100647

སྤྱི་བྱེ་བྲག་གི་དགག་སྒྲུབ་ (1)

Part of speech	མིང་ཚིག
Definition	ས་སྐྱ། རྟོག་པ་ངོ་བོས་འཁྲུལ་པའི་གཞན་སེལ་གྱི་སྤྱི་དང་བྱེ་བྲག་ལ་དོན་གྱི་སྤྱི་དང་བྱེ་བྲག་ཏུ་འཁྲུལ་ནས་བྱེ་བྲག་གྲུབ་པས་སྤྱི་འགྲུབ་པ་དང་སྤྱི་ཁེགས་པས་བྱེ་བྲག་ཁེགས་པའི་རྣམ་གཞག་བྱེད་དོ། །ཞེས་འཇམ་མགོན་ས་པཎ་གྱི་རིགས་གཏེར་རང་འགྲེལ་ལས་སོ། ། བསྒྲུབ་བྱ་སྒྲུབ་པ་ལ་རང་མཚན་དུ་འཁྲུལ་པ་དགོས་ལ། དགག་བྱ་འགོག་པ་ལ་དེ་དགོས་པའི་ངེས་པ་མེད་དེ། མེད་པར་དགག་པ་ཙམ་བསྒྲུབ་བྱའི་ཆོས་སུ་བྱས་པ་ལ་དེ་དགོས་ན་མེད་དགག་ཏུ་ཐལ་བའི་ཕྱིར། དེ་ཡང་འདི་ལྟར་གཉིས་ལས། དང་པོ་སྒྲུབ་རྟགས་ཀྱིས་བསྒྲུབ་བྱ་བསྒྲུབ་པའི་ཚུལ་ནི། སྒྲ་མི་རྟག་སྒྲུབ་ལ་བྱས་པ་རྟགས་སུ་བཀོད་པའི་ཚེ་རློམ་ཚོད་དང་སོང་ཚོད་སོ་སོར་མ་ཕྱེ་བར། དེ་དེ་སྒྲུབ་ཀྱི་རྟགས་ཡང་དག་ཏུ་ཁས་ལེན་དགོས་པ་ཡིན་ཏེ། གཞན་དུ་ན་དེ་སྒྲུབ་ཀྱི་རྟགས་ཡང་དག་མི་སྲིད་པར་ཐལ་བའི་ཕྱིར། དེ་ཡང་ཇི་ལྟར་ཞེ་ན་རློམ་ཚོད་ཀྱི་བྱས་པ་རང་མཚན་དེ་ཡང་དེ་སྒྲུབ་ཀྱི་གཏན་ཚིགས་ཡང་དག་ཏུ་མི་རུང་། སོང་ཚོད་ཀྱི་བྱས་པ་དེ་ཡང་དེ་སྒྲུབ་ཀྱི་གཏན་ཚིགས་ཡང་དག་ཏུ་མི་རུང་བའི་ཕྱིར་དང་། རློམ་ཚོད་ཀྱི་སྒྲ་རང་མཚན་དང་། སོང་ཚོད་ཀྱི་སྒྲའི་གཞན་སེལ་གཉིས་ཀ་ཡང། དེ་སྒྲུབ་ཀྱི་ཤེས་འདོད་ཆོས་ཅན་དུ་མི་རུང་བའི་ཕྱིར་རོ། །གཉིས་པ་དགག་བྱ་འགོག་པའི་ཚུལ་ལ། ནམ་མཁའ་དངོས་མེད་དུ་སྒྲུབ་པ་ལ་དོན་བྱེད་ནུས་སྟོང་རྟགས་སུ་བཀོད་པའི་ཚེ། རློམ་སོང་སོ་སོར་མི་འབྱེད་མོད། སོ་སོར་ཕྱེ་བ་དེའི་ཚེ་ན་ཡང་རློམ་ཚོད་ཀྱང་གཞན་སེལ་ཁོ་ན་ཡིན་ཏེ། གསུམ་ཀ་དོན་ལ་གནས་ཚོད་ཀྱང་མེད་དགག་ཁོ་ན་ལས་གཞན་མེད་པའི་ཕྱིར། དེའི་ཕྱིར་དེ་ལྟ་བུའི་དེའི་ཚེ། དོན་སྤྱི་ལ་རང་མཚན་དུ་འཁྲུལ་ནས་དགག་བྱ་འགོག་དགོས་པ་མེད་དོ། །ཞེས་པཎ་ཆེན་ཤཱཀ་མཆོག་གྱི་རྟོག་གེ་འཁྲུལ་འཇོམས་ལས་སོ། ། ཁྱད་པར་གསུམ་ལྡན་གྱི་ཤིང་འཛིན་རྟོག་པའི་ངོར་ཤིང་མ་ཡིན་ལས་ལོག་པར་སྣང་བའི་གཞན་སེལ་ནི་སྤྱི་ཡིན་ཞིང་། དེ་ཉིད་ཤིང་གསལ་རྣམས་ལ་དོན་དམ་པར་མ་གྲུབ་ཀྱང་གཞན་སེལ་ཕྱིན་ཅི་ལོག་པའི་བློ་ངོར་གྲུབ་པས་དེ་ལྟ་བུའི་སྤྱི་ཁེགས་ན་བྱེ་བྲག་ཁེགས་པ་དང་། བྱེ་བྲག་གྲུབ་ན་སྤྱི་གྲུབ་པས་དགག་སྒྲུབ་བྱེད་པ་ཡིན་ནོ། །ཞེས་ཀུན་མཁྱེན་གོ་རམས་པའི་རིགས་གཏེར་གསལ་བྱེད་ལས་སོ། །
Domain	ཚད་མ།