100660

སྤྱི་མཚན་དངོས་མེད་དུ་སྒྲུབ་པའི་རིགས་པ་གཉིས་པ་ (1)

Part of speech	མིང་ཚིག
Definition	སྤྱི་མཚན་དངོས་མེད་དུ་སྒྲུབ་པའི་རིགས་པ་གཉིས་པ་ནི། རྟོག་པའི་གཟུང་ཡུལ་དང་བརྗོད་བྱེད་ཀྱི་སྒྲ་དེའི་དངོས་ཀྱི་བརྗོད་བྱ་དོན་སྤྱི་དེ་དོན་དམ་པར་རང་བཞིན་གྱིས་གྲུབ་པ་དགག་པའི་རིགས་པ་ཞིག་སྟེ། རིགས་སུ་བཏགས་པའི་རྟོག་པའི་བཟུང་ཡུལ་ལམ་དོན་སྤྱི་དེ་ཆོས་ཅན། ཁྱོད་ལ་རང་མཚན་གྱི་ངོ་བོ་ཅུང་ཟད་ཀྱང་མེད་དེ། རང་གི་གསལ་བ་དང་རྫས་གཅིག་དང་ཐ་དད་གང་དུ་ཡང་མེད་པའི་ཕྱིར་ཞེས་པ་ལྟ་བུའི་རིགས་པ་སྟེ། དེ་ལྟར་ཡང་རྒྱལ་ཚབ་དར་མ་རིན་ཆེན་གྱིས་མཛད་པའི་རྣམ་འགྲེལ་ཐར་ལམ་གསལ་བྱེད་ལས། སྤྱི་དེ་ཆོས་ཅན། གསལ་བ་དང་འབྲེལ་མེད་དུ་ཐལ། དེ་ལ་བལྟོས་མེད་གྱི་རྫས་གཞན་ཉིད་ཡིན་པའི་ཕྱིར། དེ་ཆོས་ཅན། རང་བཞིན་མེད་པར་གྲུབ་སྟེ། གསལ་བ་རང་མཚན་དང་རྫས་གཅིག་དང་ཐ་དད་གང་དུ་ཡང་མ་གྲུབ་པ་དེའི་ཕྱིར། ཞེས་གསུངས།
Domain	ཚད་མ།