100475

སྤྱན་ (1)

Part of speech	མིང་ཚིག
Definition	མིག
Example	ཁོང་གིས་ང་ལ་སྤྱན་གྱིས་གཟིགས་བྱུང། བླ་མའི་སྤྱན་ལྟ་བུ།
Type	ཞེ་ས།

སྤྱན་ (2)

Part of speech	མིང་ཚིག
Definition	མདོ། ཕར་ཕྱིན། རང་གི་བདག་རྐྱེན་དུ་གྱུར་པའི་དངོས་གཞིའི་སེམས་ལ་བརྟེན་ནས་རང་ཡུལ་མངོན་སུམ་དུ་མཐོང་བས་རབ་ཏུ་ཕྱེ་བའི་མཁྱེན་པའོ། །དེ་ལ་དབྱེ་ན། ཤའི་སྤྱན། རྣམ་པར་སྨིན་པ་ལས་བྱུང་བའི་ལྷའི་སྤྱན། ཤེས་རབ་ཀྱི་སྤྱན། ཆོས་ཀྱི་སྤྱན། སངས་རྒྱས་ཀྱི་སྤྱན་དང་ལྔ། ས་མཚམས། དང་པོ་ཚོགས་ལམ། གཉིས་པ་སྦྱོར་ལམ། གསུམ་པ་མཐོང་ལམ་མཉམ་བཞག །བཞི་པ་མཐོང་ལམ་རྗེས་ཐོབ། ལྔ་པ་ས་བརྒྱད་པ་ནས་རྗེས་མཐུན་པ་ཡོད་ལ། མཚན་ཉིད་པ་སངས་རྒྱས་ཀྱི་ས་ཁོ་ན་ན་ཡོད་དོ། །
Domain	ཆོས་ལུགས།

སྤྱན་ (3)

Part of speech

མིང་ཚིག

Definition

རང་གི་ཐུན་མོང་མ་ཡིན་པའི་བདག་རྐྱེན་དུ་གྱུར་པའི་རྫུ་འཕྲུལ་གྱི་རྐང་པའི་ཏིང་ངེ་འཛིན་ལས་བྱུང་ཞིང༌། ཐ་མལ་པའི་དབང་པོའི་མངོན་སུམ་གྱི་ཡུལ་ལས་འདས་པའི་རང་ཡུལ་མངོན་སུམ་གྱིས་རྟོགས་པའི་རིག་པར་དམིགས་པ། དེ་ལ་དབྱེ་ན། ཤའི་སྤྱན། རྣམ་པར་སྨིན་པ་ལས་བྱུང་བའི་ལྷའི་སྤྱན། ཤེས་རབ་ཀྱི་སྤྱན། ཆོས་ཀྱི་སྤྱན། སངས་རྒྱས་ཀྱི་སྤྱན་དང་ལྔ། སྤྱན་ལྔ་དང་ལྡན་པའི་སྟོབས་ཀྱིས་སྒྲུབ་པ་རང་དབང་དུ་འཇུག་ཚུལ། ལྔ་པོ་དེ་ལ་སྒྲུབ་པ་ལ་རང་དབང་དུ་འཇུག་པའི་རྒྱུ་ཞེས་བརྗོད་པའི་རྒྱུ་མཚན་ཡོད་དེ། ལྔ་པོ་དེ་དང་ལྡན་པའི་སྟོབས་ཀྱིས་གཞན་གྱིས་བསྐུལ་མི་དགོས་པར་སྒྲུབ་པ་ལ་རང་དབང་དུ་འཇུག་པར་འགྱུར་བའི་ཕྱིར། དེ་ཡང་ཡིན་ཏེ། དང་པོ་དེ་དང་ལྡན་པའི་སྟོབས་ཀྱིས་རང་ཉིད་ལ་ཆོས་སྟོན་པའི་དགེ་བའི་བཤེས་གཉེན་དང༌། རང་གི་གདུལ་བྱ་གང་ན་གནས་པ་སོགས་ཤེས་པའི་སྒོ་ནས་གདུལ་བྱའི་དོན་སྒྲུབ་པ་ལ་འཇུག་ཅིང༌། གཉིས་པ་དེ་དང་ལྡན་པའི་སྟོབས་ཀྱིས་རང་གི་གདུལ་བྱ་གང་ནས་ཤི་འཕོས་གང་དུ་སྐྱེ་བ་སོགས་ཤེས་པའི་སྒོ་ནས་དང༌། གསུམ་པ་དེ་དང་ལྡན་པའི་སྒོ་ནས་བསྟན་བྱའི་དོན་བདག་མེད་ཕྲ་རགས་ཅི་རིགས་པ་མངོན་སུམ་གྱིས་རྟོགས་པའི་སྒོ་ནས་དང༌། བཞི་པ་དེ་དང་ལྡན་པའི་སྟོབས་ཀྱིས་རང་དང་རྒྱུད་ཚོད་མཉམ་པ་མན་ཆད་ཀྱི་འཕགས་པའི་གང་ཟག་ཐམས་ཅད་ཀྱི་དབང་པོའི་རིམ་པ་མངོན་སུམ་གྱིས་ཤེས་པའི་སྒོ་ནས་གདུལ་བྱའི་དོན་སྒྲུབ་པ་ལ་འཇུག་པར་བྱེད་ཅིང༌། དེ་དག་གི་སྟོབས་ཀྱིས་ལྔ་པ་དེ་རང་རྒྱུད་ལ་ཐོབ་པར་འགྱུར་བའི་ཕྱིར་རོ།།