2153

Tibetan	མཚན་བཟང་པོ་སུམ་ཅུ་སོ་གཉིས།
Tibetan Alternate
Tibetan Definition	1. སྔོན་བླ་མ་རྣམས་ལ་བསྐྱལ་བ་དང་བསུ་བ་སོགས་བྱས་པས་ཕྱག་དང་ཞབས་འཁོར་ལོའི་རྩིབས་སྟོང་མུ་ཁྱུད་བཅས་པ་རྫོགས་པ་དང༌། 2. སྡོན་སྡོམ་པ་ཡང་དག་པར་བླངས་པ་བརྟན་པོར་བསྲུང་བས། ཞབས་རུས་སྦལ་བཞིན་དུ་མཉམ་པ། 3. སྔོན་བསྡུ་དངོས་བཞི་བརྟེན་པར་བྱས་པས་ཕྱག་དང་ཞབས་ཀྱི་སོར་མོ་ངང་པའི་རྒྱལ་པོ་ལྟ་བུར་རིན་པོ་ཆེའི་དྲ་བས་འབྲེལ་བ། 4. སྔོན་བཟའ་བ་དང་བཅའ་བ་བྱིན་པས། ཕྱག་དང་ཞབས་ཤིང་བལ་ལྟར་འཇམ་ཞིང་གཞོན་ཤ་ཆགས་པ། 5. བདུན་མཐོ་བ་ནི་ཕྱག་གི་བོལ་གཉིས། ཞབས་ཀྱི་བོལ་གཉིས་དཔུང་མགོ་གཉིས། ལྟག་པའི་ཕྱོགས་མཐོ་བའོ། 6. སོར་མོ་རིང་བ་ནི་ཞབས་མཐིལ་གྱི་དཀྱུས་དང་མཐོ་མཉམ་པའོ། 7. རྟིང་པ་ཡངས་པ་ནི་ཞབས་ཀྱི་བཞི་ཆ་ཕྱིར་འཕགས་པའོ། 8. སྟོན་པའི་སྐུའི་མཐོ་དམན་ནི། འཛམ་བུ་གླིང་པའི་ཁྲུ་ཕྱེད་དང་བཅུ་གཅིག་ཡོད་དོ། འཛམ་བུ་གླིང་པའི་མི་ལས་ཁྲུ་བདུན་ལྷག་པས་ན་སྐུ་ཆེ་ཞིང་དྲང་བའོ། 9. ཞབས་ཀྱི་ལོང་བུ་འབུར་བ་ཕྱིར་མི་མངོན་པའོ། 10. སྐུའི་སྤུ་གྱེན་དུ་འཁྱིལ་ཞིང་གཡས་སུ་ཕྱོགས་པ་དང་། 11. བྱིན་པ་རི་དྭགས་ཨེ་ན་ཡའི་ལྟ་བུ་ནི་ཡོངས་སུ་མཉམ་ཞིང་རིམ་པར་མཚམས་ལ་རྒྱས་ཤིང་བལྟམས་པའོ། 12.ཕྱག་རིང་བ་ནི། མ་བཅུད་པར་ཕྱག་གིས་པུས་མོའི་སླ་ངར་སླེབས་པའོ། 13. འདོམས་ཀྱི་སྦ་བ་སྦུབས་སུ་ནུབ་པ་ནི། གླང་པོ་ཆེའི་ལྟ་བུའོ། 14. གསེར་གྱི་མདངས་ལྟར་ཤིན་ཏུ་དྭངས་པའོ། 15. ལྤགས་པ་འཇམ་པ་ནི་གསེར་སྦྱངས་པ་ལྟར་སྙོམས་ལ་རྡུལ་གྱིས་མི་གོས་པའོ། 16. བ་སྤུའི་བུ་ག་གཅིག་ལ་གཉིས་མེད་པར་དོར་ན་གཡས་སུ་ལེགས་པར་འཁྲུངས་པ་དང་། 17. མཛོད་སྤུ་ནི་སྨིན་མཚམས་སུ་ས་དཀར་འཇམ་གཡས་སུ་འཁྱིལ་བ་ཉི་ཟླ་ལས་ལྷག་པའི་འོད་དང་ལྡན་པའོ། 18. སྐུའི་རོ་སྟོད་འཕེལ་ཁ་ཆེ་བས་སེང་གེ་དང་འདྲ་བའོ། 19. དཔུང་པའི་མགོ་མགྲིན་པ་དང་འབྲེལ་ཞིང་ཟླུམ་པའོ། 20. ཐལ་གོང་རྒྱས་པ་ནི་བྲང་ངོ་ཞེས་ཤན་ཏི་སས་གསུངས་སོ། 21. རོ་བྲོ་བའི་མཆོག་མཁྱེན་པ་ནི། རྟ་ཆས་རུལ་བ་གསོལ་ཀྱང་རོ་མཆོག་ཏུ་སྣང་བའོ། 