100121

སྤུ་དེ་གུང་རྒྱལ་ (1)

Part of speech

མིང་ཚིག

Definition

ཕྱི་ལོའི་སྔོན་གྱི་དུས་རབས་གཉིས་པར་ཡབ་རྒྱལ་པོ་གྲི་གུམ་བཙན་པོ་དང་། ཡུམ་ཀླུ་སྲིང་མེར་ལྕམ་གཉིས་ཀྱི་སྲས་སུ་སྐུ་འཁྲུངས། ལོ་ངམ་རྟ་རྫིས་ཡབ་རྒྱལ་པོ་བཀྲོངས་རྗེས་སྤོ་བོའི་ཡུལ་དུ་བྲོས། ཡུལ་དེའི་རྗེ་བོ་མཛད་ནས་བཞུགས། བློན་པོ་རུ་ལས་སྐྱེས་ཀྱིས་ཡར་ལུང་དུ་གདན་དྲངས། རྒྱལ་སར་ཡང་བཀོད། སྐུ་གཤེན་ནི་གཅོའུ་གཉའ་བཞེད་ཀྱིས་མཛད། བློན་པོ་ནི་རུ་ལས་སྐྱེས་ཀྱིས་མཛད། གསས་མཁར་ཁྲི་སྐོར་དང་། འཕྱིངས་པ་སྟག་རྩེ་བཞེངས། བཙུན་མོ་འོམ་ཐང་སྨན་མཚོ་ཁབ་ཏུ་བཞེས། རིགས་སྲས་ཨེ་ཤོ་ལེགས་འཁྲུངས། བང་སོ་ཡབ་ཀྱི་འགྲམ་དུ་བརྩིགས། ཞང་ཞུང་ནས་བོན་ལ་མཁས་པའི་གཤེན་པོ་དུ་མ་སྤྱན་དྲངས། བོན་གྱི་དཔེ་ཆ་ཡང་མང་དུ་བསྒྱུར། བོན་གྱི་བསྟན་པ་རྒྱས་པར་མཛད། བོད་ཀྱི་རྒྱལ་རབས་དགུ་པ་དང་། སྟོད་ཀྱི་སྟེངས་གཉིས་ཀྱི་ཡ་གྱལ་ཡིན། མཚན་གཞན། བྱ་ཁྲི་བཙན་པོ།

{{#arraymap:སྤུ་དེ་གུང་རྒྱལ་

|; |@@@ | | }}