1001

ཀླུ་ཡེ་ཤེས་སྙིང་པོ་ (1)

Part of speech

མིང་ཚིག

Definition

ཡུམ་སྲས་གཤེན་གསུམ་གྱི་སློབ་མ་ལྷ་ཀླུ་མིའི་གཤེན་གསུམ་གྲགས་པའི་ནང་ཚན་ཀླུ་ཡི་གཤེན་པོ་ཀླུ་སྒྲུབ་ཡེ་ཤེས་སྙིང་པོ་ཞེས་པ་དེ་ཡིན་ལ། གསང་སྔགས་སྤྱི་སྤུངས་ཀྱི་བརྒྱུད་རིམ་གཤེན་པོ་རྣམས་ལས་གདུང་རྒྱུད་བཅུ་གསུམ་གྱི་ནང་ཚན་ཡང་ཡིན། འདི་ཉིད་ཡུལ་ཀླུ་ཡུལ་ནེ་ར་སེང་ཆེན། གནས་ཟི་ཏ་ཕུག་རི་སྐུ་མཁར་སྔོ་ཕུག་གཡུ་རྩེ་བྱ་བ་རུ་ཡབ་བྲམ་ཟེ་ལྷས་བྱིན་མཛེས་པ་དང་། ཡུམ་གཉེན་ལྕམ་གཟི་ལྡན་མ་བྱ་བ་གཉིས་ལ་འཕྲུལ་གཤེན་སྣང་ལྡན་གྱིས་བྱིན་གྱིས་བརླབས་པའི་སྲས་སུ་འཁྲུངས་སོ། །སྲས་དེ་ལ་རྒྱལ་གཤེན་མི་ལུས་བསམ་ལེགས་ཀྱིས་མཚན་ལྟས་བརྟགས་ཏེ་ཀླུ་ཡེ་ཤེས་སྙིང་པོ་ཞེས་མཚན་དུ་གསོལ་ལོ། །རྒྱལ་གཤེན་གྱི་ཞལ་ནས། རིགས་ཀྱི་བུ་བླ་མ་ནི་མཚན་དང་ལྡན་པའི་གྲོགས་ལ་བསྟེན། ལུང་ནི་གང་ནས་གོང་འཕེལ་གོང་དུ་ཞུས། མན་ངག་གང་དུ་ཡོད་པའི་གནས་ཡུལ་ཉུལ། ཞེས་པ་ལུང་བསྟན་པ་ལྟར། ཡེ་ཤེས་སྙིང་པོས་ཀྱང་རྩ་གསུམ་ལྷའི་གནས་སོགས་སུ་བྱོན་ནས། ཡུམ་སྲས་གཤེན་གསུམ་དང་ལྷ་བོན་ཡོངས་སུ་དག་པ་དབལ་བོན་སྟག་ལ་མེ་འབར་རྣམས་ཀྱི་དྲུང་ནས་བོན་ལ་ཐོས་བསམ་སྒོམ་པའི་བློ་རྩལ་སྦྱངས་སོ། །ཡུམ་བཟང་ཟ་རིང་བཙུན་གྱིས་ཡེ་ཤེས་སྙིང་པོ་ལ་ཡུམ་སྲས་གཤེན་གསུམ་གྱིས་སྙན་ནས་སྙན་དུ་བརྒྱུད་པའི་སྤྱི་སྤུངས་ཞི་ཁྲོའི་བོན་སྐོར་རྒྱས་འབྲིང་བསྡུས་གསུམ་ལས། ཉུང་ལ་འདུས་པ་མན་ངག་གསེར་ཞུན་ལྟ་བུའི་བོན་སྐོར་ཆུ་དར་སྔོན་པོ་ལ་གསེར་ཞུན་མས་བྲིས་ནས་གཏད་གཉེར་མཛད་དོ། ། ཀླུ་གྲུབ་ཡེ་ཤེས་སྙིང་པོས་ཀྱང་བོན་སྡེ་དེ་དག་བཟང་ཟ་རིང་བཙུན་གྱི་སྤྲུལ་པ་ལྕམ་རྒྱུང་ནེ་རོག་བྱ་བ་གྲོགས་སུ་བཙལ་ནས། གཡུའི་ཆུ་མིག་བརྒྱད་ཅུ་རྩ་གཉིས་ཀྱི་འགོ་བོར་བསྒྲུབས་ཤིང་ཀླུ་ཁམས་འདྲེན་པའི་སྟོན་པ་མཛད་དོ། ། གོང་གསལ་མིང་ཚིག་འགའ་ལ་འབྲི་ཚུལ་གྱི་སྒོ་ནས་དཔེ་གཞན་པའི་ནང་དུ་༼ནེ་ཏྲ་གསིང་ཆེན། ཟི་ཏི་ཕུག་རིང་། སྔོན་བུ་གཡུ་རྩེ་༽ཞེས་པ་ཡང་འདུག་གོ །

{{#arraymap:ཀླུ་ཡེ་ཤེས་སྙིང་པོ་

|; |@@@ | | }}