10013

གཟུང་མེད་རྟོགས་པའི་རྣལ་འབྱོར་གྱི་ས་ (1)

Part of speech	མིང་ཚིག
Definition	མདོ། ཕར་ཕྱིན། མཚན་ཉིད། གཟུང་བ་རང་བཞིན་མེད་པ་ལ་གསལ་སྣང་ཐོབ་པའི་བྱང་སེམས་ཀྱི་དྲོད་རྩེ་གང་རུང་གིས་བསྡུས་པའི་མངོན་རྟོགས། ས་མཚམས། ཐེག་ཆེན་གྱི་དྲོད་རྩེ་གཉིས་སུ་བསྒོམ་པར་བྱ་བ་ཡིན་ཏེ། དེར་གཟུང་བ་རང་བཞིན་མེད་པ་ལ་གསལ་སྣང་ལྷག་པའི་ཕྱིར་རོ་ཞེས་ཀུན་མཁྱེན་གོ་རམས་པའི་ཡུམ་དོན་རབ་གསལ་ལས་སོ། ། གཟུང་མེད་རྟོགས་པའི་རྣལ་འབྱོར་གྱི་ས་ལ་གསུམ་ལས། དང་པོ་བསམ་བྱུང་གི་རིགས་པ་ནི། སྔོན་པོ་དང་དེ་འཛིན་པའི་བློ་དག་རྫས་གཞན་དུ་བདེན་པར་མེད་དེ། དམིགས་བྱེད་ཀྱི་བློ་གཅིག་གིས་ལྷན་ཅིག་དམིགས་པར་ངེས་པའི་ཕྱིར་རོ། །ཟླ་གཉིས་ཀྱི་རྣམ་པ་བཞིན། རྟགས་གྲུབ་སྟེ། སྔོན་པོ་མ་དམིགས་ན་སྔོ་འཛིན་མི་དམིགས་པའི་ཕྱིར་ཏེ། སྔོ་འཛིན་ནི་སྔོན་པོས་ཁྱད་པར་དུ་བྱས་པའི་ཕྱིར་རོ། །སྔོ་འཛིན་མ་དམིགས་ན་ཡང་སྔོན་པོ་མེད་དེ། ཤེས་བྱེད་མེད་པས་ཤེས་བྱ་མེད་པའི་ཕྱིར། གཉིས་པ་བསྒོམས་བྱུང་གི་རྣལ་འབྱོར་ནི། ཕུང་པོ་སོགས་ལ་དམིགས་ཏེ་དོན་དུ་སྣང་བ་འདི་ནི་སེམས་ཙམ་ཁོ་ན་ཡིན་གྱི། ཕྱི་རོལ་གྱི་དོན་ནི་མེད་དོ། །ཞེས་བྱ་བ་རྩེ་གཅིག་ཏུ་ཡིད་ལ་བྱེད་ཅིང་བསྒོམ་མོ། །གསུམ་པ་བསྒོམས་པའི་འབྲས་བུ་ནི། བསྒོམས་པའི་སྟོབས་གྲུབ་པ་ན་སྣང་བ་ཕྱི་རོལ་གྱི་དོན་དུ་མངོན་པར་ཞེན་པ་སྤངས་པའོ། །འཛིན་པ་ལ་ནི་སྒྲོ་འདོགས་མ་ཆོད་དེ། འཛིན་པའི་རྣམ་པ་ཅན་གྱི་སེམས་ལ་བདེན་པར་མངོན་པར་ཞེན་པ་ཡོངས་སུ་མ་བོར་བས་སོ་ཞེས་ཀུན་མཁྱེན་རོང་སྟོན་གྱི་རྣམ་བཤད་ཚིག་དོན་རབ་གསལ་ལས་སོ། །
Domain	ཆོས་ལུགས།

{{#arraymap:གཟུང་མེད་རྟོགས་པའི་རྣལ་འབྱོར་གྱི་ས་

|; |@@@ | | }}