100663

སྤྱི་མཚན་དངོས་མེད་དུ་སྒྲུབ་པའི་རིགས་པ་དྲུག་པ་ (1)

Part of speech	མིང་ཚིག
Definition	སྤྱི་མཚན་དངོས་མེད་དུ་སྒྲུབ་པའི་རིགས་པ་དྲུག་པ་ནི། རང་ཡུལ་སྣང་བ་བརྡ་ལ་ལྟོས་པའི་རྟགས་ཀྱིས་རང་ཡུལ་གྱི་དོན་སྤྱི་དང་འདྲེས་ནས་སྣང་བའི་བློ་དེའི་སྣང་བ་རྫས་སུ་གྲུབ་པ་དགག་པའི་རིགས་པ་ཞིག་སྟེ། རིགས་པ་ནི། སྤྱི་བློ་ཆོས་ཅན། ཁྱོད་ལ་རང་ཡུལ་སྣང་བ་རྫས་སུ་མ་གྲུབ་སྟེ། ཁྱོད་ཀྱི་ཡུལ་བརྡ་ལ་ལྟོས་པ་མེད་པར་སྣང་བ་དེ་འདྲ་མ་ཡིན་པར་བརྡ་ལ་བལྟོས་ནས་སྣང་བ་ཡིན་པའི་ཕྱིར་ཞེས་པ་ལྟ་བུའི་རིགས་པ་སྟེ། དེ་ལྟར་ཡང་རྒྱལ་ཚབ་དར་མ་རིན་ཆེན་གྱིས་མཛད་པའི་རྣམ་འགྲེལ་ཐར་ལམ་གསལ་བྱེད་ལས། སྤྱི་ཡི་བློ་ཆོས་ཅན། ཁྱོད་ལ་རང་ཡུལ་སྣང་བ་རྫས་སུ་གྲུབ་པ་མ་ཡིན་ཏེ། ཁྱོད་ཀྱི་ཡུལ་བརྡ་ལ་བལྟོས་པ་མེད་པ་དེ་ལྟར་སྣང་བ་མེད་པར་བརྡ་ལ་བལྟོས་པའི་ཕྱིར། ཁྱབ་པར་ཐལ། བཟུང་དོན་གྱི་དངོས་པོའི་སྟོབས་ཀྱི་སྐྱེས་པའི་ཤེས་པ་གང་ཡིན་པ་དེ་སྐྱེ་བ་རང་གི་ཡུལ་གྱི་བརྡ་དྲན་པ་དག་ལ་བལྟོས་པ་མ་ཡིན་པའི་ཕྱིར། ཞེས་གསུངས།
Domain	ཚད་མ།