101459

སྦོམ་པོ་ (1)

Part of speech	རྒྱན་ཚིག
Definition	དབྱིབས་ཟླུམ་པོའི་རིགས་ཀྱི་ཁོར་ཡུག་གི་ཚད་ཆེ་བ།
Keyword	True
Example	ལྕགས་སྐུད་སྦོམ་པོ། དཔུང་བ་སྦོམ་པོ། མཛུ་གུ་སྦོམ་པོ་ལྟ་བུ།
Antonyms	ཕྲ་མོ།

སྦོམ་པོ་ (1)

Part of speech	མིང་ཚིག
Definition	མདོ། འདུལ་བ། འདིར་འཆད་པའི་སྦོམ་པོ་ཡིན་ན་ཕམ་ལྷག་གང་རུང་གི་སྡེ་ཚན་དུ་གཏོགས་པའི་ཁྱབ་ཅིང་། དེའི་དངོས་གཞི་ཡིན་པ་འགལ་བ་གཞིར་བྱས་ནས་འཆད་པ་ལ། སྦོམ་པོའི་མིང་གི་ཕྱིར་བཅོས་བྱས་ན་དག་ཏུ་རུང་བའི་ལྟུང་བ་དེ། འདིར་བསྟན་སྦོམ་པོའི་མཚན་ཉིད། དེ་ལ་གཉིས་ཏེ། ཕམ་ལྷག་གང་རུང་གི་སྦྱོར་བར་གྱུར་པའི་སྦོམ་པོ་དང་། དེའི་སྡེ་ཚན་དུ་གཏོགས་ཀྱང་དེའི་སྦྱོར་བ་མ་ཡིན་པའི་སྦོམ་པོའོ། །ཞེས་པཎ་ཆེན་ཤཱཀྱ་མཆོག་གི་འདུལ་མདོའི་དཀའ་གནས་སྣང་བྱེད་ཉི་མའི་ཤིང་རྟ་ལས་སོ། ། སྡེ་ལྔ་གང་རུང་དུ་མ་གྱུར་པའི་དགེ་སློང་ཕ་མ་གང་རུང་གི་ལྟུང་བ་གང་ཞིག ཉེས་བྱས་ལས་ལྕི་བ་དེ་སྦོམ་པོའི་ལྟུང་བའི་མཚན་ཉིད་དོ། །མིང་དུ་ཆགས་པའི་སྦོམ་པོ་དང་སྦོམ་པོ་མཚན་ཉིད་པ་དོན་གཅིག སྒྲ་དོན་ནི་ཉེས་པ་ཆེ་བར་གྱུར་པས་ན་སྦོམ་པོ་ཞེས་བྱའོ། །གཉིས་པ་དབྱེ་བ་ལ། ཀུན་སློང་གི་ཉོན་མོངས་པ་ཆེ་འབྲིང་སོགས་ཀྱི་སྒོ་ནས་དང་། སྦྱོར་བ་དང་དངོས་གཞི་སོགས་ཀྱི་སྒོ་ནས་དབྱེ་བ་གཉིས། དང་པོ་ནི། ཕམ་པའི་སྐབས་དང་འབྲེལ་བ་ལ་ལྕི་ཡང་གཉིས། ལྷག་མའི་སྐབས་དང་འབྲེལ་པ་ལ་ཡང་ལྕི་ཡང་གཉིས་ཏེ་བཞིར་དབྱེ་བ་ལུང་འདུལ་བྱེད་ལས་བཤད་ཅེས་རོང་སྟོན་དམ་པས་གསུངས། བརྒྱད་དུ་དབྱེ་ན་ཕམ་པའི་སྐབས་དང་འབྲེལ་བའི་སྦོམ་པོ་ལ་ལྕི་བ། ཤིན་ཏུ་ལྕི་བ། ཡང་པ། ཤིན་ཏུ་ཡང་པ། ལྷག་མའི་སྐབས་དང་འབྲེལ་བ་ལ་ཡང་དེ་བཞིན་དུ་བཞི་སྟེ་བརྒྱད་དུ་ཡོད་དེ། ཚིག་ལེ་ལས། ལྕི་དང་ཤིན་ཏུ་ལྕི་བ་ཉིད། །ཡང་དང་ཤིན་ཏུ་ཡང་པ་སྟེ། །ཕས་ཕམ་པས་ནི་བསླབས་པ་ཡི། །སྦོམ་པོ་རྣམ་པ་བཞི་ཡིན་ནོ། །སྐྲག་པ་མི་བྱེད་ལྕི་བ་སྟེ། །གཞན་གྱི་དེ་ལ་འབད་པ་ཡིས། ཟློག་ཀྱང་མི་ཉན་རབ་ལྕིར་ཤེས། །གཞན་ལ་ཁྲེལ་ཡོད་ཡང་པ་སྟེ། །རང་ཉིད་ངོ་ཚས་ཤིན་ཏུ་ཡང་། །བསམ་པའི་དབྱེ་བས་འགྱུར་བ་ཡིན། །དེ་བཞིན་དགེ་འདུན་ལྷག་མ་ཡིས། །ཀུན་སློང་སྦོམ་པོ་རྣམ་པ་བཞི། །ཞེས་པཎ་ཆེན་ངག་ཆོས་ཀྱི་འདུལ་བའི་སྤྱི་དོན་ཐུབ་བསྟན་ཉིན་བྱེད་ལས་སོ། །
Domain	ཆོས་ལུགས།

སྦོམ་པོ་ (2)

Part of speech

མིང་ཚིག

Definition

ཕམ་ལྷག་གང་རུང་གི་ལྟུང་བ་རྣམ་བཞག་གིས་ཀུན་ནས་བསླངས་ཤིང་ཡན་ལག་གཅིག་ཙམ་མ་ཚང་བ་དེ་ལ་སྤོམ་པོ་ཟེར། སྤྱིར་སྦོམ་པོ་དེ་ལ་སྒྲས་བརྗོད་པ་གཉིས་ཡོད་དེ། མིང་དུ་ཆགས་པའི་སྦོམ་པོ། ཡོན་ཏན་སྒྲའི་སྦོམ་པོ་གཉིས་སུ་ཡོད་པའི་ཕྱིར། དེ་གཉིས་ཀྱང་ཡོད་དེ། དང་པོ་སྦོམ་པོ་མཚན་ཉིད་པ་ཡིན། གཉིས་པ་སྦོམ་པོ་བཏགས་པ་བ་དང་སྤྱི་བྱེ༌བྲག་ཡིན་པའི་ཕྱིར། ཕྱི་མ་གྲུབ་སྟེ། ཉེས་བྱས་མང་དུ་ཚོགས་པ་ཡོན་ཏན་སྒྲའི་སྦོམ་པོ་དང་། ཉེས་བྱས་མཐའ་དག་སྦོམ་པོ་བཏགས་པ་བ་ཡིན་པའི་ཕྱིར། ཞེས་གསུངས།