100166

སྤུང་རི་དགོན་ (1)

Part of speech

མིང་ཚིག

Definition

གནས་ཡུལ་དང་འབྲེལ་ནས་མིང་བཏགས་པ་ཞིག་ཡིན། དེའི་སྒྲ་བཤད་ནི་སྐྱེས་བུའི་རྩོལ་བས་ཆེད་དུ་སྤུང་པ་ལྟ་བུ་ངོས་གཟར་ལ་དཔངས་མཐོ་བ་རི་བོ་གཞན་ལས་འབུར་དུ་ཐོན་པ་དང་། སྐྱེ་བོ་ཕལ་གྱི་བགྲོད་ལམ་དང་བྲལ་བས་ན་དེ་ལྟར་བརྗོད། སྤུང་རི་དགོན་འདི་འདེབས་པ་པོ་ནི་ཀརྨ་སྐུ་ཕྲེང་གཉིས་པ་ཀརྨ་པཀྵི་པས་རབ་བྱུང་བཞི་པའི་དཀྱིལ་དུ་བཏབ། ཀརྨ་པ་སྐུ་ཕྲེང་བདུན་པ་ཆོས་གྲགས་རྒྱ་མཚོའི་བར་དུ་ཀརྨ་པ་སྐུ་ཕྲེང་རིམ་བྱོན་གྱིས་བསྐྱངས། ལྷག་པར་དུ་རབ་བྱུང་ལྔ་པའི་ཆུ་ཡོས་ལོར་ཀརྨ་པ་སྐུ་ཕྲེང་གསུམ་པ་རང་བྱུང་རྡོ་རྗེ་རོང་བཙན་ཁ་བ་དཀར་པོ་དང་ཀམ་པོ་གནས་ནང་དུ་ཕེབས་སྐབས་གནས་འདིར་ཞབས་ཀྱིས་བཅགས། ཕྱིས་སུ་མཆོད་ཡོན་མཉམ་བསྒྲིལ་གྱིས་སྔར་གྱི་ཕོ་བྲང་གི་ཤུལ་ལ་འདུ་ཁང་རྟེན་དང་བརྟེན་པ་གསར་བཞེངས་བྱས། དབྱར་གནས་དང་སྒྲུབ་མཆོད་མང་དུ་ཡོད།

{{#arraymap:སྤུང་རི་དགོན་

|; |@@@ | | }}