101314
< Dictionaries | Monlam Grand
Jump to navigation
Jump to search
| Part of speech | མིང་ཚིག |
|---|---|
| Definition | མདོ། ཕར་ཕྱིན། སྤྱིར་ཤེར་ཕྱིན་གྱི་མདོ་ལས་ཐེག་པ་གསུམ་ཀའི་ལམ་བསྟན་ཏེ། ཉན་ཐོས་ཀྱི་ས་ལ་བསླབ་པར་འདོད་པས་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་ཉིད་ལ་བསླབ་པར་བྱའོ་ཞེས་སོགས་རྒྱས་པར་གསུངས་ཤིང་། མཐར་དེ་ཅིའི་ཕྱིར་ཞེ་ན། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལས་ནི་ཐེག་པ་གསུམ་པོ་རྒྱ་ཆེར་སྟོན་ནོ་ཞེས་གསུངས་པས་སོ། །དེ་ལ་མངོན་རྟོགས་རྒྱན་གྱི་མཆོད་བརྗོད་ཀྱི་སྐབས་སུ་ནི་གླེང་གཞི་དང་མཐུན་པ་ཐེག་པ་གསུམ་ཆར་གྱི་ལམ་བསྟན་པར་བཞེད་ནས་མཁྱེན་གསུམ་གྱི་ཡོན་ཏན་བརྗོད་པ་ཡིན་ཞིང་། ལུས་ཀྱི་སྐབས་སུ་ནི་ཐེག་ཆེན་གྱི་ལམ་རིམ་ཁོ་ན་བསྟན་ཏེ། གཞན་གྱིས་མྱོང་བ་མ་ཡིན་ཏེ། །ཞེས་དང་། མངོན་རྟོགས་བརྒྱད་དང་དྲུག་གི་ལམ་རིམ་ནི་ཐེག་པ་གཞན་ལ་མེད་པའི་ཕྱིར་རོ། །རྟོགས་རིགས་ཀྱི་དབང་དུ་བྱས་ན་ལུས་ཀྱི་སྐབས་སུ་ཡང་ཐེག་པ་གསུམ་ཆར་གྱི་ལམ་བསྟན་པས་མངོན་པར་རྟོགས་པ་མཐའ་དག་བསྡུས་པར་འཕགས་སེང་གཉིས་ཀྱིས་གསུངས་པའི་དགོངས་པ་ཡང་འདི་ཉིད་ཡིན། ཞེས་དང་། སྔོན་གྱི་མཁས་པ་རྣམས་སྦས་དོན་མངོན་རྟོགས་ཀྱི་རིམ་པ་གཏན་ལ་འབེབས་པ་ཞེས་གསུངས་པ་ཡང་འདི་དང་གནད་གཅིག་ཅིང་། དོན་ལ་ཡང་གནས་ཏེ། དངོས་བརྒྱད་དོན་བདུན་ཅུ་ནང་ཚན་གྱི་དབྱེ་བ་དང་བཅས་པ་འདི་མདོའི་སྦས་དོན་ཡིན་པའི་ཕྱིར་རོ། །ཞེས་ཀུན་མཁྱེན་གོ་རམས་པའི་སྦས་དོན་ཟབ་མོ་ལས་སོ། ། |
| Domain | ཆོས་ལུགས། |
{{#arraymap:སྦས་དོན་མངོན་རྟོགས་ཀྱི་རིམ་པ་
|; |@@@ | | }}