100236

སྤེན་པ་སུམ་འདོམ་ (1)

Part of speech	མིང་ཚིག
Definition	གཟའ་བཞིའི་ཀླུང་རྩིས་ལས་གཟའ་སུམ་འདོམ་གྱི་ནང་གསེས་ཤིག་སྟེ། དེ་ནི་བརྩི་བྱ་དག་གི་དཀྱུས་མ་ལོའི་དབང་ཁམས་ལ་སྦྱར་བའི་ཕྱི་གཟའ་དང་། ལོ་འགྲོས་རྐྱང་བར་སྦྱར་བའི་བར་གཟའ། སྐྱེས་སྤར་ལ་སྦྱར་བའི་ནང་གཟའ་བཅས་གསུམ་པོ་བཏགས་གཟའ་སྤེན་པ་ཡིན་པ་ལ་ཟེར་ཞིང་། བརྩི་ཚུལ་གཞན་ལྟར་ན་ཕྱི་གཟའི་ཚབ་ཏུ་གཟའ་བཞིའི་ཀླུང་རྩིས་མ་ལ་གཙོ་ཆེར་བརྩི་བས་མའི་རང་ལོའི་བར་གཟའ་བའམ། ཡང་ན་ཕའི་རང་ལོའི་བར་གཟའ་སྤེན་པ་ཡིན་ཡང་རུང་བ་ཡིན། བརྩི་བྱ་དེ་རིགས་ཕ་ཁུ་གོང་མ་དང་ནོར་ལ་ངན། བུ་ཚ་ལྷག་ཆད་ཅན་འོང་། འཁོར་དགྲ་རུ་ལྡང་། ཚེ་ཚད་འབྲིང་། ཞང་ལ་གྲི་འཁོར། བྱེ་བྲལ་འོང་། བུ་ཚ་ཟུང་གིས་འདུར། སྙིང་མི་དགའ། ལྷ་རུ་དགྲ་ལྷ་ཡུལ་ལྷ་འགོ། གཟའ་འདི་རང་ལ་ཁྱིམ་མི་དབུབ། ཞིང་ས་ནས་ས་བདག་དང་དམ་སྲི་གནོད། གཟེར་ནད་ཁྲག་ནད་གློ་བུར་ནད་བཅས་ལ་འབྱུང་བར་འགྱུར་བས། བཅོས་སུ་ནུབ་ཏུ་དོང་གྲུ་གསུམ་བྲུ། ར་ཐོད་གཅིག་དང་། ངར་གླུད་གསུམ། མི་ཤ་གསུམ། ཟན་ཆངས་གསུམ། འཇིམ་པའི་ངར་མི་གསུམ། བོང་བུའི་གློའམ་ཕྱག་མ་གསུམ་བཅས་ཤར་ཕྱོགས་སུ་གནོད་དགོས་ལ། དྭ་ཟིན་གཉིས་ཀྱི་རྩ་གཏོ་ཡང་བྱ་དགོས། གལ་སྲིད་བརྩི་བྱའི་ལོ་ཁམས་ས་སྟག་ཡིན་པར་ཆ་བཞག་ན། དབང་ཐང་ས་དང་ལོ་འགྲོས་སྟག་ལ་སྦྱར་བའི་ཕྱི་བར་གྱི་གཟའ་གཉིས་སྤེན་པ་ཡིན་ལ། དེའི་ཁར་བརྩི་བྱ་དེ་ཕོ་ཡིན་ན་སྐྱེས་སྤར་ཁམ་མམ་ལི་དང་། མོ་ཡིན་ན་སྐྱེས་སྤར་ཟིན་ནམ་དྭ་ཡིན་ན། དེར་སྦྱར་བའི་ནང་གཟའ་ཡང་སྤེན་པ་ཡིན་པས་སྤེན་པ་གསུམ་འདོམ་པ་ལྟ་བུ་ཡིན།
Domain	རྩིས་རིག

{{#arraymap:སྤེན་པ་སུམ་འདོམ་

|; |@@@ | | }}