10022

གཟུང་ཡུལ་ (1)

Part of speech	མིང་ཚིག
Definition	གཟུང་ཡུལ་གྱི་མཚན་ཉིད་ནི། རང་འཛིན་གྱི་ཤེས་པ་མ་འཁྲུལ་བ་ལ་རང་འདྲའི་རྣམ་པ་གཏོད་བྱེད་དོ། །མཚན་གཞི། སྤྱིར་རང་མཚན་དང་། ཁྱད་པར་ཕྱི་རོལ་གྱི་དོན་ལྔ་པོ་ཁོ་ན་ཡིན་ནོ། །གཟུང་ཡུལ་གྱི་མཚན་ཉིད་དུ་བཞག་པ་འདི་མ་དཔྱད་པའི་རྣམ་པར་བཞག་པའམ་གཟུང་འཛིན་གྲངས་མཉམ་དུ་སྨྲ་བའི་མདོ་སྡེ་པའི་གྲུབ་མཐའ་ཁོ་ནའི་དབང་དུ་བྱས་པ་ཡིན་ཏེ། འདིར་དོན་དེ་དང་འདྲ་བ་ཁོ་ན་ལ་དོན་དེ་གཟུང་ཡུལ་དུ་བྱས་པར་བཞག་དགོས་པ་གང་ཞིག དཔྱད་པའི་ཚེ་སྣ་ཚོགས་གཉིས་མེད་དུ་སྨྲ་བའི་མདོ་སྡེ་པའི་གྲུབ་མཐའ་ལ་དེ་ལྟར་བཞག་མི་ནུས་ཕྱིར། དཔེར་ན་བུའི་གཟུགས་དེ་ཕའི་གཟུགས་དང་འདྲ་བར་སྐྱེས་པ་ལ་དེ་འཛིན་ཞེས་བརྗོད་པ་བཞིན་ནོ། །ཞེས་པཎ་ཆེན་ཤཱཀ་མཆོག་གི་རྟོག་གེ་འཁྲུལ་འཇོམས་ལས་སོ། །ཀུན་མཁྱེན་གོ་རམས་པའི་རིགས་གཏེར་གསལ་བྱེད་ལས། གཟུང་ཡུལ་གྱི་མཚན་ཉིད་ནི། རང་འཛིན་མངོན་སུམ་ལ་རང་འདྲའི་རྣམ་པ་དངོས་སུ་གཏོད་བྱེད་ཀྱི་ཕྱི་དོན་ནོ། །དབྱེ་བ་ནི། ཡུལ་ཅན་གྱི་སྒོ་ནས་དབང་པོའི་མངོན་སུམ་གྱི་གཟུང་ཡུལ་དང་། ཡིད་ཀྱི་མངོན་སུམ་གྱི་གཟུང་ཡུལ་གཉིས། ཡུལ་གྱི་སྒོ་ནས་གཟུགས་སྒྲ་དྲི་རོ་རེག་བྱ་ལྔའོ། །ཞེས་སོ། །མཁན་ཆེན་ངག་ཆོས་ཀྱི་ལེགས་བཤད་དཔལ་སྟེེར་ལས། གཟུང་ཡུལ་གྱི་མཚན་ཉིད་ནི། རང་འཛིན་ཚུར་མཐོང་གི་བརྒྱུད་ཀྱི་དོན་རིག་མངོན་སུམ་ལ་རང་འདྲའི་རྣམ་པ་དངོས་སུ་གཏོད་བྱེད་ཀྱི་ཕྱི་དོན། གཟུང་ཡུལ་དང་། གཟུང་དོན་དང་། རང་འཛིན་ཚུར་མཐོང་གི་བརྒྱུད་ཀྱི་དོན་རིག་མངོན་སུམ་གྱི་དམིགས་རྐྱེན་དང། ཚུར་མཐོང་གི་བརྒྱུད་ཀྱི་མངོན་སུམ་གྱི་ཡུལ་དུ་གྱུར་པའི་ཕྱི་དོན་དང་། དེའི་གཞལ་བྱར་གྱུར་པའི་ཕྱི་དོན་དང། ཕྱི་དོན་ཡུལ་གྱི་རྡུལ་ཕྲན་ཁྱད་པར་ཅན་རྣམས་དོན་གཅིག་མིང་གི་རྣམ་གྲངས་ཡིན་ནོ། །འོན་ཀྱང་གཟུགས་ཡིན་ན། གཟུང་ཡུལ་ཡིན་པས་མ་ཁྱབ་ཏེ། གཟུགས་ཀྱི་ཆུང་མཐར་གྱུར་པའི་རྫས་རྡུལ་ཕྲ་རབ་ཀྱིས་མ་ངེས་པའི་ཕྱིར་རོ། །ཞེས་སོ། །
Domain	ཚད་མ།

{{#arraymap:གཟུང་ཡུལ་

|; |@@@ | | }}

གཟུང་ཡུལ་ (2)

Part of speech	མིང་ཚིག
Definition	འཛིན་བྱེད་ཀྱི་བློས་གཟུང་བར་བྱ་བའི་ཡུལ་ཏེ། བློ་ངོར་སྣང་བའི་ཆོས་བུམ་པ་དང༌། བུམ་པའི་དོན་སྤྱི་ལྟ་བུའོ། །

{{#arraymap:གཟུང་ཡུལ་

|; |@@@ | | }}