100054

སྤར་ཁ་ནང་གི་ལེ་ལན་ (1)

Part of speech	མིང་ཚིག
Definition	གཤིིན་རྩིས་སྐབས་སུ་གཤིན་པོ་གང་ལ་སྙད་དང་ལེ་ལན་ཅི་ལས་བྱུང་བ་ཕྱི་ནང་བར་གསུམ་གྱི་སྒོ་ནས་བརྩི་བའི་ནང་གསེས་ནང་གི་ལེ་ལན་ལ་ཟེར་ཞིང་། དེ་ནི་གཤིན་པོ་དག་ཚེ་ལས་འདས་སྐབས་ཀྱི་བབས་སྤར་གང་ཡིན་ལ་བརྟེན་པའི་ལེ་ལན་ཡིན། སྤར་ཁའི་ལེ་ལན་སྤྱི་ནི་གསོན་རྩིས་ལས་བསྟན་པའི་སྤར་ཁའི་བསྲུང་བྱ་ཉམས་པའམ་ནད་གདོན་ཕོག་པ། དེ་མིན་དགྲ་དང་འཕྲལ་གྱི་རྐྱེན་བཅས་ཡིན་ཞིང་། ཁྱད་པར་དུ་བབས་སྤར་ལིའི་སྟེང་དུ་ཤི་ན་ནུབ་བྱང་མཚམས་སུ་བླ་བདུད་ཀྱིས་བཅད་པ་དང་། རྟ་ཞྭ་གཡུ་བྱང་ཉོས་པ། མེ་ལས་ཧོམ་སར་ཕྱིན་པ། ཤིང་བཅད་པ། དམར་ཟས་སོགས་ཀྱིས་ལན་པར་བཤད། ཁོན་སྟེང་དུ་ཤི་ན་བྱང་དུ་བླ་བདུད་ཀྱིས་བཅད་ཅིང་ས་སྲིན་གྱིས་ཁྱེར་བ་དང་། ཤིང་གཉན་བཅད་ཅིང་རྡོ་གཉན་སློག་པ། ཟར་ཕྱེའམ་ཤ་དམར་ཟོས་པ་སོགས་ཀྱིས་ལན་པར་བཤད། དྭའི་སྟེང་དུ་ཤི་ན་བྱང་དུ་བླ་བདུད་ཀྱིས་བཅད་ཅིང་བཙན་གྱིས་ཁྱེར་བ་དང་། དམེ་ཕོ་བསྟེན་པ། ར་ཤ་ཟོས་པ་སོགས་ཀྱིས་ལན་པར་བཤད། ཁེན་སྟེང་དུ་ཤི་ན་ལྷོ་རུ་བླ་བདུད་ཀྱིས་བཅད་པ་དང་། འཕྱི་ཤ་འཁོན་ཟས་ཟོས་པ། རྫ་མཁན་བུ་མོ་སོགས་ཀྱིས་ལན་པར་བཤད། ཁམ་སྟེང་དུ་ཤི་ན་ལྷོ་ནུབ་མཚམས་སུ་བླ་བདུད་ཀྱི་བཅད་ཅིང་ཀླུ་བསེན་གྱིས་ཁྱེར་བ་དང་། བྱ་ཉ་གླང་ཕག་གི་ཤ་ཟོས་པ། རོ་སྦེད་དོང་ཁར་ཕྱིན་པ་སོགས་ཀྱིས་ལན་པར་བཤད། གིན་སྟེང་དུ་ཤི་ན་ཤར་ལྷོའི་མཚམས་སུ་བླ་བདུད་ཀྱིས་བཅད་ཅིང་རྦད་འདྲེས་ཁྱེར་བ་དང་། གླང་དམར་དཔྱི་ལྷུ། ལྷོག་ཤ་སོགས་ཀྱིས་ལན་པར་བཤད། ཟིན་སྟེང་དུ་ཤི་ན་ནུབ་ཏུ་བླ་བདུད་ཀྱིས་བཅད་ཅིང་རྒྱལ་གདོན་གྱིས་ཁྱེར་བ་དང་། བྱ་ཤ་རི་བོང་ཤ་སོགས་ཀྱིས་ལན་པར་བཤད། ཟོན་སྟེང་དུ་ཤི་ན་བྱང་ཤར་མཚམས་སུ་བླ་བདུད་ཀྱིས་བཅད་པ་དང་། མཛོ་གླང་གི་ཤ་ཟོས་པ། འདུ་ལོང་ཀླུང་དམར་སོགས་ཀྱིས་ལན་པར་བཤད།
Domain	རྩིས་རིག

{{#arraymap:སྤར་ཁ་ནང་གི་ལེ་ལན་

|; |@@@ | | }}