101708
< Dictionaries | Monlam Grand
Jump to navigation
Jump to search
Part of speech | མིང་ཚིག |
---|---|
Definition | སྔགས། རྣལ་འབྱོར་རྒྱུད། ལྷོ་སྒོས་སྡིག་སྦྱོང་ཇི་ལྟར་བྱ་བའི་ཚུལ་ནི། རྒྱུད་འགྲེལ་ལས། དཀྱིལ་འཁོར་གྱི་ནི་ལྷོ་ཕྱོགས་སུ། །ཇི་ལྟར་གསུངས་པའི་རིམ་པ་ཡིས། །པདྨ་དཀར་པོ་འདབ་བརྒྱད་སྟེང་། །འཁོར་ལོ་སྔོན་པོ་རྩིབས་བརྒྱད་བྲི། །དེ་སྟེང་རྟེན་ནི་བཞག་བྱས་ལ། །ཞེས་དང། ཀུན་སྙིང་གིས། ལྷོ་སྒོ་ཡི་ནི་ས་ཡི་ཆ། །ཁྲུ་གང་པ་ལ་གྲུ་བཞི་པ། །སྟེགས་བུ་ལེགས་པར་བརྩིག་བྱས་ལ། །དེ་སྟེང་སློབ་མ་བཞག་པ་བྱ། །ཞེས་གསུངས་པའི་ཕྱིར་དང། གཞན་ཕན་ཉེར་མཁོ་ལས་ཀྱང་དེ་ལྟར་བཤད། ཅེས་དང། སྡིག་པ་སྦྱོང་བའི་རྟེན་དེའི་གདན་ཡིན་པས་ན་སྦྱོང་སྟེགས་ཞེས་བྱ། འགྲེལ་པ་ལས། འཁོར་ལོའི་ལྟེ་བས་ཉོན་མོངས་སྦྱོང། །རྩིབས་བརྒྱད་ཀྱིས་ནི་སྡུག་བསྔལ་སྦྱོང། །མཐའི་མུ་ཁྱུད་ཀྱིས་ནི་ལས་རྣམས་སྦྱོང། ལས་ཉོན་སྡུག་བསྔལ་ཀུན་འདུས་པའི་པའི་ཕྱིར་རོ། །ཞེས་གསུངས་སོ། །ལས་ཀྱི་དག་པ་དང་སྦྱར་ན། སྲིད་པ་རང་བཞིན་གྱིས་དག་པའི་ཕྱིར་པདྨ་དཀར་པོའོ། །གནས་སྐབས་སུ་འཁོར་ལོས་སྒྱུར་བ་ཐོབ་པའི་ཕྱིར་དེའི་སྟེང་དུ་འཁོར་ལོ་སྔོན་པོ། མཐར་ཐུག་སངས་རྒྱས་ཀྱི་གོ་འཕང་ཐོབ་པར་བྱ་བའི་ཕྱིར་དེའི་སྟེང་དུ་རྟེན་བསྐྱེད་པའོ་ཞེས་ཤར་བླ་མའི་ཀུན་རིག་རྣམ་བཤད་གཞན་ཕན་མཛེས་རྒྱན་ལས་སོ། ། |
Domain | ཆོས་ལུགས། |
{{#arraymap:སྦྱོང་སྟེགས་
|; |@@@ | | }}