100244

སྤེན་མ་ (1)

Part of speech

མིང་ཚིག

Definition

ལོ་མང་སྐྱེ་བའི་ཤིང་ཕྲན་རིགས་ཀྱི་སྐྱེ་དངོས་ཤིག་སྟེ། སྡོང་པོ་ཕྲ་ལ་དྲང་བ་ཕྱི་པགས་དམར་པོ་སྲབ་པོས་བཏུམ་པའི་ནང་དཀར་པོ་ཡིན་པ་ཁ་ཤས་མཉམ་དུ་སྐྱེ་བར་ཡལ་ག་གྱེས་པ་དང༌། ལོ་མ་སྔོན་པོ་ཆུང་ཞིང་མཐུག་པར་སྤུ་དཀར་འཇམ་པོས་ཁྱབ་པའི་མཐར་ཉག་ག་ཡོད་ཅིང་ངར་པ་ཐུང་བ་རེས་མོས་སུ་སྐྱེ་བ། མེ་ཏོག་དཀར་པོའམ་ཡང་ན་སེར་པོ་འདབ་མ་ལྔ་ཡིས་བརྒྱན་པ་དྭངས་ཤིང་མཚར་བ་ཆེ་ཆུང་སོགས་གྲོ་ལོ་ས་འཛིན་གྱི་མེ་ཏོག་འདྲ་བ་འཆར་བ་སྟེ། འདི་ལ་དཀར་ནག་དབྱེ་སྲོལ་ཡང་འདུག་སྟེ་མེ་ཏོག་དཀར་པོ་འཆར་བ་སྤེན་དཀར་དང་མེ་ཏོག་སེར་པོ་འཆར་བར་སྤེན་ནག་ཅེས་འབོད་པ་ལས་གཞན་མཚུངས་པ་ཡིན། བོད་ཀྱི་ས་ཁུལ་ཚང་མའི་རི་ལྡེབས་དང༌། སྤང་གཤོངས། ཆུ་འགྲམ། ནགས་གསེབ་སོགས་ཀྱི་ཉིན་སྲིབ་གང་རུང་དུ་རང་བཞིན་དུ་སྐྱེ་བ། བོད་ཟླ་ལྔ་པའི་ནང་མེ་ཏོག་བཞད་སྐབས་མེ་ཏོག་ཁོ་ན་བཏུས་ཏེ་གྲིབ་སྐམ་གཏོང་རྒྱུ་དང༌། བོད་ཟླ་དྲུག་པའི་ནང་ལོ་མ་དང་ཡལ་ཕྲན་བཏུས་ཏེ་གཙང་མ་བཀྲུས་རྗེས་དུམ་བུར་གཏུབས་ནས་སྐམ་གསེད་བྱས་རྗེས་ལག་ལེན་གོང་སྦུབས་བསྲེག་བྱས་ནས་སྨན་དུ་སྤྱོད་རྒྱུ། མེ་ཏོག་རོ་བསྐ་ལ་མངར་བ། ཡལ་ག་རོ་ཁ་བ། ནུས་པ་སྙོམས་པས་སོ་རྩི་བྱས་པས་སོ་བརྟན་པར་བྱེད་པ་དང༌། མ་ཞུ་བའི་ནད་དང་གློ་བའི་ནད་སེལ། ནུས་བསྲེག་གིས་ཆུ་སེར་སྐེམ་པར་བྱེད་དོ། །

{{#arraymap:སྤེན་མ་

|; |@@@ | | }}