101796

སྦྱོར་བའི་རྟོག་པ་ (1)

Part of speech	མིང་ཚིག
Definition	སྔགས། ཨ་ནུ་ཡོ་ག རྙིང་མ། རྣམ་པར་རྟོག་པའི་རི་བོ་བཅུའི་ནང་གསེས་ཤིག་སྟེ། ཡང་དག་པའི་ས་ལ་སྦྱོར་བའི་ཕྱིར་སྦྱོར་བའི་རྟོག་པ་ཞེས་བྱ། འདི་ནི་ལུང་གསུམ་གྱི་དོན་ལ་རྟོག་པ་ཡིན་པར་མདོ་དགོངས་པ་འདུས་པ་ལས། ལངྐའི་བདག་པོ་དེ་ལ་སྦྱོར་བའི་རྟོག་པ་གང་ཞེ་ན། འདི་ལྟ་སྟེ། མི་རྟོག་པ་དང་། མི་རྨོངས་པ་དང་། མི་འགོག་པའོ། །ཞེས་པ་ལྟར་གཟི་ལྡན་འཆར་ཁའི་འོད་སྣང་ལས། དེ་ལ་སྦྱོར་བའི་རྟོག་པ་གང་ཞེ་ན། འདི་ལྟ་སྟེ། ཆོས་ཀྱི་དབྱིངས་མི་རྟོག་པ་དེ་བཞིན་ཉིད་ཀྱི་ཏིང་ངེ་འཛིན་དང༌། ཡེ་ཤེས་མ་རྨོངས་པ་ཀུན་ཏུ་སྣང་བའི་ཏིང་ངེ་འཛིན་དང༌། ཟུང་འཇུག་མི་འགོག་པ་རྒྱུའི་ཏིང་ངེ་འཛིན་གསུམ་གྱི་ལས་དང་མཚན་ཉིད་དེ་འབྲས་བུ་མཐར་ཕྱིན་ཏེ་ལྷུན་གྱིས་གྲུབ་པར་མངའ་བ་ལ་འཛིན་པའོ། །སྤྱིའི་དབང་དུ། ཞི་གནས་ཆེན་པོ་མི་རྟོག་པ་ནམ་མཁའ་ལྟ་བུ་དང་ལྷག་མཐོང་ཆེན་པོ་མ་རྨོངས་པ་དེ་ལ་གཟའ་སྐར་བཀྲམ་པ་ལྟ་བུ་དང༌། ཟུང་དུ་འབྲེལ་བར་མི་འགོག་པ་མཁའ་དང་གཟའ་སྐར་གྱི་གཟུགས་བརྙན་རྒྱ་མཚོར་གསལ་བ་ལྟ་བུ་སྟེ་ལུང་གསུམ་གྱི་དོན་ལ་རྟོག་པའོ། །ཞེས་གསུངས་སོ། །
Domain	ཆོས་ལུགས།

{{#arraymap:སྦྱོར་བའི་རྟོག་པ་

|; |@@@ | | }}