101772

སྦྱོར་བ་སེངྒེ་རྣམ་བསྒྱིངས་ (1)

Part of speech	མིང་ཚིག
Definition	མདོ། ཕར་ཕྱིན། མཚན་ཉིད་ནི། སྤྱིར་སེང་གེ་རྣམ་བསྒྱིངས་ཀྱི་མཚན་ཉིད། རྣམ་ཐར་བརྒྱད་ལ་ཆོས་གཞན་མ་སྤེལ་བར་ལུགས་མཐུན་དང་ལུགས་མི་མཐུན་གང་རུང་དང་། སྙོམས་འཇུག་དགུ་ལ་ཆོས་གཞན་མ་སྤེལ་བར་ལུགས་མཐུན་དང་ལུགས་མི་མཐུན་གང་རུང་དུ་སྙོམས་པར་འཇུག་པའི་གནས་སྐབས་ཀྱི་བྱང་འཕགས་ཀྱི་མཁྱེན་པའོ། ། དབྱེ་བ་ནི། མཐོང་ལམ་ཁྱད་པར་ལམ་གྱི་ངོ་བོར་གྱུར་པའི་སེང་གེ་རྣམ་བསྒྱིངས་དང་། སྦྱོར་བ་སེང་གེ་རྣམ་བསྒྱིངས་གཉིས་ལས། དང་པོའི་མཚན་ཉིད། རྣམ་ཐར་བརྒྱད་ལ་ཆོས་གཞན་མ་སྤེལ་བར་ལུགས་མཐུན་དང་ལུགས་མི་མཐུན་གང་རུང་དང་། སྙོམས་འཇུག་དགུ་ལ་ཆོས་གཞན་མ་སྤེལ་བར་ལུགས་མཐུན་དང་ལུགས་མི་མཐུན་གང་རུང་དུ་སྙོམས་པར་འཇུག་པའི་གནས་སྐབས་ཀྱི་བྱང་འཕགས་ཀྱི་མཁྱེན་པ་གང་ཞིག རྗེས་ཐོབ་རྟེན་འབྲེལ་ལ་རྟོག་པ་སྔོན་དུ་མ་སོང་བ། གཉིས་པའི་མཚན་ཉིད། རྗེས་ཐོབ་རྟེན་འབྲེལ་ལ་རྟོག་པ་སྔོན་དུ་སོང་ནས་དངོས་གཞི་ཐོད་རྒལ་གྱི་ཆེད་དུ་མཐར་གནས་ཀྱི་སྙོམས་འཇུག་ལ་ཆོས་གཞན་མ་སྤེལ་བར་ལུགས་མཐུན་དང་ལུགས་བཟློག་གང་རུང་དུ་སྙོམས་པར་འཇུག་པའི་གནས་སྐབས་ཀྱི་བྱང་འཕགས་ཀྱི་མཁྱེན་པའོ། །གནས་ཀྱི་གྲངས་ངེས་ནི། འགོག་པ་གཉིས་ཀྱི་བར་གྱི་མཚམས་འཛིན་རྗེས་ཐོབ་གཅིག་གིས་བྱེད་པས་གནས་བཅོ་བརྒྱད་དོ། །དགོས་པ་ནི། མཐོང་ལམ་ཁྱད་པར་ལམ་གྱི་ངོ་བོར་གྱུར་པའི་སེང་གེ་རྣམ་པར་བསྒྱིངས་པ་སྒོམ་པའི་དགོས་པ་ནི་མཐོང་ལམ་རྩེ་སྦྱོར་གྱི་སྐབས་སུ་རྣམ་ཐར་བརྒྱད་དང་མཐར་གནས་ཀྱི་སྙོམས་འཇུག་དགུ་ལ་ལུགས་མཐུན་དང་ལུགས་མི་མཐུན་དུ་སྙོམས་པར་འཇུག་པའི་ནུས་པ་ཐོབ་པ་དེ་ལ་དབང་ཐོབ་པར་བྱ་བའི་ཆེད་ཡིན་ཏེ། དེ་ལ་དབང་དུ་བྱ་བའི་ཕྱིར་དེ་ཉིད་ཡང་དང་ཡང་དུ་སྒོམ་པར་བྱེད་པས་ཞེས་འབྱུང་བའི་ཕྱིར། སྦྱོར་བ་སེང་གེ་རྣམ་བསྒྱིངས་སྒོམ་པའི་དགོས་པ་ནི་དངོས་གཞི་ཐོད་རྒལ་གྱི་སྙོམས་འཇུག་ལ་ཇི་ལྟར་འདོད་པ་བཞིན་དུ་འཇུག་ནུས་པའི་ཆེད་ཡིན་ཏེ། དེའི་སྦྱོར་བ་ཡིན་པའི་ཕྱིར་རོ། །སྒྲ་བཤད་ལ་གཉིས་ལས། དང་པོ་ལ་སེང་གེ་རྣམ་བསྒྱིངས་ཞེས་འཇོག་པའི་རྒྱུ་མཚན་ནི་སེང་གེ་རྣམ་པར་བསྒྱིངས་པ་དེ་རི་དྭགས་གཞན་ལ་བག་ཚ་བ་མེད་པ་ལྟར། འདི་ཡང་མཐོང་སྤང་སྒྲིབ་གཉིས་ཀྱི་བག་ཚ་བ་མེད་པའི་ཕྱིར་ཏེ། མཐོང་བའི་ལམ་ཐོབ་པའི་རྣལ་འབྱོར་པ་དེ་ཉོན་མོངས་པ་དང་ཤེས་བྱའི་སྒྲིབ་པའི་འཇིགས་པ་མེད་པའི་ཕྱིར་ཞེས་འབྱུང་བའི་ཕྱིར་རོ། །གཉིས་པ་ལ། སེང་གེ་རྣམ་པར་བསྒྱིངས་པ་ཞེས་བརྗོད་པའི་རྒྱུ་མཚན་ཡོད་དེ། སྙོམས་འཇུག་གི་རིགས་ཐམས་ཅད་དགུ་པོ་འདིའི་ནང་དུ་འདུས་པས་སྙོམས་འཇུག་གི་རིགས་རྣམས་ལ་འཇུག་མི་ནུས་སམ་སྙམ་པའི་བག་ཚ་བ་མེད་པའི་ཕྱིར་རོ། །མདོ་ལས་ནི་འདི་ཁོ་ན་ལ་སེང་གེ་རྣམ་བསྒྱིངས་ཀྱི་ཐ་སྙད་གསུངས་སོ་ཞེས་ཀུན་མཁྱེན་གོ་རམས་པའི་སྙོམས་འཇུག་རབ་གསལ་ལས་སོ། །
Domain	ཆོས་ལུགས།

{{#arraymap:སྦྱོར་བ་སེངྒེ་རྣམ་བསྒྱིངས་

|; |@@@ | | }}