100591

སྤྱི་ཏི་ཡོ་གའི་བཅོམ་ལྡན་འདས་ (1)

Part of speech	མིང་ཚིག
Definition	སྔགས། རྫོགས་ཆེན། རྙིང་མ། ཉི་ཟླ་འབར་བའི་སྒྲོན་མ་ལས། སྤྱི་ཏི་ཡོ་གའི་བཅོམ་ལྡན་འདས་ལ་གསུམ་སྟེ། སྣང་གྲགས་ཀྱི་ཆོས་ཐམས་ཅད་རང་གྲོལ་རང་སྣང་ཆེན་པོར་བཅོམ། གསལ་དག་ཆེན་པོ་དང་ལྡན། དགག་སྒྲུབ་གཉིས་ལས་འདས་པའོ། །ཡང་ན། རང་བཞིན་སྐྱེ་བ་མེད་པར་བཅོམ། ངོ་བོ་འོད་གསལ་ཀ་དག་ཆེན་པོ་དང་ལྡན། དངོས་མེད་དབྱིངས་སུ་འདས་སོ། ། ཡང་ན། འཁྲུལ་སྣང་ཐམས་ཅད་འོད་གསལ་བུས་བཅོམ། སྟོང་པ་ཀུན་འབྱུང་གིས་སྙིང་པོ་མའི་ཀློང་དུ་ལྡན། གཞི་དང་འཁྲུལ་པ་ལས་འདས་སོ། །ཡང་ན། ཀ་དག་མའི་ཀློང་དུ་བཅོམ། འོད་གསལ་བུའི་ངང་དུ་ལྡན། མ་བུ་དབྱེར་མེད་ངང་དུ་འདས་སོ། །ཡང་ན། འཁྲུལ་པའི་རྒྱུ་རིག་སྟོང་ཀ་དག་ཏུ་བཅོམ། དབྱེ་བ་མེད་པའི་ཡེ་ཤེས་ལྷུན་གྲུབ་ཆེན་པོར་ལྡན། བློ་བྱེད་པ་པོ་དམིགས་པའི་སྤྱོད་ཡུལ་ལས་འདས་སོ། །དེ་རྣམས་ལ་དེ་བཞིན་གཤེགས་པ་བཅོམ་ལྡན་འདས་ཞེས་གསུངས་སོ། །ཞེས་སོ། །
Domain	[ཆོས་ལུགས།, ལྟ་གྲུབ།]

{{#arraymap:སྤྱི་ཏི་ཡོ་གའི་བཅོམ་ལྡན་འདས་

|; |@@@ | | }}