22. ཆུ་ཞེང་གབ་པ་ནི། སྐུའི་ཁྲུན་དང༌། འདོམ་གྱི་ཚད་དུ་མཉམ་པའོ། 23. སྐུ་སྨད་དང༌སྐུ་སྟོད་མཉམ་པ་སྟེ། ལྟེ་བ་ནས་བཟུང་སྟེ་སྐུ་སྟོད་སྐུ་སྨད་མཉམ་པའོ། 24. དབུ་གཙུག་ཏོར་དང་ལྡན་པ་ནི། ཕལ་པའི་ངོར་སོར་བཞི་འཕགས་པའོ། 25. ལྗགས་རིང་མཛེས་པ་ནི་ཞལ་གྱི་དཀྱིལ་འཁོར་ཁེབས་པའོ། 26. ཚངས་པའི་དབྱངས་ནི་ཉེ་རིང་ཐམས་ཅད་ལ་མཉམ་པར་གསལ་བའོ། 27. ཡང་ན་ཡན་ལག་ལྔ་དང་ལྡན་པ་སྟེ། ཤེས་ཤིང་རྣམ་པར་ཤེས་པར་འགྱུར་བ་དང་མཉམ་པར་འོས་ཤིང་མི་མཐུན་མེད་པ་དང་། ཟབ་ཅིང་རྗེས་སུ་སྒྲོག་པ་དང༌། མཚུངས་ཤིང་སྣང་བ་དང༌། རིག་ཅིང་རྣམ་པར་རིག་པར་བྱེད་པའོ། 28. འགྲམ་པ་སེང་གེ་འདྲ་བ་ནི་མེ་ལོང་ལྟར་མཐའ་བཟླུམ་ཞིང་རྒྱས་པའོ། 29. ཚེམས་ཐག་བཟང་བ་ནི་བར་མཚམས་མེད་པའོ། 30. བཞི་ཅུ་མངའ་བ་ནི། ཡས་མན་ཉི་ཤུ་རེ་མཉམ་པའོ། 31. སྤྱན་མཐོན་མཐིང་སྔོ་ནག་ཏུ་ཡོད་པའོ། 32. རྫི་མ་བའི་རྫི་མ་ལྟ་བུ་ནི་སྟེང་འོག་རྫི་མ་རྣམས་མ་འདྲེས་པའོ།
Tibetan Source
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)	（宗）三十二相：1.常迎送上师故手足呈千辐轮相；2.足平安相；3.手指縵岡相；4.手足柔软相；5.七处充满相；6.手指纤长相；7.足跟满足相；8.身广洪直相；9.足趺端好相；10.身毛上靡相；11.腨腸圆软如鹿王相；12.双手过膝相；13.势峰藏密相；14.身金色相；15.肤细滑相；16.身毛右旋相；17.眉间白毫相；18.上身狮子相；19.肩头圆满相；20.两胁满相；21.咽中津液得上味相；22.体分高寛勾等相；23.体分上下匀等相；24.顶成肉髻相；25.舌纤长相；26.得梵音相；27.具五分支相；28.狮子额轮相；29.齿洁密相；30.四十齿相；31.目紺青相；32.牛王睫相。此三十二相不限于佛，统称大人之相，故全称为三十二大人之相，具此相者在家为轮王，出家则开元上觉。此三十二相，诸佛书中记载各有小异。
Chinese (Traditional)	（宗）三十二相：1.常迎送上師故手足呈千輻輪相；2.足平安相；3.手指縵岡相；4.手足柔軟相；5.七處充滿相；6.手指纖長相；7.足跟滿足相；8.身廣洪直相；9.足趺端好相；10.身毛上靡相；11.腨腸圓軟如鹿王相；12.雙手過膝相；13.勢峰藏密相；14.身金色相；15.膚細滑相；16.身毛右旋相；17.眉間白毫相；18.上身獅子相；19.肩頭圓滿相；20.兩脅滿相；21.咽中津液得上味相；22.體分高寛勾等相；23.體分上下勻等相；24.頂成肉髻相；25.舌纖長相；26.得梵音相；27.具五分支相；28.獅子額輪相；29.齒潔密相；30.四十齒相；31.目紺青相；32.牛王睫相。此三十二相不限於佛，統稱大人之相，故全稱為三十二大人之相，具此相者在家為輪王，出家則開元上覺。此三十二相，諸佛書中記載各有小異。
Chinese Definition
Page Number