། ཀོང་པོའི་ཡུལ་དང་དྭགས་པོ། ཀློ་ཡུལ་གསུམ་གྱི་འཚམས་ཡོད་པའི་རྩ་རི་ལ་ངོས་འཛིན་པ་གཅིག་དང་། རྒྱ་གར་ཨ་སམ་གྱི་ཤར་ཕྱོགས། གང་ཚ་རངྒ་ཞེས་པའི་ནང་ཚང་ཏི་ར་ཕུར་ཞེས་པའི་རི་བོ་དེར་ངོས་འཛིན་པ་གཅིག་ཡོད། 8. མཱ་ལ་ཝ (རྒྱ་གར་ནུབ་ཕྱོགས་རྒྱ་མཚོའི་གླིང་ཕྲན་ཞིག་ཡིན་པར་བཤད། ）9. ཀ་མ་རུ་པ (བལ་ཡུལ་དང་ཐག་ཉེ་བའི་གངས་རྒྱལ་མོ་མཐོན་མཐིང་གི་འགྲམ་ནས <རྒྱ་གར་སྐད་དུ་ཆུ་བོ་ལོ་ཧི་ཏ་རྒྱ་སྐད་དུ་མཱ་མཆོན་ཧཱོ> བོད་སྐད་དུ་རྟ་མཆོག་ཁ་འབབ་ཏུ་གྲགས་པ་དེ་ཉིད་གཞིས་ཀ་རྩེ་ནས་ཉང་ཆུ་དང་འདྲེས། ལྷ་སའི་ལྷོ་ནུབ་ཆུ་ཤུལ་ནས་སྐྱིད་ཆུ་དང་འདྲེས་ནས་ཡར་ལུང་བརྒྱུད་དུ་འབབ་པ་ལ་ཡར་ལུང་གཙང་པོ་ཟེར། དེ་ཉིད་ཀོང་པོ་ཡུལ་ནས་ཁ་ལྷོར་བལྟས་ནས་རྒྱ་གར་ཤར་ཕྱོགས་སུ་ཐོན་པའི་ས་དེར་ངོས་འཛིན། དེ་ནས་རྒྱ་གར་ཤར་ཕྱོགས་ཨ་སམ་གྱི་ཡུལ་བརྒྱུད་ནས་ཤར་པ་ཀི་སི་ཐན་གྱི་བྱང་ནས་ཁ་ལྷོར་བལྟས་ནས་རྒྱ་མཚོ་ཆེན་པོར་འབབ་པས་གོང་གསལ་ཆུ་བོའི་དེའི་དུམ་བུ་ལ་རྒྱ་གར་བ་རྣམས་ཀྱིས་བྷ་རམ་པུརྡ་ཟེར། ）10. ཨོ་ཏྲི(རྒྱ་གར་ལྷོ་ཕྱོགས་རྒྱལ་པོ་ཤིང་རྟ་བཅུ་པའི་ཡུལ་ལ་ངོས་འཛིན་པར་བཤད་ཀྱང་ས་གནས་ངོས་མ་ཟིན།）11. ཏྲི་ཤ་ཀུ་ནི (རྒྱ་གར་ནུབ་ཕྱོགས་ཆུ་བོ་གངྒ་དང་། གན་ཏི་སུ་རུ་པ་གསུམ་གྱི་འདུས་མདོ་དེར་ཡོད།）12. ཀོ་ས་ལ་(རྒྱ་གར་ཡུལ་དབུས་གཉན་ཡོད་ཅེས་པ་དེ་ཡིན།）13. ཀལིངྐ (རྒྱ་གར་ལྷོ་ཕྱོགས་རྒྱ་མཚོའི་འགྲམ་གྱི་ཡུལ་ལ་ཏྲིལིངྐ་ལ་སོགས་པའི་ལིངྒའི་མིང་ཅན་བརྒྱད་ཙམ་ཡོད་པར་བཤད་པའི་ནང་ནས་གཅིག་ཡིན། ）14. ལམ་པ་ཀ (ཨོ་རྒྱན་གྱི་ཡུལ་གྱི་ཤར་ཕྱོགས་སུ་ཡོད་པར་བཤད།）15. ཀཉྩི (རྒྱ་གར་ལྷོ་ཕྱོགས་ཀྱི་དཀྱིལ་ཏྲི་ལིང་ཀ་ཞེས་པ་དེ་ཡིན་པར་བཤད། ）16. ཧི་མ་ལ་ཡ། བོད་སྐད་དུ་རི་བོ་གངས་ཅན་ཞེས་རྒྱ་གར་གྱི་བྱང་ཕྱོགས་སུ་ཡོད་པའི་རི་རྒྱུད་ཤིན་ཏུ་རིང་བ་ཞིག་གི་མིང་། 17. སྦེ་ཏ (མངའ་རིས་གུ་གེའི་ཡུལ་དུ་ཡོད།）18. གྲི་ཧ་དེ་ཝ་ཏ(ལི་ཡུལ་ལྕང་ར་སྨུག་པོའམ། དེང་སང་ཤིན་ཅང་དུ་འབོད་པའི་གནས་ཀྱི་ནུབ་ངོས་སུ་ཡོད་པར་བཤད།）19. སོ་ར་ཥྟྲ(འདི་བོད་སྐད་དུ་བཟང་པོ་ཅན་ཟེར་ཞིང་རྒྱ་གར་ནུབ་ཕྱོགས་ཀྱི་ཡུལ་ཞིག་ཡིན་པར་བཤད་པ་ལྟར་རང་རྒྱལ་ནས་པར་བསྐྲུན་བྱས་པའི་ས་བཀྲའི་ནང་དུ་རྒྱ་གར་ནུབ་ཕྱོགས་རྒྱ་མཚོའི་འགྲམ་གྱི་ཡུལ་ཞིག་ལ་སུ་ལ་ཐའོ་ཞེས་འཁོད་པ་དེ་ཡིན་སྙམ།）20. སུ་ཝརྣ་དཱི་པ（འདི་བོད་སྐད་དུ་གསེར་གླིང་ཟེར་ཞིང་། དེང་སང་ཨེན་རྡུ་ཉི་ཤི་ཡའི་རྒྱལ་ས་ཡ་ཙཱ་ཏཱ་ཡི་ནུབ་བྱང་ངོས་ཀྱི་གླིང་ཕྲན་ཆེ་བ་སུ་མན་ཏ་ལ་ཟེར་བ་དེ་ཡིན་ཞེ་ས་རྒྱ་རིགས་ཀྱི་མཁས་པའི་དབང་པོ་འགའ་ཞིག་གིས་གསུངས་པ་ཐོས།）21. ནཱ་ཀ་ར (རྒྱ་གར་བྱང་ཕྱོགས་བལ་ཡུལ་དང་ཁད་ཉེ་བར་ཆུ་བོ་གངྒཱའི་འགྲམ་དུ་གྲོང་ཁྱེར་པ་པ་ཏྲ་ལི་བུ་ཏྲ་འམ (བོད་སྐད་དུ་སྐྱ་བོའི་བུ་ཟེར）པ་ཋན་ཞེས་ནཱ་ག་རའི་ཡི་གེ་འབྱུང་བའི་ཡུལ་དེ་ཡིན་པར་བཤད། ）22. སིན་དྷུ། གངས་རི་ཏི་སེའི་བྱང་ངོས་ནས་འབབ་པའི་ཆུ་བོ་སིན་དྷུ་ཞེས་པ། བོད་སྐད་དུ་སེངྒེ་ཁ་འབབ་ཟེར། དེ་མངའ་རིས་ཀྱི་ཡུལ་བརྒྱུད་དང་པོར་བྱང་དང་། དེ་ནས་པ་ལི་ཅ་སིའི་ལྷོ་ངོས་ནས་རེ་ཞིག་བར་ནུབ་དྲང་པོ་དང་དེ་ནས་ཀསྨིརའམ། ཁ་ཧྲི་སྨིར་གྱི་ཤར་ངོས་ནས་ནུབ་བྱང་བར་འཁྱོག་ནས་འབབ་ཅིང་། མཐར་ནུབ་པ་ཀི་སི་ཐན་གྱི་བྱང་ཤར་ནས་དཀྱིལ་དྲང་པོ་བརྒྱུད་རྒྱལ་ས་ཁ་ར་ཏྲིའམ་སྔ་དུས་ཁ་ར་ཋར་འབོད་པའི་ཉེ་འདབས་ནས་ཨ་ར་པིའི་རྒྱ་མཚོར་འབབ་པས། རྒྱལ་སའི་ཉེ་འདབས་སུ་གོང་གི་གནས་དེ་ཡོད་པར་བཤད། 23. མ་རུ། ཀསྨིར་གྱི་བྱང་ཕྱོགས་ཛ་ལནྡྷ་ར་འི་ཉེ་འདབས་སུ་ཡོད་པར་བཤད། 24. ཀུ་ལུ་ཏ། ཀསྨིར་གྱི་བྱང་ཕྱོགས་ཀྱི་མཐའ་མཚམས་མངའ་རིས་ཀྱི་ཡུལ་དང་ཐག་ཉེ་བར་ཡོད་པ་དང་། མངའ་རིས་པ་རྣམས་ཀྱིས་ཉུང་རྡའི་ཡུལ་ཞེས་འབོད་པའི་ནང་ཚན་ཞིག་ཡིན་པར་བཤད།
Tibetan Source
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)	二十四地区：古印度周围之二十四区域。1.布利若马来亚；2.札兰达热；3.窝支亚那；4.阿熱乌达；5.乔达瓦日；6.热买哈日；7.戴维郭底日；8.马拿瓦；9.嘎瑪如巴；10.窩底日；11.底日厦古勒；12.郭薩拉；13.嘎陵迦；14.兰巴嘎；15.甘滋；16.希馬拉雅；17.白热达；18.吉利哈代瓦达；19.索热卡热；20.苏宛那底巴；21.那格熱；22.信度；23.瑪如；24.姑魯達。以上二十四個地區，現今屬印度者僅其中一部分。
Chinese (Traditional)	二十四地區：古印度周圍之二十四區域。1.布利若馬來亞；2.札蘭達熱；3.窩支亞那；4.阿熱烏達；5.喬達瓦日；6.熱買哈日；7.戴維郭底日；8.馬拿瓦；9.嘎瑪如巴；10.窩底日；11.底日廈古勒；12.郭薩拉；13.嘎陵迦；14.蘭巴嘎；15.甘滋；16.希馬拉雅；17.白熱達；18.吉利哈代瓦達；19.索熱卡熱；20.蘇宛那底巴；21.那格熱；22.信度；23.瑪如；24.姑魯達。以上二十四個地區，現今屬印度者僅其中一部分。
Chinese Definition
Page Number