100664

སྤྱི་མཚན་དངོས་མེད་དུ་སྒྲུབ་པའི་རིགས་པ་བདུན་པ་ (1)

Part of speech	མིང་ཚིག
Definition	སྤྱི་མཚན་དངོས་མེད་དུ་སྒྲུབ་པའི་རིགས་པ་བདུན་པ་ནི། རང་འཛིན་ཤེས་པ་ལ་གསལ་བ་ལས་ཡན་གར་བར་མི་སྣང་བའི་རྟགས་ཀྱིས་གསལ་བ་ལས་དོན་གཞན་པའི་སྤྱི་ཡོད་པ་དགག་པའི་རིགས་པ་ཞིག་སྟེ། རིགས་པ་ནི། ཤེས་བྱ་ཆོས་ཅན། གསལ་བ་ལས་དོན་གཞན་པའི་སྤྱི་མེད་དེ། ཡོད་ན་རང་འཛིན་ཤེས་པ་ལ་ལྟོས་མེད་ཡན་གར་བར་སྣང་དགོས་པ་ལ། རྣམ་པ་འགའི་སྒོ་ནས་ཀྱང་རང་འཛིན་རྣམ་ཤེས་ལ་དེ་འདྲའི་ངོ་བོར་སྣང་བ་མེད་པའི་ཕྱིར་ཞེས་པ་ལྟ་བུའི་རིགས་པ་སྟེ། དེ་ལྟར་ཡང་རྒྱལ་ཚབ་དར་མ་རིན་ཆེན་གྱིས་མཛད་པའི་རྣམ་འགྲེལ་ཐར་ལམ་གསལ་བྱེད་ལས། སྤྱི་དོན་གཞན་མེད་དེ། ཡོད་ན་རང་འཛིན་ཤེས་པ་ལ་ལྟོས་མེད་ཡན་གར་བར་སྣང་དགོས་པ་ལ། རྣམ་པ་འགའི་སྒོ་ནས་ཀྱང། རང་འཛིན་རྣམ་ཤེས་ལ་དེ་འདྲའི་དངོས་བོར་སྣང་བ་མེད་པའི་ཕྱིར། ཞེས་གསུངས།
Domain	ཚད་མ།