100017

སྤངས་པ་བསྡོམས་པ་ (1)

Part of speech	མིང་ཚིག
Definition	མདོ། མངོན་པ། སོ་སོར་བརྟགས་འགོག་སོ་སོ་བ་རྣམས་བཏང་ནས་ཐམས་ཅད་སྡོམ་པའི་སོས་སོར་བརྟགས་འགོག་གི་ཐོབ་པ་ཟག་མེད་གཅིག་རྙེད་པ་སྟེ། དཔེར་ན་འབྲས་བུ་དང་པོའི་ཚེ་སྔར་གྱི་བརྟགས་འགོག་སོ་སོ་བ་རྣམས་བཏང་ནས་བསྡོམས་པའི་བརྟགས་འགོག་གི་ཐོབ་པ་ཟག་མེད་གཅིག་རྙེད་པ་ལྟ་བུ་སྟེ། མཛོད་རང་འགྲེལ་ལས། སྤངས་པ་བསྡོམས་པ་ནི་ཐམས་ཅད་ཀྱི་ཐོབ་པ་ཅིག་རྙེད་པའི་ཕྱིར་རོ། །ཞེས་དང་། མཆིམས་མཛོད་མཆན་བུ་ལས། (དེ་ཡང་ཟད་པ་སྡོམ་པ་ནི་སྤངས་པ་སོ་སོ་བ་རྣམས་བཏང་ནས་ཐམས་ཅད་སྡོམ་པའི་བྲལ་ཐོབ་ཟག་མེད་གཅིག་རྙེད་པ་སྟེ། འབྲས་བུ་དང་པོ་ལ་མཐོང་སྤང་གི་ཟད་པ་སྡོམ་པ་གཅིག་རྙེད་པ་དང༌། གཉིས་པ་ལ་མཐོང་སྤང་དང་འདོད་པའི་སྒོམ་སྤང་དྲུག་ཟད་པ་སྡོམ་པ་ལ་སོགས་པའོ། །) ཞེས་གསུངས། དོན་གཅིག་མིང་གི་རྣམ་གྲངས་ལ། སྤངས་པ་བསྡོམས་པ་དང། ཟད་པ་སྡོམ་པའོ། །
Domain	ཆོས་ལུགས།

{{#arraymap:སྤངས་པ་བསྡོམས་པ་

|; |@@@ | | }}